موضوع مأزممني احسن طريقه لإزالة شعر المنطقة الحساسة للعرايس

حبيبتي الحلاوه ثم الحلاوه ثم الحلاوه نظافه ويطول الشعر ما يطلع شهر تقريبا
وبعطيكي طريقه سهله تشيلي بيها شوفي..
الغلط واكبر غلط انو الوحده تجي تاخد قطعه كبيره من الحلاوه وتفردها على كل المنطقه وتجي بتشيل طبيعي تتألم ووتتعذب ووتبهدل كمان.. عشان كدا اسمعي كلامي وخدي قطعه صغيره مره قد اللبانه وابدأي من فوق وشيلي وكل ما حسيتي الحلاوه سارت مليانه شعر خدي قطعه جديده واستمري والله العظيم انو الالم اخف وتحسي عادي زي لمن تشيلي يدك او رجلك الله يكرمك ماراح اكدب عليكي واقول مافي الم لا طبعا في الم لأنو الشعر بيتنتف بس والله مو زي ما يصورو البنات انو الم واو مره قوي مره يعور والله كلو كلام فاضي..
ادري كترت كلامي بس حبيت افيدك .. وعن تجربه
لكي

ياحبيبتي الله يجزاكي خيير
جربت الحلاوة واتبهدلت بس حاجربها صغيرة
طيب حبوبه ،، ايش تستعملي قبل و بعد الحلاوة عشان ماتطلع حبوب او تتهيج المنطقه ؟؟

ومعليش كمان ابسألك كم لازم يكون طول الشعرة عشان يكون نتفها اسههل ؟؟

قبل غسلي بمويه وغسول للمنطقه او صابون ونشفيها كوييس وشيلي وبعد ما تشيلي حطي زيت زيتون ولا تغسلي المنطقه في نفس اليوم او تتحممي عشان لا يطلع الشعر تحت الجلد والله حبيبتي ما بألف عليكي والله بنت عمتي كانت تقولي انتي كيف تشيلي بالحلاوه يعور يموت وربي شاهد على كلامي اني ما كدبت عليكي في كلمه .. قلتلها انتي كيف تشيلي وطلع انها تشيل بقطعه كبيره قلتلها جربي قطعه صغيره مره صح حتطولي وانتي تشيلي بس والله اريح وفعلا والله شالت وشوفيها دحين مستمره ع الحلاوه ومع الوقت حيسير عندك تبلد لأنك اتعودتي بس تعالي على نفسك واتحملي الالم واول ما تحسي انك بديتي تيأسي وتبطلي افتكري في بالك انو هوا وجع ساعه وبعدين حترتاحي فتره طويله وانو الموضوع يستاهل التعب والالم اتحملي شويه وحتدعيلي
ما يكون طوييل مره ولا صغير مره يعني مثلا احلقي بموس وبعدها باسبوع او 8 ايام شيلي بالحلاوه << تقديريا يعني

تسلميلي ...،
بس رح ازعجك ..
دحين كتير ناس مايمدحو الحلاوة في اشياء كتير ..
منها انها تموت الاعصاب لانك بتقولي اني ماسرت احس بالم !!
وانا خايفه من دا الشي صراحة

مثل ماقالت الأخت الحلاوة هي أفضل شيء
موفقة

لا طبعا كلو كلام فاضي انا ما قلت سرت ما احس بألم بس قلت حتتعودي ركزي
اجل معناتو انها تموت الاعصاب في اليد والرجول والابط؟
لا طبعا
وبعدين انا سمعت كتير يقولو تموت الاعصاب تسبب برود جنسي المهم كلو كلام فاضي
وعشان اتأكد اكتر سألت ماما وعصبت عليا ههه قالت ايش الكلام الفاضي دا لو تسبب برود ما كنت خلفتكم 6
صدقيني والله كلام فاضي اهم امهاتنا وخالاتنا وعماتنا وكل الكبار كانو يشيلو بالحلاوه اشبهم ما سار فيهم شي؟
عموما انا نصحتك عن تجربة وانتي حره بس لو تبغي نظافه والشعر يطول ما يطلع عليكي بالحلاوه..

ههه الله يخليلك مامتك ويسعدها
مرة شكرا ياعسل
والله يرييح قلبك .. ويحقق لك كل ماتتمني ()"
=)

حتى الأطباء قالوا أن الحلاوة تسبب برود جنسي وفيه طبيب قال لزوجته أنها ماتستخدم الحلاوة لأنها تسبب برود
وابحثوا بقوقل وشوفوا