مميزات العزوبية للبنت

كل بنت تأخرت عن الزواج تعتقد ان الحياة لا تستوى بغير وجود الرجل والمرور بتجربة الزواج فى الوقت الذى من الممكن ان تكون هناك الكثيرات من المتزوجات غير سعيدات ويتمنوا ان يرجع الوقت ليعودوا الى حياة ما قبل الزواج حيث سلبت منهم الكثير والكثير من المميزات ولنتعرف سويا على اهم المميزات العزوبية للبنت:
1- مش هتلاقى الى هيصحيكى قبل ميعادك بساعة عشان تفطريه قبل ما ينزل وحتى لو بيفطر فى الشغل ممكن تلاقيه بيصحيكى بس عشان هو صحى.
2- تقدرى براحتك تختارى الشغل الى يناسبك انتى مش يناسبك انتى و جوزك من حيث المواعيد والسفر و…الخ.
3- مش هيكون مطلوب منك يوميا عمل فطار وغذاء وعشاء وليعجب لميعجبش لا وكمان تلاقيه بيتأمر يعنى اكل ايه و ماكلش ايه وعايز اكل ايه بكرة !
4- انسي دلع ماما بانك تلاقى سريرك المتروق ولبسك المكوى وتقعدى تزعقى على الطرحة اللى متغسلتش اوالبلوزة اللى متكوتش لان يا حبيبتى لما تجوزى هيبقى فى غيرك الى هيزعق على القميص اللى متغسلش والبدلة اللى متكوتش!
5- عندك بقى الاسئلة المعتادة الى لازم تعودى نفسك عليها زى رايحة فين؟ وجاية منين؟ ومع مين؟ وهترجعى؟ امتى؟؟؟؟؟؟؟؟؟
6- انسى التليفزيون وهيمنة الريموت كنترول طول ما جوزك موجود فى البيت وفى ماتشات وخاصة لوكان بيشجع نادى معين وغاوى كرة فاعرفى ان ممنوع منعا باتا انك تقربى من الريموت كنترول اوتجننى فى عقلك و تفكرى تقوليله على المسلسل الى متبعاه حتى لو دى الحلقة الاخيرة منه، انسى!
7- اصحابك، خروجاتك، سفرياتك انسى لان ببساطة مينفعش تسيبيه فى البيت لوحده ، عارفة انتى لما تخلفى وابنك او بنتك يكبروا شوية ممكن تسيبيهم عادى لكن جوزك ممنوع!
8- الاكل، غصب عنك هتلاقى نفسك مجبرة على اكل مبتححبوش و السبانخ الى مبطقيش ريحتها هتتعلميها وتعمليها وتاكلى منها لان جوزك بيحبها وهتلاقى نفسك مبتعمليش حاجات انتى بتحبيها و هو لا لان من الاخر هتكسلى.
9- عارفة غنوة عبد الباسط حمودة بصيت لروحى فجأة ولقيتنى كبرت فجأة، هو دا الى هيحصل معاكى بالضبط، مرة واحدة انت مسؤلة عن لبسك واكلك انتى وجوزك دا غير انك المفروض تكلمى فلان وتسلمى على علان والواجبات اللى كان بابا وماما هما الى بيعملوها دى عرفاها اللى هى عيدتى على اونكل، طيب كلمتى طنط !!!
10- البيت و تنضيفه، عليكى، الغسيل و نشره عليكى، الاكل و عمايله، اكيد عليكى و اخيرا و ليس اّخرا نص دولابك هيتغير لان جوزك هيقولك انا بغير!
وفى النهاية عليك ان تعلمى ان كل حياة لها مميزاتها وعيوبها ولكن عليك ان ترضى بالواقع وتتأقلمى معه مهما كان وتحاولى ان تسعدى نفسك