مهند رمز الرومانسية

بنات شفتو مهند م يهبل ابي شي واحد بالدنيا بس اقضي ليلة رومانسية معاه
ما خفتي من اللي ما تنام عينه وانتي تقولين هالكلمة ؟؟؟؟؟
كلام زوجة لرجل غافل
كيف تضعين عينك بعينه بعد هذا الكلام؟
بنات لبا قلبه شفتوه وهو مسوي ذيك الليلة حق العصلة نور (طبعا غيرانه الاخت)
شفتوه وهو جايب لها السيارة مالت على حظي
كلام مراهقة لم تعرف من الدنيا شيء
زوجه خليجية تعطي زوجها مهله ليصبح مثل مهند (كلام جرايد) ماخبرت عندنا رخوم بالخليج ولا شرايكم
الحين المسلسل هذا اللي صار موضة الموسم ورمز الرومانسية بذمتكم فيه من الرومانسية شي
اختي الزوجة والمراهقة وال>>>>>>>>>>>>>>
يوم يحبون بعض وعشرة متهاوشين (وين الحب)
ببداية المسلسل منحاش منها (وين الرومانسية)
علاقتها مع هذا اللي ذبحته نسيت اسمه تعتبر خيانه (ولا تبون ازواج ديوثيين)
علاقته مع نهال (ترضين زوجج يصير له نفس العلاقة)
الولد اللي طلع بالغفلة(بذمتج باسم الحب بيصير الموضوع عادي عندج)
كل يوم شايلة خلاقينها وهاجه من البيت (قمة الحب)
صح اللي يتمنون العيال لو دزج زوجج مثل مادزها مهند وطيح ولدج بتسامحينه وتعتبرينها رومانسية
وعلاقته ببداية المسلسل مع ذيك الثانية اللي يعرفون المسلسل بيتذكرونها
اذاجاتج وحدة وقالت انها تحب زوجج وتبيه وهو يبيها بتعتبرينها رومانسية
سفرها مع رجال غريب وسكوت مهند رومانسية
صح ودموعه اللي اربع وعشرين ساعة نازلة رومانسية وين الرجولة
للمطالبات بزوج مثل مهند هل للحين تعتبرين مهند ونور رمزللرومانسية
واذا على الورد والشموع والخبلة اللي يحطونها وراهم تعزف كمان
الموسيقى حرام والرسول عليه الصلاة والسلام ماعرف الورود والشموع
وكان خير الرجال لاهله
واذا على الشقار والعيون الزرق التكنلوجيا ماخلت شي لبسيه عدسات واصبغي شعره خ
مافي ارز من السمار الخليجي يازين شبابنا الله يحفظهم من العين بالغترة والشماغ ولا شرايكم