مو بحاجه بمن يذكرني بخطآآي

في السيارة ..
ياسر : فين تبغنا نروح ؟
..............: أي مكان
ياسر : ايش رأيك اوديكي عند ليالينا ؟؟
...
ليالينا = ليال + لينا
توينز .. 17 سنة .. بنات عمها ..
..
................: لا ياسر ما ابا
ياسر : اوكي حياتي اوديكي عند مين ؟
...............: يم ياسر اقولك وديني عند عبودي
ياسر رفع حاجب : نعم ؟
.................: يخي الي سمعتو يالله ابا اهرج معا
ياسر : يا سلاام وانا اجلس مع مين ؟
.................: روح عند خطيبتك
ياسر : والله جبتيها
...............: ههه اقول وديني بس وديني
وصلها ياسر بيت خالتو ونزل سلم على الأولاد وراح
جلست بين الأولاد تتكلم و تستهبل
...............: اما داكا اليوم شفتلكم ولد خطير
عبودي : هي هي ايش ولد انتي كمان
...............: ههه ولا تزعل بنت يا شيخ تجنن واسمها هبه .. غمزت لعبودي
عبودي :ههه من اسمها باين انها تجنن
عبد الرحمن ( اخو عبد الإله ) = دحمي
دحمي : ههه عرفيني عليها
................: لا محجوزة لناس
عبودي : اقول رودي كأنو عندك هرجه
..............: تقدر تقول
دحمي : يالله خرجي الي عندك
...............: لول عندك عز الله كل المملكة عرفت
عبودي : طيب قومي للصالون الي فوق وقوليلي الي عندك
دحمي : لا ما تفقنا على كدا
عبودي : قومي قومي بس خلينا نطلع سيبكي من الأهبل دا
طلعت مع عبودي للصاله
وجلسو بعيد عن بعض نوعا ما
سكرت عيونها و سندت راسها لورا
عبودي بهدوء : اشبك ؟
...............: تعبانه
عبودي : ...................
...............: عبودي كنا نتكلم داكا اليوم قالي لو مت ايش حتعملي قلتلو ما ححب غيرك واتكلمنا كتير و يلف ويرجع للموضوع كلمني اخر مرة كأنو يودعني بس ما حسيت .. كنت بازاكر و عيوني رجفت فجأة قلبي نغزني رن جوالي وعرفت إنو هوا من رنتو رديت عليه و كنت متأكده إنو حيقولي احبك
لكن انصدمت لمن سمعتو يقول وصيتي لكي تنسيني صدقيني اموت فيكي مو بس احبك اعشقك .. كنت ساكته مصدومة ايش بيقول دا اشبو فجأة سمعت صوت واحد يقول : مين إنتي ؟
قلتلو : اشبو احمد ؟
قالي : بصوت حزين : صدمتو سيارة احنا في المستشفى في العناية طلب يكلمك بس م
دوبو يبا يكمل الا سمع الدكتور يقول : عزم الله اجركم الولد اتوفى
سمعت كلام الدكتور من صدمتي ما قدرت اصرخ ولا ابكي جلست اسبوع عدى من غير ما ابكي ولا تنزل مني ولا دمعه انقهرت من نفسي ابا ابكي بس مني قادرة تعبت ابا اصرخ مني قادرة تعبت وانا اكبت ابغا اصرخ ابغا اخرج الي في قلبي كل ما ابكي دموعي ما تكفي احس إنها ما ريحتني ابا ارتاح تعبت تعبت
عبودي يسمع كلامها و يحس قلبو حيطلع كل دا فيها وهيا دايما تستهبل وو مو باين عليها
عبودي قام وجا جلس جمبها حط يدو على يدها : رودي اهدي
فتحت عيونها : المشكلة إني هادية عبودي ابا انهار ابغا ابكي مو قادرة تعبت من الي في قلبي تعبت
عبودي جلس يطل فيها مافي ولا دمعة في عيونها بس نظرات حزن تقتل تجرح
عبودي : ابكي
...............: مو قادرة
عبودي : طلي في عيوني
................: عبودي ما اقدر ما اقدر
عبودي مسكها من معصمها بقوة وخلاها قدام وجهو : ابكي
.................: مني قادرة
عبودي بعد يدو المين عن يدها و ضربها كف قووي : ابكي
طلت فيلو و خدها حمر مرة من الضربة : مو قادرة مو قادرة
عبودي من غير ما يحس ضمها بقوة و حس دموعها تنزل ارتاح إنها بكيت خلاها في حضنو تخلص بكاها الي فيه هيا مو سهل قوي قوي عليها مرة جلست تبكي في حضنو وتضمو بقوة اكبر بعدها عنو وقال : يالله يا دلوعه بس عيونك اتنفخت
...............: الله يخليك ليا يا اخويا ولا يحرمني منك
عبودي : ولا يحرمني منك يا اختي
اندق الباب
عبودي رجع ضمها : ادخل
دخل دحمي وشهق بقووة ( بمزح ) : افا ما اتوقعتها منكم ابدا كدا عيني عينك لا لا من جد قلت ادب ما في دربية ولا حيا
عبودي : اقول دحمي تعرف تقلب وجهك
دحمي : احم لا ما اعرف
عبودي : اقول اخرج اختي ما تبغاك تشوفها
دحمي :يالييلي ترى حيالله اخوها بالرضاعه
عبودي :يعني اخوها
دحمي : احم رودي تعالي ابا اقولك شي
عبودي خبى وجهها في حضنو عشان خدها زرق بسبب الكف : دحمي روح شويا عندنا هرجه
دحمي حس إنو الموضوع مو بسيط : اوكي انا خارج باي
خرج
عبودي بعدها عنو : يالله تعالي غسلي وجهك
راحت معا و غسلت وجهها
عبودي : رودي ايش رأيك تكلمي هبه في الجوال ونتفق ونتقابل كلنا في اي مكان
...............: وقسم بالله إنك فاضي
عبودي : ههه ييالله عشاني
............: ههه اوكي هات رقمها
عبودي : يالله اكتبي -------055
...............: اتصلت
...................: فينك يا دبة لا مسن ولا شي وحشتينا
هبه : مين ؟
....................: اما ما عرفتيني ؟
هبه : نو ما عرفتك مين إنتي
................: اوكي حزري مين انا
هبه : هي إنتي بلا هبل قولي مين ولا قفلي
............: لول عبودي حبيبتك عصبية مرة تنفعلك
عبودي ضربها على كتفها بشوويش
هبه : اما رودي دا رقمك
................: صباح الخير
هبه : ههه سوري بس ما عرفتك صوتك في الجوال كأنك بيبي
...............: الموهم ايش عندك اليوم ؟
هبه : ولا شي ليش ؟
.................: طفشانه ايش رأيك نخرج
هبه : يم اوكي اكلم اختي واقولك
...............: اوكي
هبه : اسمعي اسمعي فين حنروح ؟
................: اي مكان
هبه : طيب اسمعي ايش رأيك نروح بيرتس
..............: خلاص اوكي يالله استناكي هناك
هبه : اوكي حياتي
...............: يالله باي
قفلت منها وقالت لعبودي يالله اجهز حنروح بيرتس
عبودي : اها عرفتو خلاص اوكي نص ساعه واكون جاهز
............: اوكي استناك
راح غرفتو الاب حقو كان في الصاله مسكتو وفتحتو بعد ما كتبت الباس وجلست تتفرج على صور هوا واصحابو دوبها تبغا تفتح إيميلها لقت إيميل عبودي مفتوح دوبها تبا تقفلو جاتها محادثة
( عبوودي فينك يا خرا مو اليوم اتفقنا نخرج مع بعض ترى ما حسيبك اليوم من اسبوع متفقين على دا اليوم استناك )
استغربت مين هادا شافت الإيميل
( … (a7mad………
احتارت ترد عليه ولا تطنشو
قررت ترد
................: إنتا مين ؟
احمد استغرب اشبو دا يستهبل : هي بلا هبل انا احمد
قريت الإسم وعيونها دمعت ما تبغا تتذكرو للحظة حست إنو هو ما تدري ليش
احمد : هي عبودي اسمع فين نروح اليوم ؟
كتبت : ما اقدر اقابلك اليوم
احمد : وليش؟
كتبت : عشان معزوم
احمد : اهاا اوكي يسير خير تتفق معايا من اسبوع واي احد يكلمني اقولو لا معزوم اخويا حبيبي عازمني ما اقدر اطنشو وفي النهاية كدا طيب طيب شكرن
كتبت : انا مو عبودي
احمد : اجل مين ؟
كتبت : بنت خالتو
احمد : ها .. احم انا اسف برب
كتبت : نو إيزي تيت
قفلت ايميل عبودي وفتحت إيميلها
لقت اون لاين
ليالينا – تولين – روان – ريم – غزل – روفا – انو و نيمو
عدنان – حسن – عمر – حسين – هادي و فادي
قفلت على طول مالها مزاج لهم مرة
راحت عند غرفت عبد الإله دقت الباب
عبودي : رودي ادخلي
دخلت الغرفة ولقتها مقلوبه قلبه مو طبيعيه
..........: هي إنتا ايش دا ؟
عبودي : رودي مدري ايت بلوزة البس دي ولا دي
.............: م طيب البس الزرقا عشان انا احب اللون الأزرق
عبودي : اوكي
ولبس البلوزة الزرقة و عدل شعرو ورش عطر اخد مفاتيح سيارتو وجوالو و مسك يدها وخرجو من الغرفة
شافتهم ام عبد الإله
أم عبد الإله : ما شاء الله سمعت إنك هنا بس ما شفتك فينك ؟؟
...........: يم سوري بس كنت عند الأولاد واتفقت اخرج مع عبودي ..

روعه ما شاء الله -بس ان شاء الله مايكون احمد هو حبيبها الاولي-
الا متى التكمله؟

بحرقطر
أول شي يسلمو على الكومنت
يمم لا أحمد الي تعرفوو مات
اما احمد صاحب عبد الإله دا واحد تاني
يم التكملة حنزلها أول بأول يا عسل كل ما كتبت جزء نزلتو

عبد الإله ) سحر ( : كيف حال امك و اخوانك ؟ ...........: والله الحمد لله بخير ييسلمو عليكي عبودي : ماما احنا رايحين اوكي ام عبد الإله ) سحر ( : فين حتروحو ؟ ..............: رايحين مطعم تجي معاانا ؟ ام عبد الإله ) سحر ( : لالا اليوم في جمعة في بيت ابويا ..............: اما كدا ليش ما قلتولي ام عبد الإله ) سحر ( : والله إنتي الي ما تردي علينا وامك تقول ما تشوفك ولا بتجلسي معاها .............: ههه خلاص طيب بعد ما نخلص انا و عبودي حنجي عندكم ام عبد الإله ) سحر ( : اوكي ياقلبي خرجت هيا و عبد الإله وركبت سيارتو لقزز اس اس لونها ابيض لولي وصلو بيرتس بعد ما جلسوو عبودي : رودي كلمي هبه شوفي فينها ..............: اوكي طلعت جوالها : الو ... ها فينكم ... يم ايووا شوفي ادخلي ولفي و امشي يمين حتلاقينا قدامك ... اوكي ... باي قفلت منها خمس دقايق ولقتها واقفة قدامها سملو عليها و على اختها و جلسو هبه جالسة قدام عبد الإله و جمبها اختها و عبودي جمبو اختو عبودي : وحشتيني ..............: عبودي عيب عبودي : اقول رودي اقلبي وجهك ............: صفحة كم ؟ عبودي : ههه 30 ..................: مشقوقة ههه هبه : ههه جا القرسون وطلبو عصيرات أمل اخت هبه : رودي ما شااء الله كم عمرك .............: احم احم 16 سنة أمل : باين عليكي اصغر .............: لول احرجتيني امل : ههه باين وجهك قلب اصلا هبه : رودي اما كدا وجهك يحمر على طول ...........:احم احم خلاص وه انا كدا اوف عبودي حضنها من جمبها : يا ناس والله احبك هبه : احم احم نحن هنا عبودي : ههه احبها لانها اختي اما إنتي حبيبتي فرق يعني لا تكوني بس تغاري من اختي هبه : ههه والله انتا واختك الواحد يخاف منكم ...........: من متى تعرفو بعض عبودي : سنة هبه : ههه و يومين ................: ما شاء الله سمت صوت احد من وراها : احم احم لفت وشافت واحد هيا متأكدة إنها شافتو بس فين نسيت عبودي قام بسرعه وراح يسلم عليه : اهلا وسهلا كيفك حالك يا احمد ايش اخبارك لفت على طول لمن سمعت اسم احمد تعشق الإسم دا بس لمن لفت ما لقت الشخص الي هيا تعشقو لقت واحد تاني اوكي حلوو و كل شي بس مو دا الي اخد قلبها الي وحشها الي تركها وراح استغربت لمن لقتو جا مع عبد الإله وجلس معاهم يتكلم مع هبه و امل و عبودي عادي كأنهم اهلو سرحت بعيد وهيا تفكر في لا شي بس حست انها تبا تجلس لوحدها بس ما تقدر تخلي عبودي يوديها لانو اكيد يبا يجلس مع هبه طلعت جوالها واتصلت على ياسر ............: ياسر حبيبي فاضي ؟ ياسر : ليش ايش تبي ؟ ...........: اباك تجي تاخدني ياسر : سوري رودي انا عند اصحابي شوفي رامي أو سامر .................:اوكي باي اتصلت على رامي رامي : هلا والله بقلبي ..............: اهلين حبيبي رامي : ها ايش تبغي ؟ ....................: رامي تعال خدني رامي : رودي قلبي انا وسامر دحينا حنبدأ نلعب كوورة مع الشباشب شوفي احد تاني يوديكي

من تاني يوم عماد دق باب الغرفة الي نايمه فيها بنت اختو ...............: ادخل يا خالو عماد فتح الباب يالله قومي خلينا ننزل نفطر في جده ..........: يمم اوكي خالو شووية بس ممكن تنادي لوزا عماد : اوكي حياتي بعد خمس دقايق لوزا : ها حبيبي شو بدك ...........: لوزا لو سمحتي ابا ملابس ملابسي امس اتوسخت لوزا : طيب حبيبي تعالي معايا وخدي الي تبغي ............: لا إنتي جيبي لي لوزا : لا امشي امشي لا تقولي تستحي ترى بيت خالك ................: اوكي راحت مع لوزا الغرفة و خلت لوزا تخرجلها جنز و تي شيرت لبست الجنز وطلع واسع عليها و التيشيرت ماسك على جسمها بس عجبها لانو هاي نك راحت عند خالها و مرتو لقتهم جاهزين عدلت نفسها و لفت طرحتها و خرجو للسيارة اول ما ركبو رن جوالها ((حبيبي انا كل حاجه في ألبي زي ما هيا ليك ..............)) ردت على طول : اهلين عبادي عبودي : هلا حياتي ها كيفك ؟ ...........: تمام وإنتا كيفك بعد امس عبودي : والله الحمد لله ............: قولي ايش سويتو عبودي : ولا شي جلسنا واتكلمنا ولمن خلصنا اتعشينا و رجعتها بيتها وبس ................: اها عبودي : إنتي قوليلي ايش عملتي ؟ وو مع مين رحتي ؟ ...............: الهرجة طويله مرة تعال وااحكيك عبودي : يم اوكي ربع ساعه واكون عندك ............: ربع ساعة مين استنى بعد ساعه ونص تعال انا دحينا نازلة جده عبودي : اها اوكي يالله باي ...........: باي قفلت منو وسندت راسها على ورا شوية ورن جوالها مرة تانية لمن شافت انو رقم غريب طنشت ولا ردت رن مر تانية طفشت وردت : ألو : اهلين شلونج : مين ؟ : افا ما عرفتيني ما هقيتها منج شلون ما تعرفيني وانا حبيبتج : حبيتك القرادة يا شيخ مين إنتا : برضو احبج : هي هي أنتا يا صربي خير : انا مو صربي انا احبج : حبتك القرادة قول امين : اقولتج احبج إنتي وايد حلوة : حبك طمر يا شيخ وفين شفتني ؟ : شفتج في آآآآ : اقول اقلب وجهك ولو دقيت مرة تانية ما حيحصلك طيب فاهم : هع هع هع لا مو فاهم وش عندك : قسم بالله صربي و غبي وعبيط وسافل و واطي قفلت السماعه في وجهو عماد : مين ؟ ..........: مدري عن قلعتو حمار كلب متصل يعكرلي مزاجي عماد : اها لو اتصل مرة تانية اعطيني هوا انا اكلمو ...........: اوكي عماد : فين تبونا نفطر ؟ ............: جده موول لو سمحت عماد : اوكي جدة مول جدة مول وصلو جدة و نزلو فطرو في جده موول و لمن خلصوو وصل عماد بنت اختو بيتها و راح هوا و مرتو بيت اهلها لانو اهلها عايشين في جده طلعت غرفتها و دخلت النت لقت هبه هبه : رودي الحقيني ............: ايش في ؟ هبه : احمد مرة معصب مني ...............: ليش ؟ هبه : عشان كلمت اختو .............: كيف كلمتيها يعني هبه : كلمتها وخلاص بيلز كلمية الله يخليكي ............: اوكي ضيفي في المحادثة واخرجي سوت هبه زي ما قالت لها احمد : نعم ...............: ريلاكس احمد : ايش تبغي بسرعة خلصيني ............: اوكي اتكلم كدا وإنتا معصب ما ابا احمد : احسن انا خارج باي .............: احمد احمد : نعم ............: خلاص اخرج احمد : اوكي باي خرج وبعد خمسة دقايق جاها أدد (a7mad………) قالت في نفسها اشبو دا عملت اوكي احمد : رودي انا اسف ..............: اوكي احمد : عصبتي يعني ليشش تكلم اختي ..................: يعني انتا عصبت لانها كلمت اختك ؟ احمد : انا ما اباها تكلمها هادي اختي ما اباها تتخرب زيها و زي ..................................... << سكت ............ : اها اوكي فهمت عادي ترى خد راحتك مرة يالله انا خارجة ويا ريت تحذفني من عندك احمد : رودي مو قصدي شي وربي بس ....................: خلاص لا تكمل باي عملتلو بلوك وديليت وكلمت هبه ................: هبه شوفي احمد الخرا دا معد تجيبي سيرتو عندي فاهمه ولا لا هبه : ايشش سار ؟ .........: الي سار لو جبتي سيرتو عندي اخر ما بيني وبينك هبه : اوكي ريلاكس ................: برب هبه : تيت قفلت المسن وانسدحت على بطنها حاسة إنها مضايقة دخلت الحمام و اخدت المقص و قفت قدام المراية ومسكت شعرها و من غير ما تحس بدأت تقصو وقفت قص وطلت في شكلها : يع ايش دا شي طويل وشي قصير خرجت من الحمام و وقفت قدام التسريحة كدت شعرها وخلتو كلو على ورا بس ما طلع حلو جلست تلعب فيه لغايت ما طلع اوكي مسكت الكحل و كحلت عيونها بقوة طلت في شكلها يم نقدر كأنها أيمو سمعت صوت دق الباب : ادخل دخل عبادي و وقف مصنم: ايش الي عملتيه دا يا مجنونه لفت عليه : عبود كنت مضايقة مدري ليش عملت كدا عبادي قرب منها حط يد على شعرها : حرام عليكي ليش كدا ارتمت في حضو : مضايقة بموت خلاص تعبت تعبت عبادي ضمها : البسي عبايتك تعالي معايا بسرعه بعدت عن : اوكي لبست عبايتها و راحت مع عبادي وقف قدام البحر : انزلي وانا شوية واجيكي ..........: اوكي نزلت وهيا نفسها تبكي اما عبادي اتصل على هبه هبه : الو عبادي : هبه تقدري تجيني عند البحر هبه خافت : ليش ايش في ؟ عبادي : رودي مو قلتلك اول عنها وعن الي تحبو الموهم البنت تبا تبكي بس مهي قادرة اليوم دخلت عندها لقيتها قاصة شعرها و مشوهتو و قالبة الدنيا كلها هبه : اها اوكي خلاص دقايق واكون عندك بس اسمع كلم احمد عبادي : احمد هبه : إيوا ترى هوا يفهملها اكتر ممنا عبادي : اوكي يالله باي هبه : باي قفل منها واتصل على احمد أحمد بصوت مبحوح : الو عبادي بخوف : اشبك ؟ احمد : ولا شي انتا ايش عندك ؟ عبادي : محتاجك احمد :انا كمان محتاجك عبادي : احمد تعال احنا عند البحر محل ما دايما نجلس احمد بنفس الصوت : اوكي عبادي : انتبه وإنتا تسوق احمد : اوكي قفل منهم ونزل ل اختو حبيبت قلبو جلس جمبها على الرمل بهدووء حس إنو في احد وراهم لف وشاف هبه وقف لها بسرعه واتقدم لها صافحها هبه بهمس : كلمتها ؟ عبادي : ما قدرت هبه : اوكي امشي نجلس معاها راحو وجلسو جمبها جلسو يكلموها بس هيا ساكته ما ترد على احد عيونها على البحر وباين في عيونها نظرات الحزن بعد فترة .... اشبكم ؟ لف عبادي و هبه على صوت احمد عبادي وقف بسرعه : احمد اشبك ؟ احمد : ولا شي اشر براسو على رودي : اشبها عبادي : مدري مدري اتكلم معاها من اول اكلمها ما ترد احمد اوكي بس ممكن تكنو بعيد شوية عبادي اتنهد : اوكي راح احمد وجلس جمبها كانت حاطة يدها على الرمل شال يدها وحطها بين يدينو وضمها يدها بيدو رفعت عيونها عليه شافت كيف حالتو والدموع في عيونو تلمع اتكلمت بصوت مبحوح : اشبك ؟ احمد بنفس الصوت المبحوح : تعبان .............: آآآه احمد : تخيلي اليوم دا يعني انو مر على وفات بابا 10 سنوات 10 سنوات من غير بابا ...........: احمد احمد : رودي شوفي انا ما ادري ليش إنتي بس احس ابغاكي تعرفي كل شي في حياتي احس إني ارتاح لمن اجلس معاكي ..............: احمد انا اتمنى ابكي ابا ابكي بس مااقدر احمد : رودي طلي فيا رفعت عيونها ولعيونو احمد : اتكلمي .............: آآآآآآآ احمد : رودي تعرفي ايش اتمنى ...........: ايش؟ احمد : اتمنى ألاقي حبيبت قلبي التانية اتمنى اعيش زي زمان احبها و تحبني ابا اخليها احلى شي في حياتي .............: أ حلى شي في حياتي احمد : اشبك ؟ ............: الكلمة دي احمد كان دايما يقولي هيا دايما يقولي إنتي احلى شي في حياتي ... احمد انتا ليش سيبت هبه ؟ احمد بعد عيونو : عشان ما احب حبيبتي تتكلم مع اي احد غيري ما احب حبيبت تتكلم مع ولد عمها ولا ولد خالتها ولو اقدر كمان ما تتكلم مع ابوها و اخوانها انا مرة غيرو ما احب احد يكلم حبيبتي لأنها ليا لوحدي ...........: عندك حب تملك احمد : انا اسف على الي قلتو اول في المسن .......: بس انتا مو غلطان محد يقدر يلومك بس انا ما احب احس إني غلطانه احمد اتنهد لف وجهو للجه التانية و دموعو بدأت تنزل لمن افتكر ابوة .............: احمد ؟! احمد مسح دموعو : هلا ...............: طل فيا احمد لف وجو لها : محتاجك جمبي ................: ............ احمد : ابغاكي إنتي وبس .............: ايوا بس احمد : لا ترديني ...........اتنهدت : انا كمان محتاجتك احمد ضغط على يدها : رودي تدري اني احبك قلب وجهها احمرر مرة : ها احمد ابتسم على حمار وجهها : قلت احبك .....بلعت ريقها و وجهها حمر زيادة نزلت راسها : سمعتك احمد ابتسم يحب البنوتة الي تستحي : طيب طلي فيا رفعت عيونها بس ما قدرت تحطها في عيونو احمد : طلي في عيوني طلت في عيونو و ابتسمت و شوية اتحولت ابتسامتها لضحكة احمد ضحك لضحكتها صوت ضحكهم علي كل الي في المكان يسمعو ضحكتهم احمد : رودي ابا اشوفك من غير طرحة ................ ابتسمت : لا شعري مرة مخربتو اليوم مسكت المقص وجلس العب فيه و خربتو احمد : هوا طويل ولا قصير ............ ضحكت : ترى انا شعري عمرو ما وصل لبداية ظهري دايما لحد رقبتي احمد : اها بس انا احب الشعر الطويل ..........: ههه اوكي أن شاء الله احمد : يالله فكي الطرحة ............: هنا ؟ احمد : يووه لا تعالي سيارتي ...........: ها لا ما ابا احمد : ترى ما حسويلك شي وربي ...............: اوكي راحت معاه السيارة وجلسو ورا هوا سيارتو مضللة جلست وجلس جمها : يالله فكي الطرحة اتوترت مسكت الطرحة بتفتحها بهدوء احمد مسك يدها و باسها و نزلها وبدأ هوا يفتح الطرحة بهدوء طاحت الطرحة على كتوفها و شعرها كلو نزل على وجهها احمد رفع يدو ومسك شعرها ورجعو على ورا ورفع راسها : من اليوم إنتي ليا انا وبس انا وبس ..............نزلت راسها احمد: اقدر اضمك ؟ ما استنى حتى تقول شي قربها لو وضمها بقوة احمد : ريناد انا محتاجك معايا طول حياتي ...............: احمد أنا ..... احمد : بعدها عنو بهدوء : شوفي اول شي جالسه مع الأولاد مافي ............: بس انا ما احب اجلس مع الحريم أحمد : ليش؟ ............: متعودة على الأولاد اخواني كلهم اولاد مني متعودة على البنات مرة احمد : معايا ابغاكي تتعودي ...........: اوكي احاول أحمد نزل راسو يبا يقول شي بس مو قادر ...........: قول الي عندك ما حزعل احمد : وعد ...........: وعد احمد : ابغاكي تنسي حبيبك الأولاني نزلت راسها : احاول انسى احمد رفع راسها : انا حنسيكي هوا ...............: احمد فين هبه وعبادي راحو ؟ احمد : مدري عنهم خرجت جوالها جات تبغا تتصل على عبادي احمد اخد الجوال منها : ممكن ابتسمت : اكيد ممكن بس هات جوالك اول احمد اعطاها جوالو ..........: لا تفتفح الصور احمد : ليش؟ .........: في صور بنات احمد : اها اوكي احمد اول شي عملو هوا و ريناد كل واحد سجل رقم في جوال التاني احمد : مين ميدو ؟ ..............: صاحب ولد عمتي و اخو صحبتي احمد : تتكلمي معاه دايما ؟ ..............: مو مرة بس يعني احترمو مرة كتير لانو محترم احمد : اها حمسح رقمو .......: اوكي احمد : ومين ساهر و حسين و عمر ............: كلهم اصحاب ولد عمتي احمد : يم طيب تعالي شوية قربت منو شوية بس هوا سحبها لعندو يعني سارت جالسة وهوا حاضنها من جنبها احمد مد دلها الجوال : امسحي كل ارقام الأولاد الي ما يقربولك .................: اوكي بدأت تمسح الأرقام : كدا مسحت كل الي ما يقربولي احمد : اوكي ومين باقي ؟ ..............: باقي اولاد عمتي و عماني و اولاد خالتي و اخواني احمد : اوكي امسحي ارقام كل الأولاد بس خلي ارقام اخاوانك .............: طيب الباقين اعتبرهم اخواني احمد : لا امسحي ارقامهم .................: اوكي مسحت الأرقام احمد : شوفي انا مسجل ارقام بنات بس يعني بنات عيلتي وصحبات اختي