موضوع للنقاش الجاد

كيف يعني يشوف أشياء غير مباحة دون أن يدريمافهمت قصدك

بصراحه الله لا يقوله اضني غير اطعنه..
بس عن جد عين العقل يقول ..لالازم تصارحينه طبعا ..
بس مو كذا دفش لا .. طبعا اعرف انك بتموتين من الغيره لكن حاولي تمسكين اعصابك ..
اعزميه عالعشاء او حتى بالبيت بجلسه صراحه مع فنجال قهوه او استكانه شاي بس بعيدا عن غرفة النوم خط احمر تحتها ..
واتكلمي معه بمواضيع مختلفه ثم ابدي شوي شوي ادخلي بالزبده قولي صديقتي او بنت خالي او او اكتشفت زوجها واستشارتني بهالموضوع فأنا احترت وش الحل قلت لها اكيد عنده مشكله كونه يتفرج عالافلام او هالمناظر بس قلت لها خليني استشير فلان اللي هو زوجي اكيد الرجال يفهمون لبعضهم اكثر وش رأيك ليش ؟؟
اذا الرجال كامل مكمّل وزوجته مو منقصه عليه شي هل هو مرض هل هي تشوف منظار مختلف عن المنظار اللي يشوف به الرجل وتحسبها كامله وهو ناقص عليه اشياء كثير وش رأيك ؟؟
اذا قال وش عنده طبعا هو ألحين بيكون المستشار وبيتفلسف عليك .. وقفيه عند نقطه معينه لمن يخلص كلامه قولي ؟؟
طيب وانت وش اللي ناقص عليك من هالامور اللي ذكرتها ؟؟
للاسف مشكله صديقتي او بنت خالتي طلعت ببيتي انا وبحبيبي انا واحترت من استشير لاني بكل قراراتي انت صاحب الكلمه الاولى والاخيره عندي فما حبيبت ألتجأ لحد غيرك انت غير زوجي وحبيبي وابو عيالي اللي طلع يخونني من وراء ظهري وش المشكله ..؟؟
اذا كنت بتسويها من وراء ظهري وخايف مني ما فكرت بربك ما خفت من الله .. عامل لي حساب ومو عامله من ربك ؟؟
اذا ماكنت تخاف من ربك لا تخاف مني .. لان مراح تحاسب على خوفك مني لكن تحاسب على خوفك من ربك انا ماعندي لا جنة ولا نار اعطيكياها انت تصنع حنتك ونارك بهالدنيا لكن ربك عنده جنه ونار يعطكياها او يحرمك منها .. اذا انت وانت رجل تسوي هيك من وراء ظهري كيف اضمنك تربي عيالي .. على وش تربيهم على عدم الخوف من الله او الخيانه او حتى على اللي تشوفه وتستمتع فيه من هالافلام ..
وهلم جرا
وطبعا كوني بلغه قويه رقيقه وبصوت متكسر ومتغنج ..
قولي انا مراح اسمح لك تقوم من هالطاوله الا الامر محسوم بيننا ..
لا تنسين الدعاء سلاح المؤمن والاستعانه بالصبر والصلاه ..
ممكن يسمع وممكن مايهتم ويصير قدامك وقدتها الافضل يتدخل من اهله او اهلك بس واحد صاحب خلق ودين وحكمه ويفصل الامر بينكم ..
اخيرا انتي تقولي طيب ويحبك معناته ممكن يكون الرجال مبتلى بمثل هالامر فأنتي خوذي بيده وانصحيه وكوني وقتها له الام الحنون والزوجه الصالحه والاخت والصديقه اللي تسمع له ويشكي لها ويفتح قلبها له وضميه بين جناحاتك وانتبهي يطلع منها لانه بيلجأ لغيرك وقتها ..
واذا هو طيب وحنون بس مبتلى انتي عامليه بالنتي هي احسن واستوبيه وان شاء الله انه يتوب ويوعدك وخوذي بيده للخير ..
واذا فصل الامر بينكم بدون تدخل احد هذا هو المطلوب والافضل .. انتبهي انتبهي انتبهي انك تفشي لاحد سره فأنتي مؤتمنه عليه حتى لامك او امه او خواته او خواتك ابدا ابدا .. اذا علمتي فيه الصدق والاخلاص بالنسبه لك وله قولي ترا خلاص انتهى الموضوع ونبي ننساه ولاعاد يتكرر ابدا وانا اعرفك ان شاء الله ماتكررها هي غلطه او نزوه عابره ومرت وانتهت انتبه ..
طبعا انا فهمت منك انه يتفرج على مناظر خبيثه او افلام ساقطه وليس مكالمات ..صحيح ؟؟

لاماراح ارضى اكيد راح ازعل واذاشفت انه اعتذر وباين عليه علامات التوبه راح اسامحه

انا بصراحه بسكت واكتمها بقلبي وادعيله لاني ما احب اواجه احد واحرجه...

الحمد لله زوجي ما يسوي هيج بس اذا مريت بهاي الحالة بالنسبة الي احاول اكشفه وهو يباوع عليها حتى احرجة واذكره بالله عز وجل وعقابة واقوله ان هذه الافعال تقطع الرزق

طبعا المواجهه احسن بس بطريقه هادئه يكون افضل بس بحزم وقوه شخصيه . ولازم تكون المواجهه بطريقه انو الله يكون غاظب عليه وبالتالي على اهل بيته ... مشكوره عل موضع المهم

اوةةةةةةةة كان تقوم القيامة ماتحمل واجلس عاد أذكرى بالله وعقابة الله يبعدنا عن هذا الاشياء

شكرا اخواتي على المرور وانابس حبيت اناقشكم على هذا الموضوع لان والله كثر في هذا الزمان الفتن وزادت الفضائيات والنت الامر سوء اسال الله ان يثبتنا وان يصرف عنا الفتن ماظهر منها وما بطن

شكرا للجميع وشكر خاص للاخت فراشه بين الورود على التفصيل