موضوع للتفاعل خبرتك في المكياجات أفضلها وأسوأها المشاركة للجميع

بنت الخزامى

30-01-2022 - 03:52 am

هاي بنات
شخباركم ان شاءالله طيبين
اليووم حبيت اجيب لكم موضووع نقااش
نغير بدل مانجيب صوور وبس
انا ماادري اذا الموضوع مكرر اولا
بس بقوولكم ابي كل وحده تتفاعل مع الموضوع وترد
المهم
نبدأ ابيكم حبيبااتي كل وحده تقوول وش احلى مااركه من مكيااجها
شرتها واعجبتهاا يعني ماطااح في كبدهاا خ
واي ماركه شرتها وتحسفت انها شرتها عشاان كلنا نبتعد عنهاا
انا ببدأ
اول شي الماسكرا
اقوولكم بناات ماسكره DIORSHOWمن كريستيان ديور
مره رهيبه لاتفكروون انكم تشتروون غيرها انا دايم اشتري ماسكراات من جميع الماركاات
بس نفس هالماسكرا ماالقيت تخلي رموشك طبيعيه وبنفس الوقت اشطولها
بصراهح خياال هالماسكرا
اماا
القلوس انا شريت اتش آرHR
هي حلوه تخلي شفايك قطعه وحده طبعا لونها زهري فااتح تخلي شفايفك كأنها ورده
بس مشكلتها انها ماتطوول واجد هذا اللي يقهرني فيها
اما البودره انا طبعا لون بشرتي بيضاء عندي بودره اتش آر
بصراحه خياليه طبعا انا شااريه افتح درجه على بيج مش على زهري لان لون البودره اللي على زهري اخس
شي تخلي بشرتك محمره مااتنفع خااصه مع المكيااج المشمشي او البيج
الحيين انا بخلييكم انتم تكتبوون
المجاال الحين لكم وانا بااقي بقوولكم بأشياء كثيره بس ابي اسمع منكم
وان شاءالله تتفااعلوون
اخوااتي

التعليقات (9)

القلب الحنون

30-01-2022 - 06:13 am

مشكورة ياعمري علي موضوعك الروعة مثلك
وفعلا تجاربنا راح تنفعنا وننفع فيها خواتنا قبل لا يتوهقون..
بالنسبة للي استخدمته وعجبني..
ماسكارا سيسلي حلوه بصراحة استخدمتها من اول
ما تزوجت ولين الحين استخدمها ..
اي لاينر لانكوم حلو واي لاينر محمود سعيد هم حلو بعد..
اقلام الكحل استخدمت فرساتشي روعة بصراحة..
ريفلون فيه روج لونه حلو يجي وردي على بيج رقمه17
ارواج كراجي حلوه جربتها وهلينا روبنشتاين
جربت كدا روج من عندهم حلوين.
.برجواز ارواجه بصراحة جنان..
الشدو بصراحة ميك اب فور ايفر حلو وايد موخسارة ابدد
و شدو كرايولاين روعة بس عيبها انو لازم تستخدمينها بالماي..
نجي للخسارة..
بودرة ماك بصراحة تحسفت اني شريتها قد شعر راسي..
اي لاينر ديور موشيء خاصه اللي كنه قلم
وتضغطينه كنه سبرنج وتظهر منه الكحله..
كونسيلر البودي شوب..له ثقل و يتكتل..و يا حلاوه حوالي العين
تظهر خطووط غريبه عجيبه مادري من وين يظهرها..
كحل رد ايرث الملون..ما تعرفين اي لون هذا الاخضر
مثل البنفسجي مثل الازرق نفس الشي قحط
منورة القسم ياقمر
ونبي نشوف ارووع وارووع من موضوعاتك
يالله يابنات وين الردوود شجعوا اختنا الغالية
لكي مودتي وتقديري

بنت الخزامى

30-01-2022 - 07:14 am

مشكوره ياقلبي
وهذا من ذوقك حيااتوو
وان شاء الله بنستفيد من تجااربك مع المكيااج
ونسيت على فكره اقولكم عن الكحل الاسوود ياابناات غيير ريفلون
لاتشترون لانه شديد السواد والثبات وفرساتشي يمكن حلو انا ماادري والله بس مااقد جربته ولا شريته
اما عن الارواج انا ماأشتري غير اتش آر احس انه رهييب خاصه الاروااج اللي تعطيك لمعه مرره رهيبه
حق المناسبات
اما البلاشر ايفون انا استخدم منه عدة الوان الزهري والذهبي والمشمشي وبصرااحه طبيعي مره وحلو
اما الكحل السائل انا ماأستخدم غيير لانكوم احلى شي رهييب
بس لانكووم يقولون القديم احلى من الجديد بس انا الحين شريت الجدييد وحلو
اما الآي شدو مثل ماقالت اختي الغاليه القلب الحنون فور ايفر خياالي مرره
وديوور بعد رهييب خااصه اللون الاسوود مره دااكن
اما علبه الظلال حق شانيل وع طااح في كبدي مايبين بسرعه احس انه مب مثل ديور
يعني لازم تحطيين مويه عالفرشااه
ومشكوره ياالغلا
والله يعطييك الف الف عاافيه
بسس ويين البناات مااشووف احد رد للحيين
شدوو حيلكم اخواتي وشااركو
نبي نشوف الردوود الحلوه

°o.O عسوووله O.o°

30-01-2022 - 08:15 am

انا للحين يعني ولا اي مكياج عجبني من الي اشتريتهم رغم اني جربت الكثير
بس الفونديشين تبع استيلودر روعه مره ماتبين اي شيء والمكياج الي حبيته هو نوبر سفن وبورجوي عندهم مجموعه الوان تجنن
الكحل من شانيل حقهم روعه مره اسود
وسلامتكم

سجى2004

30-01-2022 - 09:16 am

مشكوره على الموضوع عزيزتي
ولي عوده مع موضوعك الحلو

حلى السعودية

30-01-2022 - 10:17 am

مرحبا ومشكورة عالموضوع............
بالنسبة لي ....
كريم الأساس==>جيفنشي أو ميك اب فور ايفر
البودرة ===> جيفنشي
قلم الكحل ===> كلارنس حلو أسود وثابت
آي لاينر===> لانكوم أو محمود سعيد
الماسكرا===> ميك اب فور ايفر
بلاشر ===> برجوا حلوة وخاصة اللون الخوخي
الأرواج ===> عدي واغلطي لكن HR روعة لأن فيها لمعة
الشدو أو الظل ===> ميك اب فور ايفر حلو وثابت وأيضا ماركة نوبا من مكياجي ألوانها غامقة وروعة وأهم شيء ثابتة .......
وسلامتكم..........

بنت الخزامى

30-01-2022 - 11:18 am

اخواتي انا شاكره لكم على التفااعل الحلوو
وان شاء الله الكل يستفييد

أمينه

30-01-2022 - 12:20 pm

بالنسبة حق الكحل /كربون من ماك وايد حلو وكذلد كحل لانكوم وكحل hr
الروج من فور أيفر وماك, hr ,bn
القلوس/من كانيبو ومن سيسلي ومن فور أيفر ومن ماركةbn
كريم الأساس /من فور أيفر ومن كانيبو
البودرالمضغوط /من كانيبو (كراميل)
الشدو /من ماك ومن فور أيفر ومن ماركة bn
اضاءة تحت الحاجب /من فور ايفر ومن bn
البلاشر/جيفينشي وكانيبو
اما الشدو من كانيبو جربت كذا واحد يكون في العلبة غامق وعلى العين فاتح

قطوة

30-01-2022 - 01:21 pm

ماركة لانكوم ...
كريم أساس وبودرة مضغوطة...
كريم أساس بعد حلو هيلينا روبنستاين اج ار على قولت الاخت
بودرة مضغوطة عجيبة كأنها قطيفة على الوجه : شانيل ..
ماسكرا لانكوم وبس...نصيحة لانكوم للماسكرات ..
كونسيلر : كريتيان ديور عجيب...
الحمر "روج" : بودي شوب + تحديد هم بودي شوب
الحمر "روج " نينا ريتشي اتهبل..
الشدو : كريستيان ديور ثابت ويلصق بالجفن حلو والله.
بودرة وجه: ماركة بوبا
قلم كحل : كريستيان ديور ركب على عيني ...
أي لاينير : لانكوم...
هذي تجربتي أتمنى تفيدكم ...

ربما

30-01-2022 - 02:22 pm

أهلين الموضوع مافيه أحلى منه....
أبقولكم تجربتي... مع الأساس مافيه بودرة أو كريم أساس ماجربته(وجهي حقل تجارب) إليكم تجربتي:
بودرة مضغوطه
....... ماكس فاكتور...... يعني
كلينك..حلو يخلي البشرة كأنها طبيعيه...
فرزاتشي.... حلو ويجلس وقت طويل أروح للجامعة وأرجع وهو فيه وكل صديقاتي يسألوني عنه.بس مايندم اللي يشتريه
نينا رتشي....دمار لوتحطين من اليوم إلى بكرى ماكأنك حاطه..
جفنشي..... مرة ممتاز
بدي شوب...العبوة القديمه حلوة وتخفي عيوب البشرة العبوة الجديدة زفت كأنك حاطه طحين...
هذا الي أذكر استعملته......مع إني مستخدمه ماركات كثيرة
الأساس السائل:
بدي شوب.... حلو
ماكس فاكتور.....يصفي البشرة
كفر مارك....حلو إذا خلطتيه مع كريم ثاني...
نيفيا... يخلي البشرة كأنه طبيعية...
كلينك... خفيف مرره
فرزاتشي...أبد موحلو دمار يخلي وجهك يصب زيت يمكن يصلح للبشرة الجافة...
أما الأرواج....
مالي خبره مرة الروج اللي تعجبني علبته أشتريه...
بدي شوب والمحدد .زفت
كحل.. قزاز... يسيل مرة
مسكرة هلينا مرة حلوة وثابته ماتسيل....
وش فيه
أم
أم
هذا الي أعرفه أتمنى تستفيدون....

اسرعي لايفوتك خلطات بخور وعطور←
طريقة وضع مكياج→