هام لكاتبات الروايات

السلاام عليكم ورحمة الله وبركاته
حبيبتي موضوعك مره روعه
وانا مو كاتبه لكني قاعده اكتب روايه
انا بعطيك هالكم نصيحه :
1/ اختاري موضوع له دخل بأحداث القصه اللي ببالك ، يعني خيانه ، غدر ، حب ، إجرام
على راحتك
2/ يفضل العنوان يكون بيت شعر يجذب ، وفي أحداث الروايه تكتبينه يعني يدخل بالروايه يعني البطل او البطله يقولونه
3/ أبدي روايتك بش مجهول يجذب القارء عشان يكمل قرايه
مثال :
قام من النوم مهموم ويتذكر اللي صار له أمس
مثال :
رما زجارته بحقد وهو يتخيلها ( فلانه ) اللي انغصب عليها
مثال :
شغلت التلفزيون وعلت الصوت ع أغنية إليسا وبدت تتمايل وترقص ، بكره احلى يوم لها
يعني أي شي مجهول زي اللي قبل بس الأهم لاتبدينها بحوار على طول لأن هالشي ينفر القارئ ويتخيل الروايه كلها سوالف ومافيها أحداث
في المثال الأول القارئ بينجذ للروايه لأنه يبي يعرف وش صار أمس
المثال الثاني القارئ بيتحمس ويشوف من اللي انغصب عليها وبيعيش معها ولا لأ
المثال الثالث بيفكر القارئ بيوم بكرا وليه هو احلى يوم
4 / اهتمي بالحوار بين الشخصيات وخلي فكرة الروايه غريبه شوي لأن الروايات كثرت وسارت مكرره وممله
5/ الروايه لاتسير كلها حب × حب ، يعني احكي بروايتك عن شي ثاني عن المأسي والحوادث والعادات الغبيه بالمجتمع
6/ حبيبتي تذكري أنك تأثرين على ناس ففكري بكل كلمه قبل لاتكتبينها
وبس
اتمنى لك التوفيق
وأن شاء الله نصايحي فادتك
إلى الأمام غناتي
// تحياتي لك ياكاتبتنا //

بسم الله الرحمن الرحيم السلام عليكم ورحمة الله وبركاته اخيتي بارك الله فيك اهم شي وانتي تكتبن الروايه تذكري ان الله عزوجل مطلع عليك فلا تكتبي شيئا لا يرضي الله سبحانه وتعالى ثم اجعلي قدوتك الكتاب والكاتبات الذين نحسبهم من الصالحين والله حسيبهم ولا نزكي على الله احدا من عباده والله يوفقنا واياك والمسلمين اجمعين لما يحبه ويرضاه والله يسعدنا واياك في الدنيا والاخره ويحقق امانينا واياك ويلبى قلب بريده واهلها يالبريداويه ادعي ربي و ربك يقربنا لها عاجلا غير اجل من غير شر ياربي البعد اتعبنا

مشكورة اختي هواجيس والله يجزاك الف الف خير الله يسعدك
مرة استفدت من كلامك حبيبتي مشكورة
اختي عنون ياحياتي ابشري ان شاءالله الرواية تكون مرضيه لله اولاً
والله يقربك لبريدة عاجلاً غير اجلاً يارب وتسلمين ع الدعوات ولك بلمثل قلبو
مشكورين
~

العفو خردوله
وامانه بشريني إذا نزلتي روايتك ^_^