موسوعة مشاغل الرياض

firstglance

07-01-2022 - 07:08 am

السلام عليكم ورحمة الله وبركاته
حبيت اطرح هالموضوع عشان الكل يستفيد خاصة اننا على موسم صيف والمناسبات كثير
ابغى كل وحده تدخل تتكلم عن مشغل تعاملت معه كيف الشغل حقهم وكيف اسعارهم
بالنسبة لي انا راح ابدأ بمشغل هيام بالتخصصي سبق جربتهم شغلهم حلو بس اسعارهم نوعاً
ما غاليه
مشغل كان اللي بحي الملك فيصل كان فيه وحده اسمها نور شغلها حلو مره وسعرهم حلو برضه
بس سمعت انهم نقلو مدري عاد عنهم وفيه مشغل الانوار بطريق الملك عبدالله خلف مجمع صحارى شغلهم حلو
وعالم وسام بعد شغلهم خياطه حلو بس غالي ومشغل الراقيه حلو بس غالي ومشغل دار نور خياطتهم حلوه
بس سعرهم غالي هذا اللي اعرفه واتذكره حالياً الدور على الباقين

التعليقات (8)

حلا الدنيا؟؟؟

07-01-2022 - 10:39 am

انا اعرف مشغل مثلث الموضة شغلهم حلو ومشغل فاشن ومشغل دار امواج

~أميره المكان~

07-01-2022 - 11:40 am

مساء الخير
ياليت الي تعرف عن مشغل ساما او وسام والله ما ادري بس يقولون فيه وحده اسمها مدام مي شغلها حلو فلي يعرف يخبرنا عنها
مشكورات

غـــــــروبــــــــــ

07-01-2022 - 12:41 pm

مرحبا بنات
انا اعرف مشغل شيفون هو مشغل روعه بنسبه للاسعار انا قصيت شعري وصبغته ب350 بس شغلهم حلو
وحف الوجه بلخيط او الشمع ب30
وعندهم عنايه حلوه بلعروس
والمكياج فيه وحده اسمها مرسي فلبينيه مكياجها للعروس روعه انا مجربته طلعت اشبه حليمه بولند
مو اشبها اشبها انا احلى منها بلا نقاش خ واثقه
الي اكرهه في مكياج المشاغل اني اطلع مهرج الوجه ابيض حيل والشفايف روج احمر
والعيون ظل اسود اتخيلو عاد وربي ليهربو كل الي في القاعه مني

firstglance

07-01-2022 - 01:42 pm

ميرسي على الاخوات المتفاعلات بس تراني اقصد المشاغل هذي في الخياطه ماقصدها في المكياج

فراشه...

07-01-2022 - 02:43 pm

مرحبا بنوتات ....
فيه مشغل اسمه " شادي الخليج " في حي الملك فهد...
صراحه عليه الكلام...
يجنن.. فصلت عندهم فستان حق زواج اخوي... والله طارت عيوني يوم شفت الفستان كأنه جاهز..
ماشاءالله شغلهم نظيف مره ومرتب...
يوم شافت خالتي الفستان قالت من وين شريتي فستانك ؟؟..
على بالها انه جاهز..
وحف الوجه عندهم ابداع بالشمع والفتله .. كله خطير .. واللي ممتازه بالحف " جينا " فلبينيه مربربه
شغلها يهبل...
وعندهم عبير للاستشوار رايق شغلها...
والله اذا استشوورت عندهم اشوف نفسي.. خ اصير مغروره من كثر ماهو حرير
والبدكير والمنكير بعد نفسها عبير...
وكل شي عندهم...
اسعارهم مره حلوه..
حف الوجه ب 50..
استشوار قصير 35..
طويل 50..
وفستاني فصلته ب 2500 لأنها جابت القماش وكل شي من عندها ..
بس متأكده ماراح تندموون..
فيه برضه مشغل اربيل..في عماير السيركون..
عاد هذا مايحتاج صيته واصل " لبنان ودبي "..
شغلهم في الشعر يجن ... اذا تصلحت عندهم كأني متصلحه عند طوني مندلق...
مره خيال...
الشعر سعره واحد 250 تسريحه ولا اللي هو...
والمكياج 500 نفس الشي خفيف ولا مكياج دهره
ياربيه ادري ان بربرتي كثيره..
بس والله ودي اعلمكم بالزين يابنات..
وسلامتكم...

firstglance

07-01-2022 - 03:44 pm

فراشه ميرسي على حضورك ياقلبي ابي توصفين لي مشغل شادي الخليج
وابي رقمهم تكفين وبالنسبه لارابيل مو هو اللي في القرعاوي ماعرف انه بالسيركون

مــــايا

07-01-2022 - 04:45 pm

وين مشغل شادي الخليج اختي

moon202020

07-01-2022 - 05:46 pm

السلام عليكم ورحمة الله وبركاتة
خويتي عزيزتي ابي رقم شادي الخليج ضروري
واي وحده تعرف مشغل راقي جدا لمساعدة اختكم الدبدوبة ولكم مني الدعاء ربي يوفقكم انتظركم على احر من الجمر ........................................

ممنوع الزعل ممنوع جوال الكاميرا←
لعرايس حايل فقط→