نعم للحب لكن بكرامة خسى حب يسقيني مذله قصة سعودية

الجزء الثاني
..........................
في بيت بو جواد
في العصر العايلة قاعدة وتتقهوى.
نوف: سلمان متى بتروح.
سلمان:اللحين.
نوف:آآآها ...ياحظك بترو ح بطيارة مو مثلنا مالت علينا بسيارة طول المشوار
نوف قامت وشالت القهوة وتدور عليهم كلهم تصب لهم القهوة.
سلمان: يالله انا طالع تامرون بشئ.
الكل:مايامر عليك عدو.
قام باس راس امه وابوه .
قال لنووف:مع السلامة يادووبا ان شالله اذا جيتوا الاقيك نحفتي .
نوف بققت عيونها : دوبا انت مالت عليك
سلمان:مع السلامة وطلع من البيت.
الكل : مع السلامة
نوف قامت ودقت على ريم.
نوف:ياربي هذيلا مايردون اوف.
شوي الا جاها صوت رجولي من ورى اسماعه:الو.
نوف ارتبكت:الو
طلال عدل الصوت:هلا والله.
نوف:ريم وينها؟
طلال:طيب لحظة .
طلال يناظر السماعه:والله صوتها حلو .....ريم ريمو.
ريم وهي طالعه من المطبخ :هلا ويش تبي.
طلال:تعالي كلمي.
ام فهد:وين تكلم وراها شغل قول لها موب فاضيه.
ريم:لا خلصت شغل
ام فهد : قلت لا يعني لا
ريم تخصرت توها بتتكلم سمعت طلال
طلال عصب : ومنو انت علشان تمنعينها وناظر ريم ريم روحي كلمي وماعليك فيها
عجوز وتهذي.
ام فهد عصبت : هي انت ياقليل الادب ماعجوز الا امك والله.
طلال عصب ودفها وطاحت على الكنب:امي احسن منك ومن اللي جابوك .
في ذي اللحظة دخل ابو فهد وشافه.
ام فهد شافته وقعدت تبكي
طبعا طلال ماشافه:لا اسمعك تجيبين طاري امي على لسانك فاهمة.
ابو فهد عصب :ياقليل الادب تمد يدك على عمتك اللي بحسبت امك.
طلال لف لابوه:تخسي ذي تجي عمتي والا بمقام امي.
ابو فهد عطاه كف:اسكت ياللي ماتربيت هذي هي اللي ضفتك بعد مارمتك امك علي.
طلال انصدم من ابوه يضربه عشان هذي:امي مارمتنا انت اللي حرمتنا من امنا.
وريم تناظرهم بخوف وهي تبكي.
ابوفهد عطاه كف ثاني:شب ولا كلمة انا ماحرمتك من امك تبي امك روح لها الباب يوسع جمل.
طلال :هه اجل تبيني اقعد اقابل وجهك والا وجه العنز اللي وراك رايح انا.
ابو فهدوصل حده من العصبيه وطلع العقال ورماه على الكنب وجلس يضرب فيه:والله ماعنز غيرك انت وامك اللي جابتك.
ريم وهي تصيح:يبه واللي يرحم والديك بس خلاص.
ابو فهد لف عليها:انتي اسكتي لا ارميك اللحين معاه .
ريم سكت وقعدت تبكي.
نوف كانت على الخط وتسمع كل شئ انصدمت.
ابو فهد رجع لطلال:انت لاانت ولدي ولا انا ابوك امش اطلع من البيت (طبعا بعد ماطاح فيه ضرب)
طلال قام وهو يتالم :طالع وخلك تتمتع في البيت انت والحيوانه اللي وراك.
بو فهد ضربه مره ثانية:اسكت الله يلعن ام سربتك ليتك مت قبل لاتجي.
طلال:ايه والله ولا اشوف الوجيه اللي تنكد علي.
ابو فهد :امش اطلع برا مالك قعده ببيتي .
ريم صرخت:لا يبه واللي يخليك لاتطرده .. وراحت عند رجول ابوها :واللي يخليك يبه لاتطرده يبه وين يروح اذا طردته.
ابو فهد دفها من عند رجله:يروح بستين داهية.
ام فهد:ابوك مو مكفل فيه.
ريم ناظرتها بحقد.
طلال يكلم ريم:لاتحاولين ياريم لاني اصلا كذا كذا ماني قاعد في البيت ذا اللي فيه يسدون النفس.ومشى.
ريم لحقته وهي تبكي:لا ياطلال لاتروح ياطلال تكفى لاتروح .
طلال مسكها من عند كتوفها وهزها بعصبيه:انتي من وين تفهمين ماني قاعد هنا فاهمه انكد عمري على حساب سواد عيونك خلاص ماعاد متحملك انتي الثانية ورماها على الارض وطلع.
ريم انصدمت من طلال .
ام فهد بسخرية:هذا اللي رجيتي فيه خير.
ريم قامت وهي تبكي وطلعت غرفتها
ابو فهد:لابارك الله فيكم من عيال وطلع غرفته.
ام فهد مبسوطه من اللي صار :وتخلصنا من واحد بقي العلة الثانية عن قريب ان شالله..التفت شافت التلفون طايح رفعته .
ام فهد بخوف:الو...
سكرت نوف بسرعه.
ام فهد سكرت هي الثانية التلفون اشو مل وصك .
ريم وهي تبكي وتشاهق:ليش ياطلال لييش اثاريه انا ثقل عليك ليش تتخلى عني وتخليني وسط اللي مايخافون ربهم آآآآآه ياحظي بس.
.........
نروح لطلال اللي طلع من البيت وهو متنكد.
طلال :لييش يايبه ماتوقعتك كذا تطردني انا عشان وحده مثل الملعونه هذي آآآآخ يالقهرآآآآآخ بس لو ادري امي وين ارضها ......فجأه تذكر الريم...يوه انا شلون سويت فيها كذا شلون انا تركتها وسط الذياب الملاعين اللي مايخافون ربهم.
وقال بقسوة
والله ماني مكلف فيها انا خلني امتع عمري بس.
تذكرها وهي تناظره يوم دفها بصدمة وضرب الدركسون بقوة.
......................
بيت بو جواد
نوف انصدمت من اللي سمعته
وقامت بسرعه ووصلت خبر لابوها.
بو جوواد التفت باهتمام:شنو ؟
نوف وهي خايفه على ريم:والله يبه هذا اللي سمعته.
بو جواد تذكر يوم سمع ريم وشيماء.
بو جواد :لاحول ولاقوة الا بالله.
ام جواد:نوف انتي متأكدة .
نوف: والله يمه وكمان سمعت صوت ريم تبكي وتنادي طلال وهو طرده.
جواد لف لابوه باهتمام:يبه تحرك علامك قاعد.
بو جواد قرر ينفذ اللي في راسه ويعجل .
قام يكلم طلال.
بو جواد:السلام عليكم.
طلال عدل صوته:احم احم هلا عمي وعليكم السلام.
بو جواد سوى عمره مو داري باللي سواه ابوه:كيفك يبه؟؟
طلال يحس بالم يهد جسمه هد: الحمدلله
ابو جواد : ينك فيه الحين
طلال مستغرب من عمه: انا هذاني بالطريق لبيت جدتي.
بو جواد :وليش رايح عند جدتك.
طلال تعجب من عمه:عادي رايح لها زيارة .
بو جواد انتبه على نفسه :اها طيب سلم لي عليها مع السلامة.
طلال :مع السلامة.
ابو جواد لف على جواد : شكله يبي يعزب عند امي
جواد بقهر : عمي الظاهر فقد عقله
ابو جواد عصب : عيب ياولد استح على وجهك
جواد بعصبيه : وانا صادق اكو ابو صاحي يسوي كذا بولده
وقام طلع غرفته
.................
نرجع لطلال ياللي قعد يلفلف بالسيارة اللين بعد العشاء.
طلال راح لبيت جدته.
طلال دق الجرس.
ام عبدالعزيز:تركي يمه روح شوف من جاي هالحزة.
تركي :طيب يمه وقام
فتح الباب وانصدم من شكل طلال .
تركي بصدمة:ط طلال ايش فيك ؟؟
طلال بعده وهو يالله يالله يرفع يده ودخل.
تركي لف طلال له بخوف:طلال مع مين متهواش.
طلال بعصبيه:/ماني متهواش مع احد ودخل الصالة عند جدته ورمى نفسه على الكنب
تركي لحقه
الجدة بخوف:طلال يمة ايش فيك مع منو متهواش؟
طلال بعصبيه :قلنا ماني متهواش مع احد فكوني عاد .
تركي: انت تكذب تكلم ياطلال من ايش خايف.
طلال بعصبيه قام قاعد:مع ابوي متهواش كله عشان اللي ماتتسمى مرته خلاص ارتحتوا.
تركي وام عبدالعزيز:شنو ؟؟؟؟؟؟
طلال:يمه انا ابي انوم عندك.
ام عبدالعزيز بعصبية:تركي اتصل على ابو فهد سويد الوجه وخله يكلمني.
طلال بسرعه:لا ياايمه لاتتصلين عليه.
ام عبدالعزيز طنشته:بسرعه ياتركي اتصل عليه .
طلال قام:يمه ان اتصلتي عليه مانيب جالس هني .
تركي :وين بتروح.
طلال بعصبية:لو اروح جهنم..بس يايمه مثل ماقلت لك والله ان كلمتيه ماقعد هنا.
ام عبدالعزيز:طيب ليش؟؟؟.
طلال:كذا مزاج ....يمه انا ابي انوم تعبان واصل حدي .
ام عبدالعزيز:والله ياولدي اللحين ماكو غرفة بس نوم مع تركي اللين ازهب لك الغرفة.
طلال صعد الغرفة.
تركي قعد جنب امه:والله يحزن شكله الضربات بوجه كله.
ام عبدالعزيز بقهر:حسبي الله ونعم الوكيل فيها اللي ماتخاف ربها.
تركي كأنه تذكر حاجة :يمه ريم اذا كان ابوه مسوي بطلال كذا اجل ريم المسكينه ايش سوا فيها.
ام عبدالعزيز وهي تحرك راسها:لاحول ولا قوة الا بالله .
................................
بيت بو راشد:
على العشاء
شيماء:يبه انا ابي اروح بكره عند ريم.
بو راشد:طيب.
شيماء:رشودي وديني.
راشد:هاه هاه عيدي عيدي.
شيماء بدلع:يبه شوفه.
بو راشد:الله منك ياراشد ماتنفع بريال متنفع الا بالهياته ودي اختك بكره وايش وراك؟؟؟
راشد بتذمر :طيب يبه تامر.
شيماء تلعب بحواجبها مبسوطه
.....................
اليوم الثاني
بيت بو فهد
الصباح الساعه 6:5
ريم صحت من النوم وراسهايعورها وقامت توضت وصلت ونزلت تحت تسوي لها فطور.
ريم :آآآآآآآآآآآآآآه ياراسي بينفجر تذكرت طلال وراحت لغرفته فتحته زي ماهي بحوستها (ماحد يرتبها غيرها)وراحت ترتبها وتنظفه وعطرتها وطلعت وسكرت الباب وراها واتكت عليه
ريم نزلت دموعها وبسرعه مسحتها وراحت المطبخ تسوي لها فطور
فتحت الثلاجة واخذت لها كرسون وحمته وسوت لها عصير واكلته
الا تسمع صوت من وراها
التففتت : طلال
طلال ابتسم لها : ايه طلال
وقرب منها باس جبينها
ريم صدت عنه
طلال : افا زعلانه من طلولي
ريم بكت : انا مثقلة عليك ياطلال ليش تقول لي كذا انا اللي مو طايق تتحمل شيء علشانها
وجلست تبكي
طلال ضمها : خلاص ريم صدقيني مو قصدي
ريم من بين دموعها : لا انت قلت اللي في قلبك انا ماراح اثقل عليك خلاص روح شوف حياتك وانا بالطقاق الي يطقني
طلال بألم : ريم صدقيني ماكنت اقصد والله اني كنت معصب ارجوك سامحيني لاتزيدي علي
ريم وهي تدفه : روح روح وخليني وقلتها بألم ياخوي ياعزوتي
طلال جاء يتكلم الا دخل عليهم ابو فهد
ابو فهد والشرر يتطاير من عينه : انت لك عين تجي هنا
طلال ناظره : انا ماجيت علشانك انا جيت علشان الريم
ريم وتدف طلال : خلاص طلال روح وخليه الاحين يسوي لك مشكلة
طلال : ماراح اروح الين تسامحيني
ريم وهي تبكي : خلاص مسامحتك
ابو فهد يتكتف : لاوالله كملوا كملوا المشهد حرام حزنتوني ويروح يجر طلال مع ثوبه
اطلع برا ياكلب
طلال دف يد ابوه عنه : ابي اطلع مابيك تقول لي
وناظره باستحقار
ريم راحت عند ابوها وهي تبكي : يبه تكفى خلي طلال يجلس هنا
ابو فهد دفع الريم وضرب ظهرها في الطاولة:آآآآآآآآآآآآآآآآآه
طلال بخوف : ريم انت بخير
ابو فهد اخذ طلال ورماه برا البيت
وراح المطبخ عند ريم وقال بكل قسوة وكأنه مايشوفها تتألم
: قومي سوي لي فطور
ريم قامت بالم : آآن شالله
وزهبت له الفطور
وحطته له في الطاولة
وطلعت غرفتها
ريم بألم حطت راسها على المخدة:آآآآآآآآآآآآآآآآه ياظهري آآآآآآآآآآآخ وحطت يدها على مكان الوجع وقعدت تسوي مساج على مكان الوجع...آآآآآآآآآآآآآآه انسدحت على بطنها آآآآآآآآآي ياظهري آآآآه .
شوي قامت ماري من النوم .
ماري جات اللين عندها:ريم ريم ايش فيك؟؟.
ريم بألم :آآآآه ظهري ياماري ظهري.
ماري مسكت ظهرها وسوت له مساج.
ريم تون :آآآه آآآه آآآم لالا ماري يوجع والله يوجع.
ماري:معليش اتحملي شوي شوي يروح الوجع وراحت لدولابها واخذت منه كريم ورجعت لها.
ماري حطت على ظهرها وقعدت تسوي لها مساج
ريم تون بصوت يقطع القلب.
ريم تمسك يد ماري:ماري الله يخليك خلاص خلاص يوجع وجلست تبكي والله يوجع.
ماري حزنت عليه:طيب بس شويه كذا كذا ويروح والله يروح انتي ايش اللي وجعك.
ريم بألم:ضرب بالطاولة آآآآه خلاص ماعاد اتحمل وصرخت:آآآآآآآآآآآآآآآآآآه يمه آآآآه.
ماري خافت ريم :يروح ينادي ابوك.
ريم بسرعه:لالالالالا خلاص شوي كذا ويروح بس ماري الله يخليك اعطيني بندول بدولابي.
ماري قامت:طيب.
وراحت وجابت معاها كاس مويه:خذي .
ريم قامت جالسه ببطئ واخذتها:بسم الله واكلتها.
ريم انسدحت مره ثانية:ماري الله يخليك اذا طلعتي سكري الليت معاك.
ماري :طيب اذا يبغى ناديني طيب؟؟.
ريم ابتسمت:طيب.
طلعت ماري وسكرت الليت.
ريم بالقوة ال لين نامت ودموعها على خدها.
.....................
نروح لطلال
طلال بحزن:يالله يالريم والله مشتاق لك ولسوالفك وقعدت الصباح وياك.
تذكر كلمتها:ياخوي ياعزوتي.
طلال غمض عينه بالم وحزن وهم وغم:سامحيني يالريم خذلتك آآآخ خذلتك بس والله مو بيدي مو بيدي يالريم .
.....................
بيت بو فهد.
ابو فهد:ماري ماري ماريوه.
ماري جات بسرعه:نعم .
ابو فهد:وين ريم ؟.
ماري:ريم بغرفتها .
ابو فهد عصبت:اللين اللحين الساعه 2 وهي الى الان نايمة.
ماري:بس هي تعبانه.
ابو فهد:ايش فيها؟؟؟
ماري:ظهرها تعبان .
ابو فهد:خلاص انقلعي عن وجهي.
وراحت ماري.
ابو فهد قام وراح يشوفها.
ابو فهد فتح الباب.
شاف ريم نايمه وهي عاقده حواجبها.
قرب لها بشويش.
جلس على ركبه جنبها بلع ريقه .
ومسح على شعرها.
بو فهد مايدري ايش حس فيه .
بو فهد بحنان:ريم ..ريم.
ريم فتحت عيونها بشويش وناظرت ابوها واستغربت.
بو فهد بنفس الصوت:ريم يبه انتي بخير؟؟
ريم رفعت راسها عن المخده وجلست تناظر ابوها وعلامات التعجب كلها على وجهها حست انها بحلم
بو فهد ابتسم:ريم يبه ايش فيك تحسين بألم؟؟
ريم باستغراب:ي ييبه؟؟
بو فهد نزل راسه بحزن وهو يلفه يمين شمال:سامحيني يالريم والله مو بيدي طبع بوسة على جبينها وطلع.
ريم:؟؟؟؟؟؟؟؟؟؟؟؟؟؟؟؟؟؟؟؟؟
ريم حست انها بحلم مو بعلم وحطت يدها على مكان بوسة ابوها حست الدنيا مو سايعتها من الفرحة تمنت الزمن ينعاد يرجع وتضم ابوها تبيه يحسسها بالحنان والامان
ابتسمت وهي الى الان متعجبه.
قامت توضت وصلت وغيرت لبسها ونزلت تاكل لها شئ لانها حست بالجوع.
ريم حست بنشاط زايد ونزلت وهي مبتهجة ونست الم ظهرها.
العصر الساعة 5
يرن جرس اللباب
شوي طن طن..طن طن.
ريم راحت تشوف ميين.
ريم وقفت ورا الباب:مين؟؟؟.
شيماء:افتحي انا شيماء.
ريم فتحت الباب :هلا والله .
شيماء:السلام عليكم.
ريم:وعليكم السلام تفضلي حياك.
دخلوا الثنتين داخل.
شيماء:غرييبه البيت هادي.
ريم بسخريه:هه المدام ماهيب مو جودة والانسه في السوق.
شيماء :وواو احسن عشان عندي لك اخبار حلوة.
ريم:هاتي هاتي عشان انا بعد عندي لك خبر عجيب غريب.
شيماء:اوكي هاتي.
ريم:لالالالاانتي اللي هاتي.
شيماء:اوكي ان شالله بعد اسبوع والا اسبوعين بنروح ابها .
ريم بفرح:كذابه.
شيماء:والله ماكذب ويقولون نقعد اسبوع هناك.
ريم:يس.
شيماء:هاتي اللي عندك.
ريم قالت لها السالفه كلها .
شيماء بذهول:عمي عبدالعزيز.
ريم:ايه والله وقسم وقال لي سامحيني ترا والله مو بيدي وباسني على جبيني.
شيماء فرحت لريم:واو ريمو فيه تطور كبير.
ريم سرحت.
شيماء:هي ريم ريموو.
ريم التفت لها وبالها مشغول:نعم.
شيماء:وين رحتي.
ريم :مدري بس ابوي شاغل فكري ياشيماء.
شيماء:ليش؟؟؟
ريم: مدري كذا يوم قال لي سامحيني والله مو بيدي احس ابوي وراه شئ بس مدري شنو.
شيماء تحاول تونسها:ماعليك يابنت طنشي ..الموهم ماتبين تضيفيني.
ريم ابتسمت:الا من عيوني.
شيماء:يالله اجل على المطبخ.
وراحوا الثنتين يسوو قهوة.
وجلسوا يسولفون.
،،،،،،،،،،،،،،،،،،
بعد مرور اسبوع.
اعلن ابو جواد انه عازمهم كلهم عنده في الفلة اللي اخذها لابها
وانهم راح يروحوا الى ابها بعد يومين.
.............
ريم تكلم شيماء بالتلفون.
ريم بخجل:شيماء حبي مري علي اذا جيتي بتروحي السوق
شيماء:ليش؟
ريم:انتي بس تعالي ومو شغلك.
شيماء:اوكي.
بعد المغرب.
طن طن .طن طن .
ريم بسرعه قامت وفتحت الباب.
ريم:هلا شيماء ادخلي ابيك بسرعه.
شيماء:بسرعه رهف وفهد بالسيارة ينتظروني.
ريم :دقيقة بس .
وطلعت غرفتها.
واخذت منها 200 ريال ونزلت لشيماء.
ريم تمد الفلوس لها:شيماء الله خليك خذي لي اغراض معاك وشوفي وجيب كمان شئ لماري اوكي؟؟؟.
شيماء بتعجب:200؟؟ايش تجيب؟؟
ريم نزلت راسها:معليش لقطي لي من الرخيص اوكي.
شيماء كسرت خاطرها ريم:اوكي ولا يهمك وراحت بسرعه//
...................
فهد ورهف وشيماء وصلوا السوق.
شيماء اخذت رهف على جنب وقالت لها عن ريم.
رهف:اوكي ولا يهمك اللحين اكلمه.
رهف :فهد فهد.
فهد:هلا.
رهف:اسمع انا ابي اشتري لريم معانا.
فهد:طيب ولايهمك بس هاه انتوا اختاروا لاني ماعرف اشتري لها.
رهف:هو احد قال لك اختار.
فهد:ههه.
وراحوا يتسوقون.
وخلصوا ومروا على الريم واعطوها اغراضها.
ريم صعدت غرفتها تقيسها.
ريم مو كأنها كثيرة على 200يوه تلاقي شيماء جابت لي من عندها ...آآآآه بس.
ريم لبست ودخلت ماري .
ريم نزلت راسها ماعندها احد غير ماري تحس كأنها اختها.
راحت المرايه تشوف عليها ولفت لماري.
ريم تدور بالفستان:ماري وش رايك؟؟
ماري ابتسمت:حلو والله وعليك رايح احلى.
ريم ابتسمت لماري :تسلمين.
وراحت للاكياس وطلعت لبس ماري.
وراحت لها.
ريم:خذي ماري هذا لك وصيت اليوم فيه مع شيماء.
ماري اخذته وهي فرحانه:شكرا ريم شكرا انتي مره كويسه.
ريم:ههه روحي يالله قيسيه شوفي ترا يجي مقاسك.
ماري قامت بسرعه:طيب.
ولبست وطلعت.
ريم:واو مقاسك تمام التمام.
ماري ابتسمت وراحت تبدله.
ريم:الله عوضني فيك ياماري بدل اختي.
ريم تكلم نفسها:آآآآآخ بس ليتها تحس فيني شوي.
طلعت ماري وراحت تبدل ريم .
ريم بعد مابدلت راحت تصلي لها ركعتين وجلست تدعي ان ربي يفرج كربتها
......................
اليوم الثاني
بيت بو راشد.
راشد:يالله اجهزوا بسرعه تأخرنا .
شيماء:راشد نبي ناخذ معنا ريم.
راشد:والله السياره ماتكفي.
شيماء:بس انا وانت وامي....
راشد قاطعها:وابوي والشغاله ارتحتي.
شيماء:يوه ابي اقعد بالسيارة لحالي طفش.
راشد:احسن.
شيماء بقهر:يامغص.
ام راشد:يالله يمه جهزنا.
ولبسوا كلهم وطلعوا.
...................
بيت ابو جواد
جواد بعصبيه:ياربي يعني انا كل يوم اقعد انتظر كذا.
ام جواد:انت علامك اللحين معصب.
جواد:انا لي حيله فيكم عارفين انكم بتمشون من الفجر ليش ماجهزتوا اغراضكم ونمتوا من بدري.
ابو جواد:يعني كل يوم على الاسطوانه هذي ياجواد.
جواد:يبه هم امس سهرانين على شنو ان شالله ليش ماراتبوا جنطهم.
نوف جات نازله مع الدرج.
جواد بعصبيه:وانتي بنقعد كل يوم ننتظرك.
نوف خافت من جواد.
ام جواد:امش امش وانتي ساكت.
جواد طلع وهو يسب ويشتم
ابو جواد ركب في سيارته ومعه نوف وام جواد والشغاله وشغالة الجدة وجواد معاه الجدة وتركي وطلال .
وسلمان طبعا بابها
.............................
في بيت عبدالعزيز.
ريم من قبل الفجر صحت .
ورتبت الجنطة .
وبعد الفجر الكل كان صاحي.
على الفطور.
هناء:ريم ريم .
ريم جات من المطبخ:نعم.
هناء:اطلعي رتبي شنطتي اغراضي كلها تلاقينه في الكيس عند السرير طايحه ورتبي الغرفه.
ريم :بس...
ابو فهد ناظرها بحزم.
نزلت راسها:ان شالله.
وطلعت.
دخلت وهي تتحلطم.
ريم :والله لاوريك.
وراحت فكت الاكياس ورتبتها ومحصلت لها ملابس داخليه .
ابتسمت بخبث : جاك الموت ياتارك الصلاة .
وطبعا الشنطة يالله يالله تسكرت على الاغراض.
وماحطت ادوات التجميل حقتها.
ريم:ودي اشوف شكلها اذا مالقت اغراضها والا ملابسها ههه ويع قرف .
ورتبت الغرفة ونزلت.
ابو فهد:ريم خليك جاهزة امي تبيك تروحين معاها
ريم:تامر يبه.
راحت للمطبخ وجهزت الساندوتشات اللي سوتها و العصيرات وطلعت تلبس.
..........................
الكل توزع بالسيارات .
ريم ركبت السيارة مع جدتها
ريم:السلام عليكم.
الكل:وعليكم السلام.
ريم:كيفك يايمه.
الجدة:بخير يمه الله يسلمك انتي شلونك يمه.
ريم:انا بخير.
طلال:آحم آحم كيفك الريم.
ريم ردت بجفاء:بخير.
طلال نزل راسه بالم.
تركي التفت لها: هاه ايش مسويه لنا الريحه تشهي؟؟
ريم:موشغلك.
تركي:افا كذا.
ريم ابتسمت:ايه.
الجدة:وشلون الاهل؟
ريم:بخير الله يسلمك.
الجدة:الحمدلله.
بعد مرور الوقت .
ريم طلعت الساندوتشات.
ريم:يمه خذي ومدته لها.
الجدة:وشو ذا؟.
ريم :ساندوتش.
واخذته.
ريم مدت لطلال:خذ.
طلال ناظرها مابي.
ريم:طلال خذ احسن لك .
طلال بعصبيه:قلت لك مابي.
ريم تصنعت البرود: احسن.
ومدت الصحن اللي حاطه فيه الساندوتشات لتركي.
ريم:خذ ياتركي.
تركي:واو شكله يشهي.
ريم طلعت العصيرات ومدتها على الكل الا طلال اللي رافض ياخذ
وجواد طبعا قال مومشتهي .
تركي:هاه جواد انا موت على هذا اللي تسويه ريم ايش رايك فيه.
جواد وهو ياكل :ام لذيذ
طلال يناظر مع الطاقة وهو سرحان ويكلم نفسه:معقوله يالريم شايله بخاطرها علي الى الان.
ريم لزمت الصمت تستحي من جواد
.................................
ووصل الكل لابها بخير.
.................
توقعاتكم.
كيف يكون جو ابها؟؟؟؟؟؟؟؟؟؟؟؟؟؟؟؟؟؟؟
قولوا رايكم في ذا الجزء مو زي الجزء اللي راح

تسلمين ياقلبي
انا ماراح اكذب عليك واقول اني قريتها لكن وعد اني اقرها لاني نزلتها ع الجوال
وانا مادخلتها الا لان العنوان عجبني موت وشجعني اقرها بس ان شاء الله قريب اقرها وارد عليك بس عشان ماتزعلين واشجعك للامام
دلوعة زمانها

السلام عليكم جمعه مباركه
الصراحه مره روعه القصة
ونزلي كم بارت مشوق علشان البنات يتابعونك ع طول
اليوم الجمعه حاولي تنزلي لنا

يسلمو فين باقي القصة حبوبه

يسلمو حبوبه