موسوعة العطور النسائيه ادخلي واعطينا رأيك

بسم الله الرحمن الرحيم
كيف الحال بنات وحريم
طبعا اغلبنا مدمنين عطور ونحبها بكل انواعها باردها وحاره صباحي ومسائي ثقيل وخفيف
بس مشكلتنا لما نروح نشتري عطر
بعد ما تتعب خشومنا من الشم وتصدع روسنا ناخذ عطر ويمكن لما نرجع للبيت مانحس انه نفس الريحه الي كانت بالمحل وهذا بسبب كثرة العطور الي شميناها
حتى لما ندخل باي منتدى ونسوي بحث على فئه معينه من العطور نلقى رايي هذي غير رايي او رايك
وطبعا العطور كثيره والاذواق مختلفه
فتخيلوا لو ان فيه قائمه بكل العطور المفضله لك؟؟
مثلا تبين تروحين للسوق وحابه تشترين عطر ريحته دهن عود (مثلاً)
وتلقين قائمه تحتوي على كل العطور الي ريحتها دهن عود
او قائمه كلها عطور صابونيه
او عطور بريحه الفواكهه ..الخ
ماراح يريحك هالشي ويحد من خياراتك؟
ويصير كل الي عليك انك تاخذين معك هالقائمه للسوق وتشمينهم وتشترينهم وبس
متخيلين معي الموضوع شلون بيختصر علينا وقت وجهد ومتعه بعد
فانا قبل كم يوم خطرت في بالي فكره تهووس
لو طبقناها واجتمعنا كلنا وشاركنا في الموضوع راح نوصل للفكره الي ماسبقنا فيها لا محلات ولا منتديات عربيه او حتى اجنبيه
الموضوع راح يوفر علينا جهد ووقت ومصاريف مالها داعي في اننا نشتري عطر ونكتشف انه مو حلو
واي واحده تشارك معنا الله يحييها المجال مفتوح للكل وكل ما زاد عدد الردود كل ما وصلنا لنتيجه ادق واشمل
نظام الموسوعه
انا راح اعرض لكم كل جمعه مجموعة من العطور نحاول انها ما تتجاوز ال10
بتكون الماركات مرتبه ترتيب ابجدي
كل وحده تدخل وتشوف وش العطر الي كانت تستخدمه من بين هالعشر عطور وتعطينا رايها فيه
اما اذا دخلت وحده ولقت ان كل العطور المعروضه لهذا الاسبوع جديده بالنسبه لها ممكن تشارك بعطور الاسبوع الي بعده لان القائمه متجدده
او ممكن خلال الاسبوع اذا راحت لاي سوق تشمهم وتعطينا رايها فيهم وتقييمها وتصنيفها
يعني كل وحده قدامها اسبوع عشان تعطي رايها
وبكذا راح تكون عندنا خبره كبيره في العطور وجدول خاص فينا يوفر علينا كثير
فارجوا من الكل انه يدخل كل اسبوع مره ويشوف اذا العطور سبق انها استخدمتها او لا عشان تفيدنا ونفيدها
طبعا المطلوب منكم انكم تقيمون العطر بخطوتين
الخطوه الاولى التقييم من 5
5- عطر خيالي وممكن تكررينه لما ينتهي
4- عطر حلو بس ما يكرر
3- عادي جدا وغير ملفت
2- شين ومقزز
1- اذا شميته في وحده ودك تقتلينها
الخطوه الثانيه تصنيف العطر على حسب هالجدولين
مثلا العطر الفلاني
انا يعجبني مره واحب اكرره مره ثانيه وريحته فل
اروح اعطيه تقييم 5
ونوعه صباحي بريحه الورود
بكذا وفرت على اي وحده نفسها تشتري عطر ريحته ورد
وتاخذ اسمه وتروح تشمه
طبعا راح يكون كل اسبوع فيه جدول يتجدد فيه قائمه بالعطور وعدد الاصوات وتقييم البنات لها
بحيث ان الي تبي تطبعه او ترسله لموبايلها تقدر بكل سهوله
وراح اعرض لكم الحين اول 10 عطور معنا في الموضوع لهذا الاسبوع
ارجوا التفاعل من الجميع
عشان تعم الفائده
معنا اليوم 4 ماركات
((الماركه الاولى))
Acqua Di Parma
منها 5 عطور
العطر الاول
العطر الثاني
Blu Mediterraneo بكل انواعه
العطر الثالث
Colonia Assoluta
العطر الرابع
Colonia Assoluta In Villa
العطر الخامس
Iris Nobile
((الماركه الثانيه))
Adem
منها عطر واحد
((الماركه الثالثه))
Adidas
منها عطران
العطر الأول
Floral Dream
العطر الثاني
Tropical Passion
((الماركه الرابعه))
Agent Provocateur
منها 5 عطور
العطر الأول
العطر الثاني
Eau Emotionnelle
العطر الثالث
maitresse
العطر الرابع
Strip
العطر الخامس
Strip الجديد