هاجس البنات وخاوفهم من غشاء البكاره

السلام عليكم
قبل مااتكلم بالموضوع راح اقولكم شي واتمنى تكون ردود الفعل منطقيه ومانشوفها من زاويه وحده
اقسم بالله العظيم ان الهدف من هالموضوع ان البنت تستقر من مخاوفها والقلق اللي انتشرت بالفتره
الاخيره بكثره عن غشاء البكاره
المواضيع كثرت حول المخاوف والقلق وقصص البنات اللي تخص غشاء البكاره لذلك حبيت افتح
هالتجمع ونفيد بعضنا بالمعلومات والله من وراء القصد وانا ان شاء الله نيتي ان كل البنات يرتاحون
من هالوساوس واكثر شي يضايقني لما تكون البنت على وجة زواج وتقول ترددت بسبب غشاء البكاره
لذلك اتمنى من جميع المشرفات التقدير وعدم حذف الموضوع والبنات باذن الله بيلتزمون الادب في الحوار
وعدم التجريح في اي رد ونستخدم العقلانيه والمنطق في الحوار ..
اولا وقبل كل شي انا مو بس فتحت هالموضوع عشان البنات حتى انا عن نفسي ماعرف شي
ودايم متردده وخايفه من هالموضوع
احيانا اقول انا بنت واحيان اقول لالالا انا مو بنت<< من كثر الموضوع مو معقدني
طيب والحل ؟؟!! >> مابي اسمع كلمة روحي لدكتوره وتكشف انا معكم صح
اريح من وجع الراس لكن مستحيل هالشي يكون بالواقع يعنياستبعدي هالفكره
وفي ناس يقولون ان البنت اذا صغيره ممكن ان الغشاء يلتئم وخلاص اوكي شي حلو
طيب اذا كبيره وماتدري عن نفسها
يعني اسمحوا لي لو كنت جريئه بس ابي اعرف البنت كيف تنفتح والله طيب يالمتزوجات علمونا
اكيد في بعض الخصوصيات تكون واضحه اشرحوا لنا عشان مانصير على وجهنا كذا
والله احيانا اجلس اناظر ..... في المرايا واقول لا مو كذا البنت تكون مفتوحه وارجع بعدين
يلعب بعقلي الشيطان ويوسوس لدرجة اني اقول لا هذي مو وساويس اكيد صدق مفتوحه << بعيد الشر
والله صرت يابنات ماعرف ولا اميز ياليت ياليت كل البنات وبالاخص المتزوجات يساعدونا ويفهمونا ويعلمونا وينورونا
قسم بالله صرت اخاف من الزواج والسبه هالغشاء واي افاده على كلامي تسعدني حبايبي والمشاركه للجميع اتمنى التفاعل مع هالمشكله بمصداقيه ..
وفي الاخير ابيكم تدعون لي بتيسير الزواج وان الله يسترني فوق الارض وتحت الارض ويوم العرض ويستر عوراي ويامن روعاتي انا وبنات المسلمين اجمعين امين