نداء الى طالبات جامعه طيبه الله يسعدها اللي تجيب على إسئلتي

إحنا تمام إنتي كيفك؟
جامعة طيبة ؟!!!
طيب تكرمي ياستي هذه هيا الأقسام الموجوده فيها..ونصيحتي لو تدرسي بغير هالجامعه يكون افضلك
كلية العلوم(كيمياء - رياضيات - أحياء )
كلية الهندسه والحاسبات (حاسب آلي)
كلية الطب (طب بشري- (إحتمال يفتحوا طب أسنان وصيدله السنه الجايه)
كلية التربيه(عربي - إسلاميات - انجليزي - يمكن في اجتماعيات)<<<معليش اعذريني مااعرف اقسام هالكليه لاني علمي
في كلية المجتمع ببلاش يعني دراسه بدون فلوس وزايده مافي مكافأه(ويقولوا) يوضفوك على طول لسوق العمل<<وانا اشك بالمصداقيه والله لايدخلك هالكليه
برضوا في خدمة المجتمع بفلوس على حسب التخصص في انجليزي -عربي-احياء-حاسب<اذا جبتي معدل تكملي دراستك للمستوى للي بعده<<و هالكلام يشكك بصحته لانو في امور سارت بهالقصه ومو من ماكان يكون يكمل
يعني اذا كنتي ثالث شدي حيلك ولا تتطري تدخل لاكلية المجتمع ولا خدمة المجتمع والله لايديخلك الا القسم يلي يرحيك
بخصوص النسب
على حسب اكتفائهم بالطالبات يخصووا ايام للقبول يعني يوم السبت للي نسبهم من كذا الى كذا وهكذا
ويوم الاربعاء على قولتهم يوم الطامه لانو يكونوا اكتفوا بالنسب واحتمال يرفضوا اي نسبه حتى لو كانت ممتاز
السنه هذه قفلوا على 90.وفوق النص كمانا..ويكون مابقى الا الكليات المرفووضه يعني الاقل اقباليه عليها
الفراشه سارونا ان شاء الله اكون افدتك .. واذا عندك سؤال انا تحت امرك
واعذريني على التقصير ..واتمنى برضوا اذا في بنات يعرفوا أكثر يقولوا
يلا فتك بعافيه ..
بالتوفيق
بعدين يبدوا يحولوا البنات لخدمة المجتمع او كلية المجتمع وياكلوها المساكين

يسلمو حبيبتي سوسو الله يوفقك ويسعدك ويحقق لك اللي في بالك يار رب
أنا حابه أسألك أنتي قولتي أفضلك تدرسي بغير هذه الجامعه ليش ؟؟؟؟ أنا أسمع كتير يمدحونها والأقليه بيذموها ....
وانا سمعت أن الجامعه السنه اللي فاتت أكتفوا بنسبه فوق 90 هو صحيح ولالا ؟؟؟؟
وإيش أحسن برأيك الأقسام ؟؟؟؟
أنا عارفه أني ثقلت عليكي بأسألتي بس أنا محتاجه لبنات طيبه حيل لأني في ثالث ثانوي علمي الله يوفقك أدعيلي أجيب نسبه حلوه يارب... شكراً مقدماً عزيزتي

اهلين
انا حدخلك على طول
اول شي انا اول سنه جامعه و ياريت ما دخلت الجامعه ((((((جامعة خيبه)))))))))
انا كانت نسبتي 97,94 و على الفاضي جبت النسبه اول شي مره حطموني
دخلت كنت ابغه طب و احلم بالطب بس سبحان الله سويت الخيره يوم اختبار القدرات و ما رحت المهم قالو احسن قسم بعد الطب حاسب و سجلت حاسب وما قالولنا في سنه تحضيريه عشان السنه هذه لازم بس للطب والسنه هذه قرروها للحاسب والسنوات الجايه لكل الاقسام
و السنه التحطيميه من جد مره صعبه ول شي كل المواد بالانجليزي و اللي يرسونا اجانب من بريطانيا و امريكا ............
انا اول يوم انصدمت بعد كده اخذت على الوضع شوي بس درجاتي من جد تحفه انا مره ما كنت كده كنت دايما من الاوائل بس الله يسامحهم والدوام اتخيلي من الساعه 8 الى الساعه 5 العصر واحيانا للمغرب
يعني بالله متى نذاكر ونحل الواجبات بس الله يوفقنا
المهم انا عارفه اني غثيتك و طولت عليكي بكلامي الفاضي
بس انشالله تجيبي نسبه حلوه و تدخلي احلى قسم مع انو ما في قسم عدل بس ترى الجامعه احلى شي فيها انك تكوني حره
وتمنياتي لك بالتوفيق ,,,,,,,,,,, واذا تبغي شي انا تحت امرك والاقسام زي اللي مكتوبه فوق نفسها
اوكي يا قمر بس لا تتحطمي انا دايما كلامي يحطم بس حبيت اقلك عشان ما تنصدمي زيي مره تعبت
باي

شكراً على ردك يا دموع الملاك الله يوفقك وتكوني زي أول وأحسن كمان والله يكون بعونك

بنات طيبه في ماجستير للتخصص الاقتصاد المنزلي ؟؟؟
اي تخصص فيه يبنات تعبت من الاتصالات الفاضيه

جآمعه فاشل ه

اذا انتي علمي في تخصصات مقنعه
اما اذا كنتي ادبي ماافي تخصصات حلوه الاالتربيه الخاصه وكل بنات المدينه داخلينها واللغات والترجمه والباقي كلو مالو مستقبل.
انا زيك اتخرجت هذي السنه ادبي ومالقيت ولاقسم يعجبني ورحت قدمت في جده والحمدالله انقبلت بس المصيبه انو القسم اللي ابغاه علم النفس يقولو انو مافي وظاايف منجد اتحطمت

احسن شي ادخلي موقع طلاب طالبات جامعه طيبه
في دكاتره متخصيصين يرود عليكي
والله انا دايمن اسال البنات هنا في المنتدى ماالاقي الاجاابه الشافيه
الموقع راح يفيدك