هذآ رآيي أنتي وش رآيتس

السلام عليكم ورحمة الله يابناتنا الحلوين
كح كح وش اسموه
صرآحةً عندي مويضيع بسيط وحبيت أعلّق عليه هنا وأكتب وجهة نظري وأتمنى تتقبلونه بوساعة صدر وهذا العشم بكن يالزينات
الصرآآآحة أنا مستنكرة فكرة تحديد وقت الزواج ووقت الملكة ووقت الخطوبة و.. و.. و.. وهو مابعد صار شي من الأساس !!
صح أنا معكن إن التفاؤل زين وكان الرسول اللهم صلّ وسلم عليه يحب الفأل , لكن بالطريقة هذي ماأدري أحس إنه غريبة شوي وماكد مرّت علينا أبد !! وأعتقد إن الصحابة والتابعين ومابعدهم إلى يومنا هذا ماورد إنهم يسوون هالشي سواءً كان بزواج أو غيره ..

• * طيب لو افترضنا إنه ماتم هاللي أنتي متمنيّه ولاخطبتس أحد ولا جَدّ أي شي .. يبي يضيق صدرتس وتحزنين وتحسين إن ربي خيب ظنتس !! وهذا شي خطأ لأن ربي عليم وخبير سبحانه وله حكمة في كل شي .. يعني لو تأخر الزواج للسنة الجاية أو اللي بعده كله شي بإرادة الله وفيه الخير لنا ..

خلوا التفاؤل عام ولاتحددون بشهر معين .. أحسّه يكون أهون ..
ودائما ادعوا ربي يكتب لكم الخير بدون تحديد زي كذا ..
ترى هذي وجهة نظر لا أكثر ولاأقل .. وأنا تراي طويلبة علم بسيطه يعني مارجعت لمرجع من كلامي هذا ولا بحثت بشي .. بس ماأدري حسيت إني استنكرت هالطريقة وحبيت أبيّن لكم وجهة نظري ..
وإن شاء الله ماأكون زعّلت أحد منكن
وأي وحده تحس نفسه رايقه تكتب لنا وجهة نظره بهالموضوع ..
الله يوفقكن ويزوجكن الرجال الصالحين اللي يطيرون بكن فوق السماء وتعجزن توقعن
< من أشد المتابعين لقسمكن ودائما تدعي لكن
في أمان الله