نخيتكم يابنات منتدى الفراشه مانخيت الذيب

1. انا وزوجي الحمدالله ماعلينا متصافين في اشياء واشياء لا ..

مساء الخير ..
كيفكم ان شالله تمام ..
نخيتكم يامنتدى الفراشه مانخيت الذيب>>داخله بحرب
من جد مالقيت الا انتم عشان استشيركم وابي مشورة الاكبر مني والاعلم بالحياة الزوجيه بحكم اني تو متزوجه مالي الا كم شهر وانا صغنونه عمري 18>>الا تحط نفسها صغنونه
المهم اسالكم بالله بمكاني وش تسون وتكفون ابي ردود كثيرة عشان اقتنع ,,

انا وزوجي الحمدالله ماعلينا متصافين في اشياء واشياء لا ..

بس انا هالايام مرا متضايقه وجاني زي الاكتئاب من جد تعبت من التفكير ومالقيت احد بصراحه افضفض له اللي بداخلي زوجي مرا حاط حدود بيني وبينه جواله ماامسكه ولا يحق لي افتحه واذا مجرد مسكته يردد كلمه انتي شكاكه جالسه تفتشين وماادري ايش وجهازه الكمبيوتر <اللابتوب> ابدا ولا لي الاحقيه اشوفه وبرمز سري ويجلس عليه بساعات كثيرة واذا جيت جنبه يحاول يصرفني او يغير جلسته احس اني قاطه وجهي عليه واقوم واخليه واذا طلع مكان مجرد اني اساله يقول شغل وشو هالشغل شغل واذا رجع اساله وين كنت يقول الواحد ماعنده خصوصيه واشغال انا عندي اشغال ع انه يقول انه يحبني واذا بغيت شي يسويه بس هالشي من جد احس انه من كثر ماهو شاغل بالي متضايقه ويتهيالي اشياء كثيرة من جد انتوا وش رايكم معي ولا ضدي الرجال لازم يكون له خصوصيه بجواله واشغاله واجهزته وبنفسه عند زوجته والا لا طلبتكم لا تردوني انا صح ولا انا شكاكه وغلطانه احس اني عايشه مع انسان ماعرف وش راح يسوي او ايش بيسوي او اشياء عنه من جد دمعتي وانا اكتب من كثر مافيني قهر نزلت استنى تعليقاتكم ورايكم ولا تاخذلوني
اتمنى ماأطلت الكلام عليكم وكنت خفيفه ع قلوبكم
تقبلوا تحياتي اختكم اميرة حياتي..