نصايح جوهرية من ثلاثينية مخضرمة

السلام عليكم ورحمة الله وبركاته
لكل عروس ولكل فتاة على وش قواز ...
في البداية بقولكم ...انا متزوجة من زمان اوي ...ازمن شي ....
يوم اتزوج ...كانو اللي قدي يلعبون في الشارع ...( قوية صح ) ..
يوم اتزوج ..كانو اللي قدي ...يتمرغون بكل دلع في احضان امهاتهم ..(كنها اخف شوي )
وفجأة اصبحت اتمرغ بين القدور والملاليس ..
..وبعد كل هالفترة ...اللي كان فيها المر والحلو ..العسل والكيتشب ..
الزين والشين ...(ولا تتوقعون اني بتكلم عنها ...
لأن الكلام في الخصوصيات ليس ديدني <<بينتحر سيباوية)
بس.. حبيت افيدكم بكم معلومة على كم نصيحة ...تقبلوها من اخت محبة بصدق ..
اول شي ...بقسم الموضوع لجزئين ...لأني عارفتكم يابنات (هناك ) وخابزتكم وعاجنتكم ..
فيكم عجز ..اللهم ياكافي ..الموضوع اللي فية صفحات كثير ...تقرون اول صفحة وآخر صفحة ..
همن تردون ...
عشان كذا بسهل المهمة عليكم واقسم الموضوع في موضوعين ....
الجزء الأول
( الأستعداد النفسي والجسدي ...وفن إدارة المهر والجهاز )
في بداية ايام الزواج ..ماننسى التوتر اللي تمر فية العروس ...واللي بدورة ينعكس
على جسمها وبشرتها ...
لذلك ...من المفروض انها تخصص وقت كافي قبل الزواج للعناية بجسمها وبشرتها
وماتستخسر فيهم اي مبلغ لأنهم بيكونون اهم عنوان للعروس امام عريسها ..
ولو أنة المفروض أن اي بنت تهتم بهالأشياء حتى قبل ماتنخطب ..
لأن العناية تاخذ وقت عشان تبين نتايجها .
والحين كل شي متاح ومهيأ لأي أنثى وين ماكانت ..من مراكز تجميل ومستحضرات
ماكانت متوفرة من قبل ...
يعني ببساطة ..مالكم حجة ...
الإسترخاء وترتيب الأفكار مطلوب ...لأن العجئة تزيد التوتر ...وتتسبب في نسيان اشياء
مهمة ...المفروض تكون في قائمة اي عروس ..
النوتة والقلم ..المفروض تكون اول شي تجهزينة في بداية التجهيز ..
اللي من المفترض يبدأ من فترة كافية ...قبل الزواج ..وفي نظري ان فترة التجهيز المثالية
ماتقل عن 4 شهور او 3 شهور في اسوأ الأحوال ...
خلي النوتة دايم بين يديك ..وفي اي مكان تروحين لة ..
لتدوين الأفكار والحاجات المهمة والمشتريات والأسعار والعناوين ....الخ ..
يعني ببساطة ...ماتتخيلين قد ايش بتخدمك ...لأن النظام والترتيب من اهم مميزات العروس
المثالية ..
في بدايه التجهيز ...
لازم تحددين اولوياتك ...يعني مثلا ..مو معقول تشترين المكياج في بداية التجهيز وباقي كم شهر
على الزواج ..وتأخرين فستان العرس ...
لأزم اول شي ...تدبرين فكرة لفستان الزواج ...والشكل العام لليلة الفرح ...
والألوان اللي بتوحدينها للصاله ..لأنها كلها بتعطيك صورة كاملة ...
لشكلك المناسب يوم الزواج ..من تسريحة من مسكة من موديل للفستان ...
كل شي ...
لأنة مو معقول يكون فستانك من العصر الفكتوري ومكياجك فرعوني وكوشتك
الوانها فاقعة ....
لأزم كل شي يكون منظومة متكاملة مع بعض ...زي البازل بالضبط ..
قطعه جنب قطعه تكون لك لوحه ....
لا تفتكرين ان لأزم يكون زواجك مكلف وغالي عشان يطلع حلو ...
كل واحد يمشي على ميزانيتة وظروفه ..
والمسألة مسألة ذوق اولاً وأخيراً ...
أنا حضرت زواجات مرة متكلفة ...لكن مافيها لمسة ذوق ..كل شي يحطونة من اغلى مكان
لحد مايصير الزواج زحمة ...وتغيب اللمسات الراقية ..
إذا مهرك متوسط ..وماتقدرين تزيدينة لين خلص ..فتعلمي كيف تكونين فنانة في ادارة مهرك
بحرفنة وبدون ماتتوهقين في النهاية ...
طبعاً ارجع واقول ..الكلام لأصحاب الميزانيات المحدودة ...
من الذكاء أنك تهتمين بالكيف مو بالكم ...
يعني مو لازم تكون اغراضك كثيرة ...مقابل انها تكون عادية ..
ولا انك تبعدين عن المحلات الغالية عشان مهرك مايتحمل ..لا غلط
ممكن تاخذين اشياء حلوة وثمينة وفيها ذوق <<حطي تحتها خطين
لأن مو كل شي غالي فية ذوق ...
لكن شي يعرفون الناس وين مارحتى انة ثمين وحلو وانيق حتى لو ظل معاك كم سنة
احسن من انك تعبين الدواليب بأشياء وقطع عادية ..ولو انعزمتي في جمعه ولا مكان
فية ناس توب ..تنحرجين وماتعرفين كيف تسايرينهم ..
لأنة مهما كانت ثقة الوحدة بنفسها مرتفعة , ترتفع اكثر لما تكون بمظهر حلو وانيق ..
خصوصاً اننا وللأسف الشديد في زمن (علمني وش لابس اقولك من انت ) ...
يعني بدال ماتخصصين من مهرك ..مبلغ تشترين فيها 10 شنط عادية
اشتري 2 فخمات ولا حتى 3 ...مع وحدة صغيرة للسهرات ..
وبتظل معاك لوقت طويل وانتي تلبسينهم في كل مكان وتظل تلفت النظر ..
وكذلك الفساتين ...بدال 10 فساتين عادية ..
خليها 4 مثلا فخمات وحلوات ...
وينطبق الأمر على الجزم والعطور والمكياج ...الخ
بإختصار وزي ماقلت لكم ..نصيحة ..ابتدو بداية صحيحة ...لتكون لديكم مقتنيات رائعه وتظل
موضتها لمدة طويلة ...
لأنة حتى الحين وفي زمنكم هذا (وحدة مقهورة ) قل اهتمام الحمولة بكمية جهاز عروسهم
اللي داخلة عليهم ..
لأن كل شي تغير الحين ...وصاروا اغلب العرايس يجيبون بس حاجاتهم الخاصة
يعني مثلا المواعين والأجهزة ماصارت من اولويات العروس ...
وصار هالشي عادي مايستدعي النقد ..
لأن أحناعلى زمننا ...(زمان يافن ) آحم ..جرت العادة في بعض مدن السعودية ..
اننا نجيب في الجهاز اشياء مال امها داعي ...يعني مانخلي شي في السوق إلا ونشرية
من إلى ..
مواعين ومفارش وتلفزيون واجهزة و..و...و....الخ ...تقريبا كل شي
يعني كان مهرين مايكفيك ...
بس وقتها كان الريال فية بركة ..موب زي الحين اللهم ياكافي ...ال100 زي الريال ..
اذكر جهازي ...(الله يطول عمر ابوي ويخلية لنا ) كان على 3 دينات ..>>(سيارات نقل )
حتى صابون الملابس والكلوركس والمناديل والمنظفات ..جايبينها بالكرتون ...حشا
كن ابوي بيرسلني مجاهل افريقيا ...
حتى اعواد الاسنان مرسل معي كرتون ...قعد عندنا 3 سنين ماخلص ..
و ثاني يوم من زواجي رحت شقتي في الخبر ...ويوم عزموني عمانهم هناك
تسلم علي وحدة من عجزهم (الله يرحمها ) وتقول وهي تمطخ فيني ..
انتي اللي حتى اعواد الاسنان جايبتها مع عفشك ؟؟؟
( واخزياة يابابا ...حطيتني نكتة )...حريم مايخفا عنهم شي ...
موضوع منقول واعجبني مره وحبيت اخدمكم