هذاا الي صآآر في يوم زوآجي

السلام عليكم
بدوون مقدمات راح ابدي بالي صاار في ليلة زواجي في القاعة بالتحديد
كنت مسوية اهداء اغنية لزوجي من قبل فترة من زواجنا كمفاجأة له وكانت الاغنية "غرام المحبين" لان لها ذكرى خاصة بينا وكان في بالي اني ارقص وياه عليها >>> اوم الرومانسية
واتفقت ويا بنات خالتي يروحون للديجي في الوقت الي احسه مناسب لي ويخبرونه يشغلها
ويوم جا الوقت المناسب خبرتهم ينادون زوجي يدخل لان الاهل خلوه يطلع عشان ياخذون راحتهم في الرقص
وقعدت احارس يدخل واحاارس ومادخل ومن اسال احد عنه قالي ماندري وين راح !!
وراحوا اخوانه الصغار بره القاعة وبالغصب حصلوه >>> طلع رايح القهوه الي صوب القاعة من الملل الي صاده
وبعد مادخل ووصل للكوشة اشتغل الاهداء وطالعته برومانسية وحضنته عشان نرقص
في البداية رفض وعقب اقنعته بالزوور قلت له عشان خاطرري >>>
واحنا نرقص قعد يتحلطم وين اغاني راشد الماجد وين اغاني حسين الجسمي وانا اقوله حبيبي اسمع الاغنية اسكت واسمعها >>> عسى بس يحس اني حاطة الاغنية الي لها ذكرى بينا
واهو مو حاس طبعآ ويعيد ويكرر ليش ماحطيتو اغاني راشد والجسمي امي تبي هالاغاني >>> احلف بس !!! ولايكون انا الديجي وانا مادري
قلت له ماعليه حبيبي انت بس اسمع الاغنية لا قال أي أي اسمعها بس ليش ماحطيتو هالاغاني
ومن صدمتي لكلامه زادت علي الصدمة من شفت امي مدخلة ابوي القاعة والاغنية متغيرة لزفة حق الوالد
عاد هالحزة ياتني الصيحة والدموع في عيني بس ابتسمت بالغصب عشان اصور ويا الوالد والوالدة
وعقب ماخلصنا تصوير وياهم طلع الوالد وقالت لنا المصورة يلا بنصوركم صوب الكيكة
انا كنت كلش مالي مزاج بعد اصور وابتسم وياه لان مخططاتي ماصارت ماتوقعت اصلا يصير جذي
وانا أأكله الكيكة اطالعه بزعل ومبووزة على الآآخر حتى اهو يسالني شفيج؟ وانا مو عاطتنه ويه
عقب ماصورنا انحط الاهدااء مرة ثاانية وانا استغربت !!
طالعت بنات خالتي واختي قاموا يبتسمون لي واختي تقول اضحكي عاد
واهو مسكني من يدي ووداني وسط الكوشة وقعد يرقص وياي والمصورة حطت علينا الطرحة الطويلة فوق راسنا وصورتنا <<< صج لقطة روماانسية حددها
وعقب ماخلصنا رقص باسني في جبهتي وقالي احبج
وهذاا الي صار