هدية عيد الأضحى

حلوه فكره انك تهديه ياقمر
والله يتمم عليك يارب
حلوه ساعه وعطر وحطي معاها ميداليه <<< تبي تخسرك زياده
وللون الاسود والاحمر روعه انا مره غلفت وحطيت العطر والساعه جوه علبه مو كرتون لا جايه شفافه
زي السلك كلها احمر على شكل قلب وحطيت ورد مجفف فيها
وحطيت الكرت احمر فيها سويت كذا لزوجي
ومره روعه
وجيبي كرت احمر واكتبي كم كلمه من راسي حسسيه انه تحبيه

بعطيك أفكار اضافيه وان شاء الله يعجبك منها شي
عندك فواحات للسياره تحصلينها في بودي شوب مره حلوه أو محفظه جلد
وعندي فكرتين للكرت : في براويز في هوم سنتر أشكالها حلوه يكون فيها كرستال أو أحجار ملونه
أكتبي عباراتك عليها أو أبيات شعر بالكمبيوتر وتحت اكتبي اسمك - والحركه الثانيه خذي صورة خطيبك
واطبيعها على الكمبيوتر بس تكون كبيره شوي اكتبي بيتين شعر عليها وعلقيها بشريطه أو لصقيها
على الهديه بس هذي الحركه تطلع مره روعه . وبس
أتمنى أفدتك وبالتوفيق لكم يارب

مجننها السعودي
تسلمي يا عسسل ربي يسعدك ويوفقك ويتمم لك أمورك على خير وسعادة
تيب ممكن تقولي لي من فين جبتي العلبة اللي زي السلك ؟
فيه محل للهدايا في حراء ممكن ألاقيها فيه ؟

فيض الأمل
تسلمي والله على أفكارك الخطيره
حلوه حركة البرواز يبي لي أروح ل هوم سنتر بأقرب فرصه
الله يوفقك ويسعدك ويسهل لك جميع أمورك ..

ياعسولة انا هديت مليكي اول هدية بمناسبة ثالث شهر يمر على الملكة ,جبت ساعة من اسبريت فخمة , وعطر فيروز من الرصاصي , وعطر من مكياجي , عشان يحب عطور النسائية , ودبدوب صغير , وشمعة كبيرة مكتوب فيها حرفة وحرفي و احبك , ورحت اشتريت صناديق مرة حلوة ذهبي واسود بالقطيفة , وحطيت جوة العلبة الصغيرة الساعة والدبدوب وزينتها بالورد والورق المقصص , والعلبة الثانية الساعة والعطور والشمعة وزينتها بالورد والقصاصة و وحطيتها فوق بعض وغلفتها بالتل الذهبي وحطيت الورد والفصوص الملونة والشرايط مرة كانت حلوة.
وطار فيها بذات الساعة اكثر شي

حبيبة حمودي فروحة
تسلمي والله على أفكارك
ربي يسعدك ويوفقك ويتمم لك جميع أمورك على خير

يا عمري حتى لو كانت الهدية بسيطة ترى مرة يفرح بيها , زي في رمضان اشتريتلة فانوس رمضان مرة حلو شكلة بس موحق الاطفال حلو زي التحفة وسطة شمعه مصنوع من الحديد وكتبت فية تهنئ رمضان وفي العيد احترت مافي شي في بالي انتهى رمضان وانا افكر , اشتريت كبك حق الثوب برونزي مرة حلو , وبجامة اش على بجامة جنان للعرسان يعنى ماينفع يلبسها الحين , حرير ,5 قطع لونها على البيج , وطقم كامل من بودي شوب الي لونة سماوي ومرسوم علية وردة بيضا نسيت اسمة وحطيت البجامة في صندوق احمر وقلفت غلبة الكبك بالورق الهدايا عند محلات الهدايا وحطيتة بالصندوق وحطيت فوقها طقم البودي شوب لانة مايحتاج تغليف وربط الاثنين بالشريطة وحطيتها بكيس فخم من محلات الهدايا وبس ياروحي ترى مرة فلست , بس يستاهل الغالي وشكرا

والله ياقمر انا اشتريتها من زمان من محل هدايا في الصواري لاند مارك
بس اكيد تلقي زيها في محلات الهدايا
لانه اظن قفل المحل اللي هناك
واذا مالقيتي نفس الشكل خذي علبه عاديه لونها احمر وحطي فيها اغراضك
بس لا تاخذي شي كبير خذي شي على قد اغراضك ياقمر

حبيبة حمودي فروحة
تسلمي يا عسل ربي يوفقك ويسهل لك جميع أمورك
أفكارك مره روعه وباقي الباقي كمان ما قصرتوا