هذا التشجيع ولا بلاش

سلملم حبايبي
كيفكم مع الرجيم ان شالله ماشين
انا قاعده اسوي رجيم من الاسبوع اللي راح وبقولكم الطريقه سهههله جدا"
بديت انا واخوات زوجي من الاربعاء اللي راح والمشرف حقنا زوجي
ياخذ كل وحده بالدور ويقيس وزنها وياخذ طولها المهم لازم مايجي الاربعاء اللي بعده الا وهي ناقصه
وفيها جوائز بعد وحركتات المهم جاء الاربعاء وكأننا داخلين اختبار وينادي كل وحده ويشوف كم نقصت طبعا"
ماإلتزمنا برجيم معين أكلنا بس سلطات وفواكه وتونه وتوست بر وجبنه منزوعة الدسم
واشياء قليلة الدسم يعني مخربط المهم انا عني نقصت نص كيلو ووحده من اخوات زوجي مثلي والثانيه نقصة كيلو
وكانت جائزتها 50 ريال حلوه وتشجيع بنفس الوقت
ويالله على هالحال كل ماتنقص وحده كيلو يعطيها 50 واللي نص كيلو مالها شي بس اللي تزيد
على وزنها تحرم من السباق اسبوعين والحين بيتي صار اسمه الرابح الاكبر لان كل اربعاء الجمعه عندي
ويبدأ الاختبار وان شالله راح استمر على رجيمي الى رمضان واللي مشجعني زوجي لانه يقول اذا
كنت كل اسبوع انقص نص كيلو يعني في الشهر 2 كيلو وحسبة ماراح يجي رمضان الا وانا نقصت 10 كيلو
وربي متحمسه مره وعقبال كل وحده تبي تنحف والله اني تعودت على اكل الخفيف وطابت نفسي عن الحلى والخرابيط
هذا رجيمنا وابغى رايكم بموضوعي واتمنى اشوف الحماس من عندكم والله يتمم اللي فيه خير