نظام أتكنز للحمية أو دشتي من وجهة نظري واللي زاد وزنها مع هالريجيم تجي لهون

1. بابا دكتور وبيعرف بهالقصص وأكيد ما رح يكذب عليي ورح يكون صادق معي

مرحبا يا صبايا
انا باختصار ما بحب الريجيمات كتير لكن اليوم بدأت بريجيم اتكنز (المعروف بدشتي) وتركته
هلأ انا كتبت هالموضوع كوجهة نظر مو أكتر بعد ما استشرت بابا بموضوع هالحمية

بابا دكتور وبيعرف بهالقصص وأكيد ما رح يكذب عليي ورح يكون صادق معي

فقلتلو عن هاد النظام وطريقة اتباعه وقرأتلو هاد المقطع المقتبس يلي بيحكي عن الطريقة اللي بيشتغل فيها هالنظام عالجسم
بالنسبة للبرنامج فهو يعتمد على نقطة معينة وهي أن هناك بعض الأطعمة لابد أن يبتعد عنها المريض والتي أهمها السكريات ونعني هنا جميع المواد النشوية التي يحولها الجسم إلى سكريات والمواد النشوية هي طبعاً مثل الأرز – البطاطس – الخبز – المعكرونة – العسل – السكر – البيتزا والفواكه بأنواعها
وقبل كل شيء هناك مصدران للطاقة في جسم الإنسان المصدر الأول الذي نستمد منه طاقتنا هو الكربوهيدرات أو النشويات ، أما المصدر الثاني فهو البروتينات (الدهون) وأفضل طاقة هي المستمدة من النشويات ، بمجرد أن يأخذ هذه النشويات تتحول في آخر المطاف إلى سكريات في الجسم والسكريات لها أضرار كبيرة جداً وبالتالي غدة البنكرياس تفرز هرموناً وهو هرمون الأنسولين ، والأنسولين في هذه الحالة يتجه للسكريات التي جاءت من النشويات ليقوم على تذويبها وكل ما يقضي على السكريات الإنسان يشعر بالجوع فيتجه لأكل الفواكه والحلويات وكل المواد الغذائية التي تحتوي على سكر حتى يقوم بتعويض ما افتقده عندها يشعر بالنشاط وهنا يقوم الأنسولين بنفس العملية مرة أخرى .
يسمى الأنسولين (هرمون السمنة) فله مضار كثيرة بالإضافة إلى منافعه الكثيرة ومن أضرار الأنسولين أنه يسبب تصلباً في الشرايين إضافة إلى أضراره الكبيرة على القلب وبالتالي هدفنا هو التقليل من كمية الأنسولين وتركه فقط للحاجة لن الأنسولين يؤدي إلى متاعب نفسية عندما يكثر استخدامه في الجسم وذلك عن طريق التذبذب الذي يحصل للجسم عندما تدخل السكريات ويذيبها الأنسولين وهكذا معدل السكر يصبح غير ثابت في الجسم وبالتالي يشعر الإنسان بالإرهاق والتعب .
مما سبق نعرف انه من الأفضل الابتعاد عن النشويات (الكربوهيدرات) واستخدام الطاقة البديلة التي تحدثنا عنها سابقاً وهي الدهون فعندما استغنى عن الكربوهيدرات لمدة أربعة أسابيع مثلاً يبدأ الجسم يعطي إشارة إلى حاجته للطاقة فيبدأ تلقائياً بالاتجاه إلى الدهون كمصدر آخر للطاقة فتبدأ عملية حرق الدهون التي كانت تقبع في أجسامنا سنوات ، إذن حرق الدهون بدلاً من حرق السكر .
المهم يا حبيباتي بابا بعد ما سمع هالكلام قلي يا بابا هالحكي مو سليم لانو من الأساس كل المواد الغذائية اللي مناكلها حتى الدهون بتتحول لسكريات بالجسم, يعني الامتناع عن اكل الكربوهيدرات ما الو علاقة بانقاص الوزن لأنو بالنهاية كل المواد الغذائية اللي بتفوت للجسم بتتحول لكربوهيدرات
وقلي انو شي طبيعي تنحفو على هالريجيم لأنو الواحد لما بياكل أصناف محددة متل الدهون واللحوم والبيض ما رح يشتهي الأكل بشكل كبير متل الأول وبالتالي رح تنقص كمية أكله عن المعتاد
وانا عن تجربة بقلكن انو يلي بياكل دهن بيشبع أسرع من يلي بياكل غير شي, مثلاً لو أكلنا لحمة ما رح نجوع بسرعة متل يلي أكل قطعة شوكولاتة لأنو اللحمة هضمها أصعب من السكريات
مشان هيك منحس بالشبع وعدم الرغبة بالأكل بعد اللحوم والدهون, لأنها ما بتفتح القابلية أو الشهية متل السكريات
من وجهة نظري انو سر هالريجيم يكمن في الكمية اللي أكلناها, مشان هيك عم نشوف بعض الصبايا عم يشتكو من انو الريجيم زاد وزنهن بدل ما ينقصو والسبب باعتقادي انو عم ياكلو كميات كبيرة من الأكل لأنو فاهمين انو الواحد ممكن ياكل كميات مفتوحة ما دام ما قرب للنشويات والكربوهايدرات
الخلاصة انو حتى ينجح هالريجيم وما يزيد وزنكن عليه متل ما صار مع بعض الصبايا بظن انو لازم تحددو الكميات اللي عم تاكلوها وتتأكدو انها مو زايدة عن حاجة الجسم لأنو لا تنسو انو كترة الدهون كمان بتضر بالجسم
واللي بحب ضيفو انو هالريجيم ما بيعتبر من الريجيمات الصحية على حسب ما سمعت من بعض الدكاترة ومنهن بابا لكن عم نسمع كتير عن نتائجه الفعالة مع كتير من الناس
بابا دائماً بيقلي خففي اكلك وزيدي حركتك بتنحفي بس انا جدوبة بحب جرب كتير ههه
كتبت الموضوع للإفادة فقط