من تحت يدين شقراويه حلى مكعبات الشكولاته الفخم بالصور خطوه بخطوه

بسم الله الرحمن الرحيم
كييفكم حبيباتي
زي ماوعدتكم انزل حلى مكعبات الشكولاته الفخم بس هالمره من تحت يديني ومن مطبخنا الى مائدتكم طازجه كل صباح <<
جهزوا القهوة يالله نبداء ؟
المقادير
الطبقة الاولى:
1/ علبة بسكويت شاهي
1/ كوب حليب سائل المراعي
الطبقه الثانية :
نص/ اصبع ز بده
2/كوب حليب باودر نيدو
نص /كوب سكر
1/قشطه
الطبقه الثالثه :
مدري كم علبة اولكر اتوقع 8 علب اتوقع
نص علبة حليب مركز او محلى نستله او بوني اللي تحبون
و6حبات جبن كريمة .. انا اخترت كيري
نسكافية
الطريقة :
1/ اول شي نستعمل صينية بايروكس ونغلفها بقصدير .
2 /نغمس البسكويت الشاي بالحليب ونصفه بالصينيه وندخله الثلاجه .
3/نحمر حليب الباودر الى ان يصبح لونه ذهبي .
4/نضع زبدة و السكر وقشطه والحليب المحمرفي الخلاط.
5/نصبه فوق البسكويت اللي في الثلاجه وبعدها نصف الشكولاته اولكر مثل الصوره.
6/ نسوي الخلطه الاخيرة الجبن الكيري وحليب نسلته في الخلاط ونحطه فوق الشوكليت بدقه عشان مايطلع من الجنبين من جوه الحفره زي الصورة
7/ اذا خلصنا نرش نسكافية فوقه زي الصوره وندخله الفريزر او الثلاجه يوم كامل بس اهم شي يجمد
8/ حطينا القصدير عشا ن يسهل علينا تقطيعها تقطعينه بسكين حاده وبدقه وتقدمينه.
اتمنى تعجبكم .. بس مااحلل اي وحده تأخذ الصور او تحطها في منتدى ثاني الحقوق محفوظه .. الله يوفقكم يارب