من الرياض أو الخرج أدخلي وفيديني وأكسبي أجري

حفيدة أبو متعب
أنا راح أدخل في صلب الموضوع أبي مساعدة من بنات الرياض لأنزواجي قرب في الأمور التالية :

نفسي أصبغ شعري كوكتيل وأبي مشغل يضبطة ومايكون غالي لأن ميزانيتي مضروبة .

والله فيه مشغل اظاهر اسمه فاشن في العليا بس غالي والله بس ترى انا مو متاكده من الاسم
لان وحده من صديقاتي صبغة كوكتيل روعه حتى فيه خصل لونها توت جلس ثابت اللون يعني ما قلب اورنج كالعاده وخصل اسود وبني غامق وفاتح يعني صراحه روعه

عند موديل لفستان زواجي جداً جداً بسيط وناعم وأبي خياط أو مشغل خياطهم مضبوط لأن فستاني مافية موديل صعب وذبحني أستغلال المشاغل وبعض الخياطين وهل تنصحوني أروح للمتنبي ولا أسواق مكه لأنهم آخر خيارين عندي .

المتنبي ما انصحك تروحين له
روحي اسواق مكه
وفيه مشغل في حي الروضه اسمه زهرة الشمس تفصيلهم حلو واسعارهم بعد حلوه مو غالي

أبي أفكار حلوة لأستقبال الضيوف وقت الزواج يعني حركتات عند المدخل غير الزي الخليجي .

والله ما عندي افكار ان شاءالله البنات يفيدونك
أدري يالغاليات طولت عليكم بس والله والله راح أدعي لها من كل قلبي اللي تساعدني بمعلومة وبالأمانه تكون عن تجربة شخصية أو مشاهدة واقعية بالعين
أنتظر مساعدتكم ولكم مني جزيل الدعاء بهذا الشهر الفضيل
تستقبل التبرعات على صندوق التبرعات رقم 55555
<<<<<<<<<<<< أفاا البنت قامت تخور وتخربط بس لا تلوموني والله تعبت
أختكم : حفيدة أبو متعب
تقبلي مروري

اذا الميزانيه مضروبه للأخر عندك مشغل داليا روعه في الصبغات واسعاره كثير مناسبه يعني مايروح فوق 300 ريال
وبالنسبه للتفصيل والله ماادري لكن فيه مشغل فصلت فيه وحده من قريباتي عند مشغل "شرطان الذهب" بجانب اسواق مكه اسعاره مناسبه يعني ويضبطون الخياط اذا كان موديلك واضح
انصحك بهم واسألي مجرب ولاتسألين طبيب خ

الملكه
جولنار
شاكرة مروركن الكريم
أسأل الله العظيم أن ييسر أموركما ويفرج كربكما وريزقكما من حيث لا تحتسبان إنه على ذلك قدير

??????????????????????

اختي بالنسبة للصبغات أكذب عليك لو أقولك جربت وما عندي اي ادنى فكرة عنهم وبترك الأخبر مني تنصحك بس ممكن أفيدك بشي صغيرون في مركز ابوللو وطبعا هو معروف على مستوى الرياض وهو يعتبر أفضل مركز بالرياض مسوين لحين عرض عالصبغ والقص والظاهر هم تقريبا 4 خدمات بس ناسية ايش هما ب1000 ريال وطبعا ابوللو ادخلي وانتي مغمضة وبالنسبة للتفصيل انا فصلت فستان زواجي بأسواق مكة وبصراحة تفصيلهم حلو واسعارهم بالمرة حلوة والمحل اللي فصلت عنده اسمه ليلة فرح اما بحركات الإستقبال ما عندي الا هالفكرة وهي اللي بصلحها بزواجي انشالله في بسعد الدين فناجيل قهوة من البسكوت والشوكلاته بخللي ثنتين من الصبابات يوقفو عالإستقبال ويظيفو الناس اول ما يدخل اتمنى اني أكون أفدتك وبالتوفيق انشالله ................ بس لا تنسي ادعيلي

ياقلبي اذا ع صبغه روحي الملتقى صبغتهم مره حلوه بس ح تكون في حدود 800 واذا تبين اقل مالك الا داليا شغلهم حلو ورخيص وبنسبه لااسواق مكه والمتنبي والله ماعمري جربتهم واتمنى اني افدتك بالي اقدر عليه وموفقه يارب

بالنسبه للصبغه انا سمعت مشغل مشاعل يمدحونه اللي بحي الشفاء وانا بصراحه ماقد جربته بس ودي اصبغ عندهم

بصراحه انا ماعندي شي..
بس سمعت طاري الخرج قلت بسلم عليك وبقولك الف مبروك والله يوفقك..
بس معليش بنات انتم مدحتوا مشغل داليا..انا قد جربته بصبغه وقص وخربوا شعري..
نصيحه لا تروحين لهم..
واذا تبغين نصيحتي اصبغي شعرك لون واحد..اولا ارخص..ثانيا..اضمن وأأمن..ثالثا يخلي شكلك نعوم..رابعا اريحمن ناحيه ترتيبه وتسريحه لأنه مايبان فيه العيوب زي الخصل..
واذا تبين رقم وحده ممكن تساعدك بتوزيعات الزواج ومن الخرج راسليني عالخاص..
تحياتي وبالتوفيق