هنا جدولي للعناية بشعري

السلام عليكم ورحمة الله وبركاته
آسفة على التأخير بس والله انشغلت
المهم جدولي اني يوم الأثنين من كل اسبوع احط على شعري هذي الخلطة وأخليها اللين الفجر
والفجر اغسله بس بمويه وبعدها احط الزيت عليه وهو غرقان
واخليها بشعري 4 ساعات وبعدها اغسله بالشامبو
واذا كان شعرك مصبوغ انصحك بشامبو هيربل والبلسم حقة مرة روعة معاها .....
الخلطة هي ::
تجيبين بصله متوسطه الحجم مقسمه الى اربع اقسام
2 فص ثوم مقسمين الي نصفين
3 ملاعق كبيره سدر مطحون
زيت خروع
زيت زيتون
كمية من الماء
الطريقه
جيبي البصل والثوم وحطيهم في الماء وانتي حددي كمية الماء اللي تناسب شعرك وخلي البصل والثوم يغلي في الماء لين يصير لون الماء اصفر
بعدها صفي الماء من الثوم والبصل
وجيبي باقي المقادير (سدر،زيت خروع،زيت زيتون) واخلطيهم في الماء واعجينهم مثل عجينه الحنه لاهي سائله ولا جامده نص ونص وبعدها خليها لين تبرد شوي
وبعدين حطيها في شعرك بالمساء وبالصبح اغسليه
طبعاً على حسب طول شعرك انا احط فنجال قهوة زيت وكأس ماء
اما خلطت الزيت ::
تجيبين علبة زجاجية فارغة وحطي فيها ربع العلبة زيت خروع
وربعها زيت الصبار وكملي العلبة بزيت الزيتون الأصلي حق الشعر
ورجيها وخليها في الثلاجة حتى وقت استخدامها
دفيها بموية دافية ورجي العلبة وحطي الكمية اللي تناسب شعرك وظفري شعرك ترى التظفيرة تطول الشعر
طبعاً اضافة على هذا اليوم ان شاء الله من الأسبوع الجاي
راح ابدأ استخدم زيت الزيتون اللي فيه ثوم وعويدي عشان الكثافة ...
وهي عبارة عن علبة زيت الوزير تخلطين عليها حبه كامله ثوم مبشور مع فنجال شاهي عويدي حب وتنقعينها لمدة يومين وتبدأين في استخدامها
طبعاً فوائد هذي الطريقة انها تخلي شعرك ناعم وكثيف وتطوله وتخلي فيه لمعه وباذن الله راح تشوفون بنفسكم
والله يوفق الجميع
طبعاً هذي الطريقة يبيلها صبر
وكل وحده على حسب فضاوتها
انا عشان زوجي كل يوم اثنين عنده طلعه عشان كذا استخدمها في هذا اليوم وانتوا براحتكم
وراح تلاحظين الفرق بأذن الله .......
ادعيلي بالتوفيق وان الله يسخر لي زوجي واولادي .....