هل تعانين من شتم وسب زوجج لج اثناء الشجار

أنا أول مااتزوجت كان زوجي يصرخ علي وأوقات كان يغلط وبصراحة أول مايغلط على طول على بيت أهلي حتى لو قالي انت قليلة أدب ماكنت أرضى لاني حاطة اتفاق معاه مافي شي اسمه غلط أبدا
ومرة دف راسي مو ضرب دفها فهمتي كيف يعني يهدد وبرضوا رحت لبيت أهلي وكبرت الموضوع وقلت انه ضربني وهو يقول أنا بس دفيت راسك قلت لا هذا ضرب
وبصراحة من بعدها مامد يده أبدا ولا غلط علي ممكن في مرة يحسبن علي بس لما يزيد التوتر بيننا أكثر من اللازم بس أسامح لأن في بحياتنا مفهوم اسمه اعتذار يعني اللي يغلط يعتذر
وبصراحة لازم مانصغر المواضيع لانها لو صغرت اعرفي انها بتستمر وبتزيد
الآن الحمد لله لي أربع سنين لكن مافي أي غلط من زوجي يحترمني وأحترمه الحمد لله عليه

وشكرا على الطرح المفيد وأتمنى الكل يستفيد

فعلا انا زوجي في البدايه كان يغلط اذا عصب وسكت عنه 6 مرات بعدين اخر مره رحت بيتنا والحين مايسب
الحمدالله

صحيح اللي تسكت على زوجها على بالها انه بيقدر صبرها تكون غلطانة لازم توضحين من البداية ان السب أمر مرفوض و بشكل حاسم

ام الزوج الي يسب زوجته او يمد يده عليها صراحه هاذا مايستحق انه يكون زوج
مادري وش على باله ماخذ عبده من سوق العبيد ولا شنو على العموم اذا صار في الحياه عدم احترام بين الزوجين
صراحه تصير الحياه بالحيل صعبه
وعندنا وعندكم خير ان تعرضت للموقف هاذا من زوجي وكان يبي يشوف بسكت و امشي ولا بوقفه عند حده لكن طبعا مو علي انا وقفته عند حده وعرف ان الله حق مثل ماحترمك تحترمني نقطه انتهى الكلام
وشكرا

لحياة الزوجية ..................مبنية على الإحترام المتبادل ..............وانا ف حياتي الزوجية احاول مايصدر الخطا مني بقصد الا شي خارج عن ارادتي كل بن ادم خطاء ......................لذلك اذا اخطا علي مايمر الموقف بسلام مع انه عصبي لدرجة ماتوصف لكن احاول اضبط اعصابي الى ان يهدا وبعدين نتناقش ...................واركز على الحوار بدون تجريح وبعد معان ن نناةةةةةةةةة ةةةةةةةة اثمرت الطريقة وقلت المشاحناة نوعا ما.............. تحياتي

يالله يابنات نبي تفاعل لاداعي لان تخجلو فهذا واقع نعانيه والمراه لازم تهتم بجعل الاحترام اساس حياتها الزوجيه

موضوع رائع
انا زوجي من النوع اللي لعصب بدا يغلط علي لدرجة انه يشتمني لا وبعد يلعني ويدعي علي ( لاحول ولا قوة الا بالله )
لكن انا ماارد عليه ولا بكلمه وبالعكس هو يزيد في الدعاء علي وهذا اللي جرأه علي ومازال للحين كل ماعصب لعني وانا اعتقد ان اللي جرأه علي سكوتي على الاهانه لانه لو اخذت موقف ورحت لبيت اهلي كان احترم نفسه
وإذا انتهت الهوشه وراق اسأله ليش انت كذا معي يقول: ابي استفزك ؟؟؟؟؟؟؟؟؟؟
تكفون بنات عطوني حل ؟؟؟؟؟؟؟؟؟؟؟؟؟؟؟ بما انكم فتحتوا الموضوع

ثانكس عالموضوع الرائع////////
اّاّاّاّه من الرياييل لي عصبوا ولازم احنا نتحمل بس عاد موكل مره تسلم الجره لان في غلط ماينسكت عنه,,,,,,, الصراحه انا زوجي لمن يعصب علي وشافني شاده معاه يغلط ........ بس اذا سكت عنه يحس بغلطته
الله يرزقنا الهدايه والصبر