نصائح مهمة خاصة بورد ديكور زفافك

1. عند لقاء الفلوريست

الورد شي كتير مهم بحفلة العرس وهو يلي بيعطي اللمسة الجميلة يلي بتعبر عن الخصوصية بالذوق للعرسان..
مشان هيك نقلتلكن هالنصايح يلي بتساعدك لتجنب أي مشكلة ممكن تواجهك بهاد المجال .. والنصيحة الأولى:
لون و نوع الورد
اختيار لون و نوع الورد نقطة كتير مهمة وأساسية إذا كنتي حابة تعبري عن شي معين أو فيه طابع خاص بالعرس لازم يظهر ..
فمثلا: وردة الغاردينيا تعني الفرح بكل أنواعها .. بينما وردة اليلي الزهر تعني الأناقة .. أما وردة التوليب واللون الأحمر خاصة فهو يعبر عن الحب الحقيقي ..
مشان هيك أول نصيحة لإلك بخصوص الورد هي الانتباه لاختيار النوع و اللون إذا كان بيهمك تعبري عن معنى معين ..
البدجيت أو مبلغ المال المقرر للورد فقط
بعض العرسان ما بيخطر على بالهم يقررو مبلغ المال يلي بدو يندفع خصوصي للورد بس هاد شي مهم لأنو سعر الوردة بيختلف حسب نوعها ..
فاذا كنتو عم بدورو على كمية كبيرة من الورود في الديكور فبننصحكم انو تختارو نوع الوردة الرخيص ..
نقل الورد إلى الحفل
هذا الموضوع هو اهتمام منسق الورد أكثر من العروس .. ولكن لازم كمان العروس تنتبه على هي النقطة .. وتسأل كيف رح يتم نقل الورد .. وقبل أديش من الوقت فقط لتذكير المنسق ..

• في ملاحظات معينة لازم تعرفيها بتفيدك لتجنب أي تلف بالورد وهي:

1. رش الورد بسبراي خاص لابقائها بمظهر فريش لمدة أطول ..
2. لف الورود بسولوفان للحفاظ عليا أثناء النقل ..
3. حفظها بعيدا عن متناول الأطفال و في مكان بارد ..
منسق الورد:
دايما العرسان بخربطو بين الديكوراتور والفلوريست .. لأنو عادة يلي بيهتم بديكور العرس هو يلي بجيب منسق الورد إذا العرسان ما عندهم حدا ..

• والنصيحة الأولى إنو لازم تكونو على علم مين هو منسق الورد يلي رح يشتغللكون ..

حتى ولو كان عن طريق منسق الديكور .. ومو بس هيك .. كمان لازم تاخدو فكرة أكبر عن شغلو .. إما بزيارة موقع لعرس يقوم هو بتنسيقه في ذلك الوقت .. أو زيارته للاطلاع على التنسيقات لديه ..

• والنصيحة التانية والمهمة في حال اتفقتوا مع منسق ديكور ما إلو علاقة بمنسق الورد .. إنو تحرصو على إنو يكون في اتفاق بيناتهن ..

لأنو اذا ما كانو بيرغبوا بالتعاون مع بعض .. هاد الشي رح يأثر على انجاز العمل ..
موعد الطلب
يفضل الحجز عند منسق الورود قبل 5 أشهر من موعد الزفاف .. وانهاء الاتفاق على كل الأفكار قبل 6 أسابيع من الموعد ..

عند لقاء الفلوريست

تأكدي إنو قد تم اختيار ألوان فستان العرس قبل اختيار الورد .. وإذا متوفر بوقتها .. خدي قطعة من القماش .. وإلا ممكن إنو بعد ما تختاري ألوان الورد يلي رح تزيني العرس فيه تختاري الفستان .. ويصير تضارب بالتناسق بينهم ..
حضري أفكار ببالك للتنسيقات يلي حاببتيا .. جمعي صور من مجلات أو أعراس قديمة أو الانترنت .. وجيبيها معك لتقدري تشرحي للفلوريست شكل التنسيقات يلي حابة تعمليها بدون عذاب ..
حرارة الطقس
اختيار نوع الورد ببقى لفترة طويلة إذا كانت الحرارة مرتفعة .. مشان ما يدبل ..

• النصيحة هي إنو تسألي المنسق عن نوع الورد يلي ما بيدبل بسرعة ..

فمثلا: الزهور البرية اختيار غلط لأنو بتدبل بسرعة كبيرة .. أما أنواع الورود يلي بتصمد أو ما بتدبل بسرعة ( طيور الجنة – القرنفل – الزهرة المخملية – الزنبق(ليلي) – لافندر البحر) ..
لتجنب مشكلة ذبول الورد فيكي تلجأي لاستعمال الورود المجففة أو الاصطناعية إذا كانت تبدو طبيعية .. وفيكي تستفيدي منها باهدائها للضيوف على شكل تنسيقات للذكرى ..
أسئلة مهمة لا تنسي أن تسأليها للمنسق :
1. موعد استلام الورود ..
2. هل هناك مبالغ اضافية يجب دفعها للتوصيل ..
3. هل المدير المسؤول عن التنسيق سيبقى بالمكان قبل الاستقبال ليهتم بالورود أم سيترك الموظفين يهتموا ..