من قارورة العطر خرجت

السلام عليكم ورحمة الله وبركاته
كيفكم ان شاء الله بخير..؟!
ودكم تدرون ان الموضوع له سنة في بالي
قاتل الله العجز كانه يسوي مشاكل << تعاني
وعلى فكرة ترى العنوان مسروق من نزار قباني
اوب من زود حبي له من عجبتني الجملة
ودي نتكلم بشئ ثاني عن انواع العطور واسمائها.. عملي أكثر ,
اللي هو طريقة استخدامنا لها ,
كلنا نتمنى نصير فواحات , والريحة تثبت علينا مدة طويلة
وطبعا كل وحدة منا لها طريقة بالتعطير ,
بكتب هنا استخداماتي وتجاربي .. بعضها نجح معي واعتمدت طريقته , وبعضها ما حبيته مره بس غيري عجبته
وأكيد الموضوع ما يكتمل إلا باضافاتكم
..

• 
  |
  | جسمك ,

. . بعد الحمام حطي من المسك الأبيض السايل على أماكن النبض بالجسم وبعده أي عطر وممكن الوايت مسك من بودي شوب
. . لو تبين شئ خفيف بعد الحمام رشي بدي سبريه على جسمك قبل ما ينشف مره وحطي بشعرك نقطة خمرية
. . ممكن نفس العطر اللي تستخدمينه ترشينه على طول على جسمك وهو رطب - على أماكن النبض -
. . بعد الحمام جيبي ماء فاتر وابشري عليه شوي من المسك المكعبات وامسحي جسمك فيها
. . اطحني شوي من مكعب المسك مع بودرة الجسم اللي متعودة عليها وأفضل شئ بيبي جونسون
. . إذا عندك مناسبة , بعد الحمام تبخري - وشخصيا أفضل المعمول - وحطي دهن عود بأماكن النبض , وآخر خطوة رشي عطرك الفرنسي وتوصي بالرش , عطر فرنسي + عود + بخور = فخامة
. . كثير يذمون الكريمات المعطرة اللي تجي مع لاين العطر , سواء من ناحية ان ريحتها تقلب بعد فترة على الجسم , أو من ناحية انها تسود .. شخصيا ماقد استخدمتها فما أدري ياليت اللي مجربتها تعلمنا

• خاص للاندر ارمز :

. . إذا حطيتي الديدورنت - والأفضل مايكون معطر - حطي شوي بودرة بريحة تحبينها , مثل الوايت مسك من بودي شوب
. . اخلطي كريم الجسم اللي متعودة عليه -وبرضو ما يكون معطر - مع مسك مكعبات مبشور , ويستخدم ك ديدورنت
. . اخلطي جلسرين + ملعقتين شبه + شوي موية ورد + مسك اللي تبين سائل أو مكعب مطحون , بيصير خلطة كأنها كريم بعد كل حمام حطيها

• 
  |
  | شعرك ,

. . فيه عطورات خاصة للشعر عند الماركات الكبيرة مثل شانيل وديور و توم فورد
وبرضو عند زهور الريف وبودي شوب
لكن أهم نقطة ان الشعر يكون نظيف وقتها , ولا الريحة بتتغير
. . للمناسبات جيبي قارورة موية صحة واخلطي معها كم نقطة خمرية أوالمسك الأبيض , وإذا خلصتي غاسلة شعرك صبي القارورة عليه .. الريحة تثبت
. . بعد ما تغسلين شعرك مرري دهن عود على أطرفه وهو رطب , وبخريه

• 
  |
  | غرفتك ,

. . فواحات الكهرب بطلة , حطي فيها كم نقطة من زيت عطري تحبينه وخليها مشغلة ساعة , تعطي الغرفة جو
عني أنا أحب أدمج أكثر من ريحة بنفس الوقت , يطلع شئ مميز وحلو
. . الشموع العطرية من السواني روائحها

• دولابك :

. . جيبي أكياس أورجنزا صغيرة .. وعبيها مسك مكعبات مبشور , وعلقيها على علاقات الملابس
كل ما فتحتي دولابك بتقولين وه بس
. . عند هوم بلازا بقسم الفواحات والروائح فيه مظاريف صغيرة داخلها شئ زي الخرز بروائح منوعة برضو تحطينها بأكياس أورجنزا
وتعلقينها , على فكرة ماجربتها ف ما أدري الريحة تطول أو لأ
. . إذا بخرتي غرفتك , دخلي المبخرة بالدولاب وسكري عليها شوي , تصير ملابسك ريحتها بخور

• أدراجك :

. . افرشي ورق الأدراج المعطر من هوم بلازا قبل ما ترتبين أشيائك فيها
. . برضو فيه عند هوم بلازا كور خشب معطرة بكذا رائحة , كورة وحدة بالدرج تكفي وتخلي ريحته كل ما فتحتيه
بكذا أنا خلص اللي عندي ..
وأكيد ما نستغني عن تجاربكم ,
الموضوع لكم
منقول
(عشان صاحبه الموضوع ماتزعل لاني اعزها)
موعشان احد بدون اسلووب