نصيحة روحانية لكل أنثى مهم جدا يرجى الدخول للجميع

1. الاهتمام بالبشرة طبيعيا يأي بنتائج رائعة

أخواتي في الله
السلام عليكم ورحمة الله و بركاته
ما أود أن اظيفة لمعلوماتكم في هذا الموضوع هو طبيعتكم الأنثوية الناعمة , الله يا جماعة خلقنا و ميزنا بالجمال و الرقة والنعومة
وكلنا بالتأكيد سعداء في هذا الشيء و اهمتمينا بجمال بالتأكيد
كل وحدة منا تتمنى تكون ملكة جمال , لكن هل يعقل ان اللي قاعد يصير الحين قريب من ملكات الجمال .؟ او الجمال ؟
كما هو معروف ان "اللي يزيد عن حده ينقلب ضده"
وهالصور بعيدة أشد البعد عن الجمال
شوفو هذا تكفون جنها بتتهاوش وين الانوثه؟
يخرع يخرع مكياجها خطين فوق و تحت و اشكثره وين قاعدين ؟؟؟؟ و الوان الوان يرحم امها شنو هذا !!!!!!!!!؟؟؟؟؟؟؟؟؟؟؟؟؟؟ امبيه امبيه الوضع مأساويشوفو الثانية
تكفون هالخط الأبيض شنو معناته ؟؟؟ واي لا تعليق تكفون شوفو هذي خط لي آخر العين واصل لي شعر راسها عاليمين و اليسار شنو هذا امبيه امبيه يعني لساني عاجز عن التعبير
كل شي يزيد عن حده ينقلب ضده ضده
خلونا مع بعض نرجع ورا ورا ورا سنين
ونقول ليش طلع الماكياج ؟
اساسا هو طلع ترى بس لاخفاء العيوب يعني وحده طالعة بوجهها حب شباب او ما شابه تخفيه و حده تعاني من بثور او اختلاف لون البشره , بالكثير هالات سوداء بس لا أكثر ولا أقل
اما بنات هاليومين فحالتهم حاله خذو كريمات "المعالجة" <-- اسمها الحقيقي واللي اهيا كريمات اساس او كونسيلرات و سووها دهن يدهنون فيه الوجه كله الاخضر و اليابس
وروحله طايحتله تدهن بويهها ايدينها ما تكفي وتدهن تدهن تدهن كل الوجه !!
يعني اذا كان عايش اللي اكتشف المكياج و شاف البنات يحطون جذي كريمات على وجوههم اول شي راح يقوله اكيد هذول البنات شديدي القبح لان انا لمن اخترعت كريم المعالجة خصصته للمناطق اللي فيها إنّ , هذول إذا ويههم كله في إن ! اشبقى بعد ؟؟؟؟؟؟
يعني مو معقوله الله خالقنا الوان قوس قزح كلها بين العين و الحاجب و ياليتها بس بين العين والحاجب توصل لي فوق الخد يعني عيون!!!!!!!!!!
تكفون شوفو العيون رقم (4) حمره ! لان مو زين كل هذا و تأثيره يظل فتره طويله البشره تتعب و ممكن ان الوجه يطلع فيه كلف و حبوب و بثور هذا غير الرموش اللي ممكن تطيح من الماسكرا وبعدين البشره بطبيعتها تمتص اللي ينحط عليها ووحده حاطتلها مكياج من الصبح عاد تعال شوفها بالليل البشره تشرب المكياج و حتى لو تغسلونه ما يطلع كله يترك آثار تتعفن داخل البشره , شوفو عاد بعدين شنو يطلع بالبشره و شنو يصير لون البشره بلاوي بلاوي والله
وعلى فكرة الاكثار من استخدام الماكياج يؤدي الى تجكير الوجه لان مره عن مره لمن تقعدين تدهنين وجهج كله بالكريم بعدين له آثار جانبية حتى لو كنتي تستخدمين احسن و افضل ماركات الماكياج يعني إذا ما عندج هالات سود ممكن ان تطلع لج بسبب الماكياج
حتى لو ما عندج ممكن يطلع لج
كلف
حبوب شباب
وممكن للبشرة ان تتحول من بشره حلوه الى بشره باهته لونها اصفر و خدود ميته لونها ليس وردي :(
مثل هذولا
وهذي أحلام بعد
يعني وجه احلام بدون المكياج ذكرني بكائن حي ... ههه
عالعموم المقصد من صور الفنانات انكم تشوفون لمن تركو المكياج صارو جكر .. يعني لو مو حاطينه و لو مهتمين بطيبعة بشرتهم جان صارو ملكات جمال
بعدين الحين صار في نظرية يؤمنون بها رجال الوطن العربي "البنات بدون مكياج جياكر"
هل ترظونها بحقكم ؟؟؟؟؟؟
هل ترظون ينقال عنكم "وجوه البنات لوحة؟" خواتي و حبيباتي في الله شوفولي هالصوره الحلوه

الاهتمام بالبشرة طبيعيا يأي بنتائج رائعة

شوفو هذول اجانب و مهتمين بنفسهم شوفو اشحلاتهم هالمره لو انتو العربيات امهات العيون الحلوه و السعوديات اجمل عربيات العالم و الخشوم الحلوه لو تهتمون جذي مثلهم تصيرون تهبلون و عالطبيعة واحلا منهم 1000 مره
ولو تلاحطون نانسي عجرم بدون مكياج مازالت جميله تدرون ليش؟
لانها تستخدم الماكياج بحكمه ما تحط كريم اساس على كل وجهها و بالعكس تحط كحل بس لا غير مع انها مسويه عمليات يعني ..
اتمنى اني اكون غيرت بعض من افكاركم حول المكياج شاكرة لكم المرولا