واخيرا وجدت الحل وتخلصت من البدانة

1. بصراحة مو بس أمير الجراحين هذا ملك الجراحين


2. حبيباتي اسمعوا قصة المرأة البدينة اللي هي( أنا )

قبل ما أخبَركم عن قصتي
حابه أول شي اشكر الفراشة المتألقة (أم المهند) والفضل يعود ل الله ثم لها لأنها أرشدتني
إلى هذا الدكتور الماهر

بصراحة مو بس أمير الجراحين هذا ملك الجراحين

حبيباتي اسمعوا قصة المرأة البدينة اللي هي( أنا )

طبعا كانت شحومي كلها متجمعة أكثر شي في منطقة الأرداف التي كان حجمها مو طبيعي تخيلوا ما كان يكفيني كرسي واحد وفوق هذا كله عندي الآم في الركبتين من ثقل وزني وغير حركتي البطيئة وغير جذي اسمع الناس يتهامسون علي ( يا الله مسكينة )( والحمد لله رب العالمين ) ( والله يفكها ولا يبلانا )
طبعا سجلت في النادي الصحي سنه وسويت الحميات ومن دون فايده جاني احتكاك في الركبتين ودائما الغريق يتعلق بقشه كلما سمعت دكتور يشفط الشحوم أروح اركض له وكل واحد يعطني كلام اللي قال لي ما اقدر اشيلج أكثر من 5كيلوات والي يقول سوي رجيم أول وبعدين تعالي المهم بفضل الله وهذا المنتدى قدرت اوصل للدكتور ( المنقذ ) وزرته في العيادة وقال لي ممكن اشفط لج الدهون على مراحل ومن دون ترهل الجلد أنا طبعا بيني وبينكم في البداية ما اقتنعت بكلامه لكن سمعت المراجعين في العيادة يتكلمون عن نجاح عملياته وانه دكتور تجميلي شاطر عاد جذي أنا ارتاح قلبي ووثقت بكلامه وفعلا توكلت على الله وأجرى لي العملية على مرحلتين وطلع كلام الدكتور ميه الميه والنتيجة روعه روعه روعه ....... زالت الشحوم ومن دون ترهل الجلد وصرت أخيرا من الي يسمونهم الرشيقات
طبعا أول شي سويته جددت ملابسي ورميت كل البنطلونات الي تذكرني بشكلي سابقا ويا حلات الرشاقة والخفة والي تبي تستفسر مني عن أي شي حاضره ومن عيوني ذنَي