هع موقف قروي مع زوجي تحول إلى فطور راقي

بسم الله الرحمان الرحيم
السلام عليكم ورحمة الله وبركاته
ههه<<< لاتلوموني بصراحه
والله الموقف من جد قروي
بس هاه لاتقلن بإني قرويه والله كبوة حصان
المهم خلينا نبدأ بالسالفه
هذا الله يسلمكن رحت مع زوجي نشتري طقم أواني للمطبخ
بما إني توي عروس
لازم أسوي فيها سنعه غصب هع هع هع
<<< مع العلم إني أساسا ماأعرف شي بالمطبخ
أحيانا وأنا بنت أطقطق مع أمي الله يحفظها وفي رمضان بس هههاع<<<كثر الله خيرك
المهم مالكن بالطويله << تكفين يعني ماطولتي
رحت مع اللزيم للسوق
وهو ماشاء الله عليه عنده خبره بالأواني والإتكيت فيها وتشده هالأشياء
يعني أنا البنت وماتشدني أغراض المطبخ
اللحين يجيكن العيد
وجونه
جابت عيد الفطر وعيد الأضحى حق سنتين قدام هع هع هع
أخذ لزيم الروح صحن كذا يشبه طابق البيض<<< أبوك يالتشبيه قايله لكن قرويه خ
المهم
وقال لي ياروحي خذي هذا
و ترن ترن ترن
0<<< تشويق
قلت له وبكل قراوه
ليه يالزيم وش نبي فيه
الثلاجه فيها مكان للبيض بس زيادة عدد <<< أبوك يالسناعه تسمع فيها ولا شافتها
بلالالالالالالالالالالالالالالالالالالاهه
ههه
تخيلن ترى توي عروس والله فشيله
المهم وهو طالعني يابنات بنص عين
وأخذ الصحن وقربني منه كأنه بيعلمني درس واي فشيله
حسيت خاطره يمسك إذني علشان أستوعب مضبوط
قال لي هذا وهو يأشر على الصحن
وأنا ماغير أهز راسي <<< يعني إيه إيه وبعدين ههه
والله وجهي وسيع
قال هذا يحطون فيه البيض المسلوق علشان يعطي شكل حلو وراقي على السفره
طربم
طاح وجهههي وطحت من فوق عماره
وش أقول وش أسوي
المهم طبعا مالي وجه وغيرت السالفه وقلت إيه إيه خذه وأنحاش نحشة نوحيشه
مثل اللي يحبها قلبكن وش أسوي أحاول أداري فشيلتي كعروس قرويه خ
وليومكن هذا ماحطيت به بيض مسلوق قلت خله ينسى شوي<<<ماضنتي هع هع
وقعد حبيس الخزانه لمدة 5 أشهر تقريبا <<<هذا إذا مهوب أكثر
واليوم طلعته وسويت لزوجي فطور ملكي على كيف كيفك
ولكن ماحطيت الإبريق اللي مع الطقم لأنه الجو بارد تعرفن شتاء
وزوجي لازم يكون الفطور جاهز قبل ما يصحى على الأقل 10 د
فسويت براد مويه حاره
وحطيت بالإبريق الصغير الحليب
أترككن مع الفطور الملكي
خ
وعلى فكره الله عوضني خير
قال زوجي يجنن الفطور ياعمري كأنه فطور فنادق <<<يمكن ذكر سالفة السوق ويرقعها عشاني هع هع
الفطور