نفسي اسير دلوعه ساعدوني

منات الروح

30-09-2022 - 07:48 pm

السلام عليكم ورحمة الله وبركاته
صباح الخير
اليوم بكتب لكم عقدتي في حياتي الزوجيه
اللي هي اني ماعرف اتدلع او اقول كلام حلو او اسوي حركات رومنسيه
لي متزوجه 8 سنوات وداخله بالتاسعه والله ماعمري تدلعت مدري احسه ماله داعي
مثلا زوجي لا جيت اسولف معاه ما اقول له الا ياخي
واذا تناقشنا بموضوع حاد ولا شي ماتسمعون الاياخي وش دخلك ياخي انا على كيفي
وحده قالت لي حرام تقولين لزوجك ياخي بس انا انسى واقولها
مدري احس اني دفشه ولا عندي اسلوب حاولت اغير اسلوبي ماقدرت احس اني استهبل اذا تغيرت يعني ابغا اكون على طبيعتي
بس تفاجئت قبل اسبوع نطالع بالتلفزيون فيه موذيعه مادري باي قناه تعرفون المذيعات مايحتاج دلع بالكلام والحركات
قالي تعلمي تعلمي الدلع والاسلوب اللي يجيب العافيه
انا جلست اضحك وانا من جوا انقهرت بس مابينت له
وحاولت خلال هذا الاسبوع اغير من اسلوبي ماعرفت
ساعدووني الله يساعدكم

التعليقات (9)

المشـاغبه

30-09-2022 - 10:24 pm

والله انا كنت ماقول الكلام الحلو مثل حبيبي وحياتي كنت استحي اقولها ثم صرت اقولها استهبل الى ان تعودت عليها وانتي حاولي ان شاء الله تفيدك طريقتي وان شاء الله البنات فيهم الخير والبركه راح يفيدونك

شروق الامل24

30-09-2022 - 11:25 pm

نفس الشي ابي اكون دلوعة ومرحة ذابحتني الجدية والاكتئاب

فـيـولآ

01-10-2022 - 12:26 am

والله شوفي ياحبيبتي انتي قوليها المره الاولى
والثانيه والثالثه ومن بعد هالثلاث مرات بتحسين انها
تطلع عادي من دون استهبال وانتي حاولي تطلعين
انوثتك دائمآ لو في اتفه الامور وكلمة يااخي هذي
كلنا نقولها بس لاتكثرين منها عاد
وحطيها في بالك وبأذن الله الله بيحققها

بقربه تحلى الحياة

01-10-2022 - 01:27 am

حبيبتي تعالي بطريقة استهبال تدلعي ومره مرتين بتصير عندك عادي
بس السالفه يبي لها صبر مو في يوم وليله

حسافة ياقلبي

01-10-2022 - 02:28 am

والله انا شخصيا كنت قبل زواجي ما اقول هالكلام...حبيبي وعمري وحياتي وعيوني ...و...
كنت استحي لان مجتمعنا وعائلتي مايعرفون هالحركات...على قولتك دفشين...
بس يوم تزوجت من ايام الملكة وانا اتكل معه بهالكلام ...وكنت احس مثلك اني مالي داعي...بس هو وش يعرفه اني اصلا ما اتكلم كذا مع اهلي...
المهم...الحين وانا اختك صرت مع كل الناس كذا كلامي...غصب علي يطلع...لاني تعودت...
عوديه وبيستغرب فالبدايه وبعدين بيتعود...
بالتوفيق

فراشة بكل الفصول

01-10-2022 - 03:29 am

مدام انتي كتبتي معناه عندك رغبة بالتغيير، وانتي تقدري بس هي مسألة وقت حتى تتعودي
بعدين الكلام الحلو اذا مافقد في البيت وفقده الزوج والابناء على حد سواء ترى راح يدورون عليه برا البيت وهذا مايسمى الجفاف العاطفي وانا متعمدة اخوفك عشان ابغا عزيمتك للتغيير تكون عالية
وصدقيني بمجرد ماتتعودي على هالكلمات حتطغى انوثتك تلقائياً على السطح اذ ان الكلمات الرقيقة ستحدث تأثيرها الفوري وستلحظين ذلك مع الوقت
شيء اخير المظهر الخارجي والاهتمام بالشكل العام خصلتين على ميك اب نعوم وقميص نوم او فستاان simple ما اقوللك كل يوم لا فترة وفترة غصب راح تكوني ناعمة وهادية
وهالله هالله بالصوت ترى الصوت الناعم يهز الرجال هز خفضيه مو تتظاهرين بالدلع شان مايبان ومرة على مرة حتسيري يستي دلوعة
واتمنى اني اكون افدتك زي ما استفدت انا من الموضوع
دعواتك

الاضاءات

01-10-2022 - 04:30 am

اختي انضمي للموضوع اللي كاتبته لكل متزوجة من خمس سنوات واهملت نفسها ان شاء الله تستفيدي

عطرالفراشه

01-10-2022 - 05:31 am

للرفع الموضوع مره مهم

%%ام فارس%%

01-10-2022 - 06:32 am

ياعمري الله يسلم ايدك على هالموضوع
كنت احس نفسي الوحيده اللي كذا ودايم
كنت احس اني مقصره وانقهر لما اشوف
اللي يدلعون بالتلفزيون بس والله ما ادري ايش اسوي
بس الله يبارك بخواتي الفراشات وبنستهبل ونشوف
ياخوفي يقول هذي استخفت ههه
تسلمين يالغلا

لماذا خلقت المرأه بكل هذا الجمال←
زوجى راجع من العمره ومحتاجه مفاجأه ساعدونى→