من وين نجيب الصبر للي مايفهم أبغ مناقشة

الله يمنحك الصبر من عنده بصراحه شيء يقهر
لكن أكثري من الإستغفار في كل الأحوال بارك الله فيك

انا مثل حالك حبيبتي
واايد يدقق ويعلق !! بس انا ما ارد عليه ولا اعطيه رايي مثل شوفي بالله عليج هذا شعر طبيعي جذا؟ اتم ساكته ولا كأني سمعته بس والله احياناً اتعب من هالشيء وابكي لحالي وادعيله لاني كلما اسمع هالكلام احس اني موول مو حلوه في عيونه بس حبيبي ما اعتقد هالشي واعتبر تفكيري خاطء
الدعاء اختي لان صدق حسيت بتأثير الدعاء مالك غير ربك تشكيله حالج

مشكوره اختى ام هيفاء على المرور الحلو
ادري شي يقهر بس تعرفين صرت احيان اعلق واحيان اتجاهل واطنش واحيان اكسر الدنيا عليه

اذا كان زوجك من النوع اللي ي طالع ويذكر حتى لو غشمرة قدامج هذي المفاتن لا تصدين له بقوةة وتقولين له انت ملك حق اطالع بنات الناس"" مع انه ماله حق "" جيبيه بالساسة ...
اذا كنتوا في السوق مثا غيري اتجاهج لاتجاه آخر واذا اللي قدامج شي ما تقدرون اتفادونه جريه في حديث يشغله معاج...
وتقدرين بالزين اتقولين له "" يا..... لا تخلي عيونك تناظر هالاشكال ترى عيونك الحلوة مخلوقة للأشكال الحلوه نفسي .. وانتي اتكلمينه اتخلين نظراتج تجبره انه يطالعج وبس ....
اتمنى يا وهج الحياة " اني افدتج بشي""
ودايما قولي في نفسج
"" ساصبر حتى يقول الصبر أني صابرا على شيء امر من الصبر""

الله يعينك عليه ومالك الا الصبر والدعاء
واكيد فيه ايجابيات تغطي على هالسلبيه
وبصراحه الرجال ماينلامون من كثر البلاوي اللي في الاسواق والمجمعات اللي تلفتنا احنا قبلهم
وانصحك بعد اذا بداء يتكلم لاتعطينه مجال قفلي الموضوع لأنك انتي اللي بيجرحك مدحه لهم
وجربي مره اذا علق قولي له ((انا زوجتك ماني خويك وعندي احساس وغيره ليتك تحترم مشاعري))
والله يسخر ازواجنا لنا ويسخرنا لهم
ودمتي بود

اختى العزيزة مافى رجال مابيطلع وما بينتقد الى بيشوفوا سواء نساء اوبنات سبحان الله هدى غريزة فى الرجال مهما تقولى عاقل وسهيان خديها قاعدة الرجال مابيملاعينيهم غير كوم ملح والى فى عاده عمروا مابيتركها عندك انا من كثر ما بغارمابحب يجيبلى سيرة البنات ولاحتىيتفرج على التلفزيون ولو يصحلى احبسه بسجن مابوفر الله يعينا على عيونهم الى بدهن قلع

لما زوجي مره علق على شكل وحده بعباة الكتف قلت له
تبي البس مثلها ماعندي مانع
قال لا خير ان شاء الله <<<<<<<<< هو موته ولا عباة الكتف
قلت مدري عنك شكلها عاجبتك
بعدها تكتم وسكت

أفضل شي إن الوحده تسكت و ما تعلق لأنه بيتضح له إنها تضايقت من كلامه
الله يهديهم..
و شكرا لك يا وهج الحياة...

شوفي في رجال يحبون يثيرون غيرة المرأة عشان تهتم فيه حتى لو بالخناق
بس اذا مضايقك وبكثرة يقولها
اختاري وقت مناسب واجلسي معه جلسة مصارحةولا تقولين ليش تناظر وفيك ومافيك لا
قولي ترضى ونا امشي معك بالذات احد يشوفنا ويعلق علي او ابسط شي نظرة تحس انها يمكن اعجاب
وش شعورك
واذا هذا طبعك ومبلي فيه انت تبتلى
وبغض النظر عن احد يناظرني او غيره المسالة احترام انا معك وتعلق على الي قدامك شفت شي غض وامش بطريقك ماقولك غمض بس بين لي محبتي واحترامي عندك مثل ما انا احترمك واغليك .....وهكذا من الكلام الي يدوخ
والله يعين ودامه قدامك يعلق احسن من وراك يشبك (نظرة عالطاير وعابرة)