مواقف مضحكه زوجيه

مواقف ضحكية زوجيةكيفكم وكيف احوالكم يااحلى فراشات
ياقلبوه هذي مواقف لبنوتات توهم متزوجات وغير كذا بنوات قبل الزواج
يحكوا عبطهم لول
وانا حبيت نغير جو من سوالف المشاكل الزوجية والمشكال الاسرية
وحياكم الله وسعو صدوركم هنا معاي ومير اللي عندها موقف مضحك تسدحه
بنوتات او متزوجات
ويالله تحيهم
واللي يعجبها موضوعي مير تدعيلي
ربي يوفقني وتهديني لطريق الحق
ويارب تصلح لي بناتي وتوفقهم
مرة من المراري
كنت قاعده في الملحق انا وخالتي ام زوجي وخوات زوجي وكنت توني معرسه مابعد كملت سنه اضن
وفيني رجه مهيب طبيبعيه
المهم كلمت ابو الشباب مدري هو كلمني قلت له وينك تاخرت؟؟
قال في الحاره مير يغزني بليس قلت ورى ماتروحين تخبين ورى الجدار تروعين رجلك
مير اسمع باب الكراج ينفتح واطير اركض اتخبى ورى الجدار
واسمع باب الكراج يتسكر
وانا عاد اقوم استعد احمي يديني للخبطه
واسمع باب السياره ينفتح
واخذ نفس
واسمع خطواته جاايه
المهم مادريت الا الرجال يمشي
عاد طريقه الجدار الي عند الكراج اذا دخل يصير معطيني ظهره وانا وراه
ياليت يوم بليس غزني قال اصرخي في وجه اسحبي شماغه
بس بليس قال اهبديه
وظلام جهت الكراج
واجي طاايره وباقوى قوه اقدر اسويها اخبطه مع ظهره من ورى بين كتووفه<<<<الله من الجفااسه حتى في المزح خ
مسيكين هو من قوه الخبطه
ومادريت الا الكراج ينفتح مره ثانيه
صار الي جاي اول اخوو رجلي
وهو الي تلقى الضربه ارض جو
والله اني بغيت انحاش مع باب الكراج يوم انفتح من الفشيله
واطلب الطلااق
التفت علي قال عمى
عاد انا بغيت ازعل يوم قال عمى<<لها وجه تزعل
مير تشوفوني اسفه اسفه ومغطيه وجهي بيدي احسبك فلان<<<<يقالك ستيره متغطيه خ
قال تكفين خفي على اخووي خ
عاد مير انا الي انصى رجلي وانا ازبد من الحمق<<<بعير مو انسانه
واقوله السالفه
قال اشوى فيه ولا فيني خ
قلت رح تعذر له واشتر له فكس على حسابنا خ
عاد رجلي قال ترى فلانه تحسبك انا لاني مكلمه قايل انا قريب حول البيت
قال الله يصبرك يااخوي انتبه لاتزعلها تذبحك خ
اذا هذا مزح اجل شلون اذا زعلت
البنت هاذي زينه مره وحبيبه بس يعيبها رجولها كباار خ تلبس 41 ومرات 40
تزوجت وانهبلو عليها اهل رجلها من سناعتها وزينها وحبابتها بسم الله عليه
تقول مره مجتمعين هي وحملوتها حريم عيالهم وبناتهم وبنات بناتهم متزوجات كثاار مره
تقول مير تجي سلفتها تقول لها فلانه
قالت سمي<<<<يقالك ذوق خ
قالت ولدي يقول رجول خاله فلانه كبار وسوود وانا وابوه متنا عليه من الضحك خ حسبي الله على عدوانها
تقول مير الدنيا تدور بي ابرد ماعرف من الروعه والمفاجاءه تقول قلت ياحبيله بسم الله عليه ذكي <<<<شوفو الخبال خ
تقول حسبي الله عليها جابت لي العقده صرت لين جيت اروح لحمولتي اقعد قبل يويمن افرك رجولي خ ومرات اذا صندل يسمر لطيت المكيااج في الرجول
هذا الله يسلمكم يوم زواجي من بكره رحنا نتعشى عند اهله عشان رحلتنا بالليل بنسافر المهم دخلت عليهم وطاارو فيني وانا عاد راسي انتفخ الظاهر اني حاسه بعقده نقص
قال زوجي تعالي اوريك جناحنا على اساس اني ابسكن عندهم المهم طلعت فوق ونزل زوجي وانا قعدت اتضبط شوي وجيت انزل ومستحيه بيتهم مليان ومادري وين ارووح معه وقاعده ساعه عند باب المجلس كل ماجيت ادخل استحيت لين طلعت امه في وجهي شافتني ارتاعت قالت بسم الله الله يفشل العدوو المهم دخلت وجلست كل بزارينهم متجمعين تحتي كاني تمثال ابو الهول يتفرجون على العرووس وانا مغير ابرد شاهي واشرب بزارينهم مادري من الروعه وكل واحد يقول انا ماشربتيني
تعشينا وجا زوجي قال يله بنمشي وجا معه اخوانه بيودعونه وبيسلمون علي واتغطى بالشرشف مادريت الا علبه المناديل الخشب الي صاقعه وجهي والله اني حاسه بدوخه من قوه الضربه واصرخ ذيك الصرخه الا ولد اخت زوجي شيطاني امه مستاذيه منه صقعني فيها تطامرو خواله الي يخبطه مع راسه وانا من الروعه اقول لاعادي ماعورني اصلا ماطقتني العلبه
كل هالصرخه واقول ماطقتني وعيوني تصب دمووع واقول في نفسي الشرهه على الي يتزوج ولدهم
قال له زوجي قلها اسف يله بسرعه ودخل راسه تحت الشرشف وانا الي احمر عيوني عليه واكشر في وجهه قام الله يفشله قال يمه عيونها تخوف كبار وحمر بصووت عالي بغى يغمى علي من الروعه
منقول لعيونكم