نور عبدالله قصة كويتية سعودية

السميراء

13-12-2022 - 01:26 am

نور: هههااي انسى والله لو تحطلي 15 تلفزيون هم ماراح ايي معاك

هشام وهوا متنرفز وخايف ..: زين هين يالدبه

السلام عليكم
كيفكم يا أخواتي الفراشات
هذي قصه من منتدى أعجبتني .. فحبيت أنقلها لكم
اتمنى تعجبكم .. اذا لقيت تفاعل راح اكمل بليز أريد تفاعل
نور عبدالله .. قصة كويتية سعودية
اترككم مع الجزء الاول
الجزء الاول
عايلة بوراشد
ابو راشد ضابط في الجيش له مركز كبير وشخصية مهمه ..
ام راشد ام ل 4 اولاد .. حنونة وقلبها كبير
راشد عمره 24 سنه .. يدرس في بريطانيا طب طويل وعريض وشعره اسود
هشام عمره 22 سنه شاب حبوب ودمه خفيف سنه رابعه حقوق طويل وعنده سكسوكه في ويهه وشعره اشقر على امه
نور عمرها 19 سنه .. سنه ثانيه في كلية التربية بيضا وشعرها اسود وحلوة وناعمه وملامحها هادية
فرح عمرها 12 سنه دلوعه البيت وكل طلباتها اوامر تشبهه نورشوي بس يمكن اللي يشوفها يقول انها مغروره لانها ماتحب تختلط وايد بالاغراب
عايلة بوخالد
بوخالد اخو بو راشد العود وكلمته مسموعه بالعايلة رايه صارم وافكاره رجعية شوي
ام خالد متوفيه من عشر سنين
خالد .. عمره 22 في عمر هشام .. ولد عمه وربع من الطفوله كل اسرارهم عند بعض .. سهراتهم وروحاتهم كلها م بعض .. خالد يشبهه امه اسمر وشعره اسود ومزيون
حصة الاخت الكبيرة عمرها 32 سنه متزوجه من صالح وعندها اربع اولاد وبنت
فاطمة عمرها 28 متزوجه من سالم وعندها ولد وبنت
ريم عمرها 20 تدرس بمعهد .. حبوبه وفرفوشه
عايلة بو عبدالله
محمد بو عبدالله .. ريال كبير في العمر زوجته متوفيه
وعنده عبدالله عمره33 سنه .. للحين مب متزوج ..شاب روحه حلوة وونيس بس انسان غامض وتحس في قلبه هموم واحزان كثيرة
سارة عمرها 35 سنه متزوجة بالكويت وعندها بنت وثلاث اولاد
فراس عمره 28 متزوج من اميرة وعنده بنت اسمها صبا
بو عبدالله يصير ولد عم بوخالد وبوراشد وعايش بالسعوديه
في بيت بوراشد
نور : هشوم هشوم .. ..
هشام : ها شتبين ..!!
نور : غير القناة الله يخليك الحين يحطون مسلسل نزار على دبي الحلقات الاخيرة
هشام : روحي زين .. متابع المبارة انا الحين موفاضيلج روحي تابعيه بالصاله
نور : اووف انتا تدري ان ابوي بالصالة يعني مااقدر اطلع شي .. تلقاه حاطه على بي بي سي ولا العربيه ..
هشام : والله انا ياي قبلج سكتي الحين خليني اشوف
نور: او زين الحين شسوي .. الحقلة بتطوفني يالنحيس
هشام : نوروه ان ماسكتي بالمخده على راسج
نور: ايه طلع رجولتك علي انا المسكينة .. بس تشوف ابوي ترجف من الخوف ولسانك الطويل هذا يقصر
هشام : هي انتي .. انا مااخاف الا من اللي خلقني لاتخليني اوريج شغلج الحين
(هشام ... هشام ..) بوراشد ينادي من الصاله الثانيه
هشام : اوو نور هذا صوت ابوي ياويلي شنو يبي فيني ..!!
نور : خ اشوف منو مساعه يقول >> > انا ماخاف الا من اللي خلقني ..!!
ماادري منو قاعد يتنافض الحين .. هههااي
هشام : نورامبي انا قايل هاليوم شؤم من تصبحت بويهج
هشام : نور حبيبة هشوومي .. فدية هالويه اللي جنه قمر ..تعالي معاي ..!

نور: هههااي انسى والله لو تحطلي 15 تلفزيون هم ماراح ايي معاك

هشام وهوا متنرفز وخايف ..: زين هين يالدبه

راح هشام يشوف ابوه شنو يبي فيه وخذت نور الريموت وحطته على مسلسل نزار اللي تحبه وتحب اشعاره وتحلم بفارس احلامها يقول لها شعر مثل نزار ويكون رومانسي بس وين تلقى هالريال بهالزمن .. دام الريايل على شاكله هشوم وربعه .!!
في بيت بوخالد
وتحديدا في غرفة خالد .. قاعد يجهز اغراض التدريب ..وماسك التلفون بيده وهوا متنرفز
خالد : هذا وينه عيزت وادق عليه مايرد ..مو على اساس بعد المبارة بنروح التدريب ..؟؟
خلني ادق اخر مرة واذا مارد بروح عنه ..
في الصالة .. ونور متابعه مسلسلها
نور : اوف ياربيي ان ماسكت هالتلفون بقوم اكسره .. هشوم ليش قاط تلفونه بالصاله
خذت التلفون نور تبي توديه عند اخوها بالصالة الثانيه .. ولاتشوف المتصل .. حبيبة قلبي
نور : شنو هذي سوالفك ياهشوم .. بنات هاا ..!! مم خل ارد
خالد من الطرف الثاني : الو .. انتا وينك يالدب عيزت وانا ادق عليكتدري لو مارديت كنت بروح عنك التدريب !!
خالد : ألو ... ألو....!!!
نور بقلبها .. ياويلي هذي مو بنت .. هذا صوت خلود ولد عمي الدب .. شسوي الحين ان سكرت اكيد بيدري هشوم ويسويلي سالفة .. وان ماسكرت ... مم شقول ..
نور : الو .. هلا خالد انا نور .. هشام مو عند التلفون بس يي اخليه يكلمك .. مع السلامه
طوط طوط .....
خالد : وين راح صوت الكنارياللي من شوي .. معقوله هذي نور ..!! ماشالله كبرت يحليلها
خالد حس ان صوت نور دخل قلبه وقعد يفكر فيه شلون قلب كيانه
انسدح على فراشه وخذا التلفون وحطه على قلبه وقعد يتذكر كلامها
فجأة رن التلفون ويوم شاف رقم هشوم فز ورد بسرعه يمكن يسمع هالصوت مرة ثانيه
بس طلع صوت رجولي خشن .. هشووم .. هذا انتا ..!!
هشام : ليش يعني داق عليك تتوقع بتسمع صوت غيري ..!!
خالد بقلبه .. ياليت : هاا لا ولا شي وينك انتا .. يله الحين بمرك جاهز ..!!
هشام بضيق : لاخلود روح انتا انا مالي خلق
خالد : حبيبتي شفيج زعلانه ومتاضيقه
هشام : خلود ترى مالي خلق ملاقتك .. بروحي موطايق روحي
خالد : افا عسى ماشر .. شصاير خوفتني عليك هشام ..!! لاتقولي ابوك ؟
هشام : وفيه غيره .. تخيل خلود .. اليوم زفني زفة معتبرة يقولي شمقعدك ماشوفك ماسك كتاب؟
وتعرف نصايحه اللي ماتخلص .. وانا طبعا ماانطق وبولا كلمة تدري فيني .. ويوم خلص .. قلته يبا ترى الكورس مخلص من شهر ..!!
خالد : وبس هذا اللي مضايقك ؟
هشام : لما تنزف من ابوك مثلي تالي بتحس باللي فيني
خالد : هشام تحمل هذا ابوك وبعدين انتا المفروض تعودت عليه
هشام : تعبت خلود والله مو عيشة هذي .. ضابط في الشغل وضابط في البيت .. وياليت يدري عن شي
امي المسكينه شايلتنا من وحنا صغار .. وهو شاطر بس بالفلوس
خالد : ميخالف انتا معصب الحين .. انا بمرك نروح التدريب منها تنسى وتغير جو
هشام : خلاص مثل ماتبي .. تامرني على شي
خالد : لاياقلبي بس ابي بوستي خ
هشام : ههه ويع الله ياخذ بليسك لوعت جبدي
خالد : يله زين سمعنا هالضحكه .. يلله فمان الله
هشام : لاتتأخر .. فمان الله
في غرفة نور
نور : ياربي .. اقوله ولا لا .. امبي فشلة .. وانا شنو هاللقافه ليش ارد على تلفونه
اووف خلص بروح اقوله احسن
طق طق طق
هشام : اوو طقه ذربه مااعتقد في احد ذرب في هالبيت يطق هالطقة اكييد امي ولا ابوي .. منو ..!!
نور : نور
هشام : شنو هالادب اللي نازل عليج من السما .. العادة تفتحين الباب على مصراعيه .. دشي ههه يحليلج وانتي ذربه .. اقول يازين السرج على .... وانتي بكرامه ههه
نور : شدعوه هشوم انا طول عمري ذربة طالعه على اخوي حبيبي
هشام : نوروه .. قولي شتبين ... !! .. سلف ماعندي
نور : احم احم .. لامابي سلف .. بس بغيت اقولك اني ... رديت على تلفونك يوم كنت عند ابوي لاني قريت المتصل حبيبة قلبي وعبالي بنت ..ويوم رديت .. طلع خلود ولد عمي ..اسفه والله مادريت
هشام مسك اذن نور : يالملقوفه ثاني مرة لاتردين اشوه انه طلع خلود مو واحد من ربعي
نور وهي تتوجع وتحاول توخر ايده : آآآآي هشووم عورتني .. زين زني والله مااعيدها
هشام : زين يله طلعي انا بروح الحين ..
نور : لحظة لحظة .. ماقلتلي شنو كان يبي منك ابوي
هشام : سكتي لاتذريني بروحي ابي انسى
نور : قول زين شنو صار ؟
تدش فرح عليهم فجأة
فرح : اجتماعات واسرار من وراي .. هشوم وين رايح ها .. الله يخليك طلعنا
العالم الحين عطله واحنا محبوسين بالبيت
هشام : انتي بالذات لا تتحجين من يومين رايحه السوق
فرح : وانتا قلتها .. قبل يومين .. الله يخليك .. نور قوليله
نور : أي والله هشوم بلييز .. انتا فاضي بعد التدريب
هشام : يما منكم انتوا ماتملون من السوق ..!! صج حريم
خلاص اذا رديت مبجر وديتكم
نور وفرح بوناسه : هيا
أترككم مع القصه

التعليقات (9)

*سلطانة الحب*

13-12-2022 - 04:04 am

هلا حبيبتي والله قصة روعة
يسلمو قلبي
وفي انتظارالبقية.

بنت الفخر سعوديه

13-12-2022 - 05:05 am

ان شاء الله راح اقرها عشانك شكل القصه جنان ,, وبرد عليك ياغاليه <<السميراء>>
بنت الفخ سعوديه ر

رفـة فـراشـة

13-12-2022 - 06:06 am

بداية جداً رائعة بس رجاءً
كميلها
أختك
رفة فراشة

بشاير0

13-12-2022 - 07:07 am

كمليها بليز ...
اموت على القصص السعوديه والكويتيه ... فما بالك وهم سوى .....
ثانكس ..
ننتظر المزيد ...

السميراء

13-12-2022 - 08:08 am

أختي سلطانه أشكرك على المرور العطر والله يسلمك إن شاءالله
بنت الفخر والله القصه جنان وأجزائها روعه تسلمين على المرور العطر
رفة فراشه أشكرك من أعماق قلبي على مرورك الحلو وإن شاء الله راح أنزل كل يومين أو ثلاثه جزء
بشاير الحال من بعضه ترى أحب القصص السعوديه والكويتيه ... .....أسعدني مرور
وخذو هديه متواضع مني لكم :rose13:

بنت الفخر سعوديه

13-12-2022 - 09:09 am

ي و وه القصه جنان
تسلمين على هاذوق حبيبتي ,,
ماعليك امر اذا نزلتي البارت حاولي تكون طويله,,
أرجو منك لاتتاخرين,, يعطيك الف عافي ه

لولو أم يويو

13-12-2022 - 10:10 am

تسلمين حبيبتى قصه روعة
أموت بالمكس سعودى كويتى
بانتظار البقية بس خلى الجزء أطول المره الياية
ومشكوره
اختكم فى الله
لولو

&ملكه الجمال&

13-12-2022 - 11:11 am

ههه يالله بسرعه كمليها...
تحياتي...

السميراء

13-12-2022 - 12:12 pm

بنت الفخر تسلمين حبيبتي على الطله الحلوه
لولو أم يويو الشكر لله ثم لك على المرور
ملكه أسعدني مرورك
أخليكم مع الأجزيئين يله على التفاعل
الجزء الثاني
الرياض .. وتحديدا في مجلس محمد بو عبدالله .. جالس هو وعبدالله وفراس بعد الغدا
بوعبدالله : فراس حط الاخبار يابوك .. خلنا نشوف وش صاير في هالدنيا
عبدالله يبي يمزح مع ابوه : يبا خلنا نطالع هالشقر والحمر .. يازينها هالبنت ااه ياقلبي ..
بوعبدالله : وليش ماتتزوج وتفكنا بدال ماتشوف هالشقرة والحمرة .. ياوليدي الين متى بتم عزوبي من غير عايلة ولابيت ولا عيال ولا مرة تحط بالها عليك
عبدالله : انا وش اللي خلاني افتح هالموضوع .. يايبا .. خلص انتا عارف رايي بالزواج الله يخليك لاتفتحه معي مرة ثانيه
بوعبدالله : انتا كل مرة جذي .. كل مافتحت هالموضوع معك رديت علي برد مثل وجههك .. احترم شيبتي وانا ابوك .. ترى مابقى بالعمر كثر مامضى .. وهذي امك توفت وهي زعلانه عليك .. كان ودها تشوف عيالك .. يعني تبيني اموت بعد وانا للحين ماتطمنت عليك
عبدالله : بعد عمر طويل يايبا لا تقول جذي .. الله يعطيك الصحه والعافيه . . بس الله يخليكم خلوني بحالي
فراس : عبدالله والله اللي يقوله ابوي صح .. انتا الحين بالثلاثين .. اذا الحين ماتبي تتزوج عيل متى ..!!
عبدالله : اوه يافراس .. ابيك عون تصيرلي فرعون .. كافي علي ابوي حرام عليكم
طلع عبدالله من المجلس وهو معصب ونفس الوقت تعبان والحزن مالي قلبه .. يايبا انتا ماتدري بالحال ..
امي ... اه ياامي .. وينج يالغاليه . وحشني حظنج .. زعلج علي خلاني اكره شي اسمه زواج .. صرت عايش بشتات يايما .. ودي افرح ابوي ودي اريحه .. بس امااقدر .. مااقدر
قعد يحوس بالسيارة وهوا موعارف وين بيروح .. وده لو يرتاح .. وده لويخفف هالحزن اللي بقبه بس عند مين ..!!
شوي ورن تلفون عبدالله
عبدالله وهوا يشوف المتصل .. اوو هذي شتبي
عبدالله : الو
هديل : الو هلا حبيبي
عبدالله : هلا حبيبتي
هديل : انتا وينك .. 10 مرات ادق عليك ولا ترد
عبدالله : مشغول ياقلبي بعدين اكلمج
هديل : الوو الوو عبدالله .. لحظة لاتسكر
عبدالله : هديل ترى مالي خلقج يله باي
سكر تلفونه واتجه للكورنيش .. وتم يشوف البحرويرمي همومه اللي محد يدري عنها غير رب العالمين
عبدالله من النوع اللي علاقاته كثيرة .. لكن ماعمره فكر انه يتزوج او يستقر لاسباب راح نعرفها بعدين
بالكويت .. وتحديدا بسيارة خالد
هشام : اما اليوم التدريب كان متعب حييل والله مافيني حيل اتحرك
خالد : أي والله وانتا صاج .. شنسوي مابقى على المباراة الا اسابيع
يرن تلفون هشام المتصل كانت نور
هشام : او هذي نور وفروح .. يبوني اوديهم السوق اليوم ماني راد عليها والله مالي خلق
خالد من سمع اسم نور وقلبه قام يدق ..
خالد : حرام عليك رد عليها .. يمكن تبيك بشي مهم ..
هشام : انتا ماتعرفهم هذول حريم .. ان اقعدوا بالسوق ماراح يطلعون ..
خالد يسوي روحه مو مهتم : زين قولها انك ماتبي توديها يمكن قاعدين ينطرونك
هشام : من صجك انتا لا يبا بتسويلي تحقيق وتقعد تبجبج
خالد يقول بقلبه .. ياليت اقدر اوديها انا .. جان ماخليت مكان بخاطرها الا وديتها
هشام : هي انتا انا اكلم منو .. !!
خالد : هاا .. شنو ايي . شنو قلت .. معاك انا .!.!
هشام : اوو الحبيب سرحان منو ؟
خالد : محد والله ..
هشام : زين هاا ظبطلنا طلعه باجر نبي نغير جو
خالد اللي حس بقهر على نور وفرح .. حرام ليش هشوم مايفكر فيهم .. اهما اكيد طول الوقت محبوسين .. وهشوم طول الوقت معاي
خالد : هشام .. دامك اليوم ماتبي تطلع خواتك طلعهم باجر
هشام باستغراب : وانتا وايد هامينك يعني ؟ ليش شايل همهم ؟
خالد بارتباك ..: هاا انا لا ولا شي .. بس تذكرت حال ريوم اختي .. بعد اهيا ضايق خلقها وتبي تطلع قلت انا بعد بطلعها
هشام : صج والله .. خلص انحلت .. يروحون يميع واحنا نطلع
خالد اللي حس بوهقه صج .. لانه ريم ماقالتله انها تبي : هاا لا يمكن خواتك يبون يكونون بروحهم خل ريمو القرقة بتصدع راسهم ماتعرفها انتا
هشام : حرام عليك والله بنات عم ولا يتشاوفون الا بالمناسبات .. خلنا نقربهم من بعض
خالد : والله انتا عارف شلون ريم تحبكم وتعزكم بس خواتها الله يهداهم من سالفة راشد واهما للحين شايلين بخاطرهم
هشام : من صجك خلود .. السالفه مرت عليها سنين الحين ..وبنت خالتك تزوجت .. وبعدين كلشي قسمه ونصيب
خالد : والله انا عارف .. وادري زين انه راشد ماكان يفكر يتزوج الا اختياره اهوا .. ويوم خواتي اخطبوله وفكروا بسلوى بنت خالتي لانها يتيمه وابوي شجعه الفكرة ومافكروا ان الاختيار مو لهم .. لراشد
هشام : ومن عقبها خفت يياتهم وروحاتهم وماصاروا يتشاوفون الا بالمناسبات وخالد فضل الدراسة ببريطانيا عاشان يبتعد عن المشاكل وعوار الراس
خالد : خلص انا بكلم ريم باجر وانتا شوف نور وفرح وبينا اتصال ان شالله
هشام اللي ذبحته نورمن الاتصالات وقرر اخيرا يرد عليها
هشام : الو
نور : هشوم انتا وينك .. كل هذا تدريب يلله راح نتأخر بعدين ترى احنا من المغرب لابسين ننطرك
خالد قاط اذنه يحاول يسمع أي كلمة تقولها نور تشفي علة هالقلب
هشام : هلا والله بالطش والرش .. والله نور اسف ماقدر اوديكم اليوم حدي تعبان ومالي خلق
نور : زين خلص كيفك
هشام : انزين لاتزعلون قولي حق فروحه انكم بتروحون باجر السوق مع ريم بنت عمج
نور باستغراب : منو ..!!!
هشام : ريم .. ريم .. شفيج
نور : لا ولا شي .. خلص لما تيي البيت نشوف
هشام : اوكي يله باي
نور : باي
خالد اللي حس بضيق هشام : شفيك انتا بعد ؟
هشام : حرام اكسروا خاطري تدري فروح تحب المطاعم مر على مكدونالدز خل نيبلهم شي
خالد بتردد .. بس مايدري شلون طلع منه هالسؤال .. : وونور ؟
هشام : ماتحب ماكدونالدز .. خلص لما ارد البيت اطلبلها
خالد بلاشعور : شنو تحب .. خلنا نمر مرة وحده
هشام مستغرب من خالد حيل : انتا شسالفتك ماتقولي
خالد بوهقة : انا ولا شي .. بس كاسرين خاطري
هشام اللي يعرف ولد عمه عدل : انزين مر برجر كنج .. خل نطلب لها شي
خالد بفرح يحاول يخفيه : اوكي
يهمني رايكم حبايبي .. منتظرة ردودكم

موقف شرف لا احد يحسد عليه فضيحه←
بشروه اني ابرحل قصه ابكت الكثير→