والله إنها ذكية بحركات بسيطه أخذت مني زوجي

السلام عليكم ورحمة الله وبركاته
على كثر ما اقرأ وعلى كثر ما اتابع واسمع مانفع فيني ...
ولافكرت باهمية هالنقطة ...
انا ما اقصر مع زوجي بشي اي شي اسمع انه يجدد في الحياة ويخلي الزوج ينبسط اسويه ..
وكنت دايما اسمع ان هناك فن لابد ان تجيده الزوجه مع زوجها ..
الا وهو فن الاستقبال والتوديع ...
كلما اسمع عنه اجتهد يوم يومين وأمل وانسى ..
يجي زوجي وانا نايمه او اشتغل او عند النت ما اقوم الا ما ندر ..
ويطلع وانا بمكاني ...
لكن -- هي -- قدرت تبدع بهذا المجال لدرجة انه صار يحبها لحد الجنون
لايروح فكركم بعيد انا اقصد بنتي عمرها سنة ونص ,,,
من يوم تسمع صوت المفتاح بالباب ..
تركض ركض لدرجة انها تطيح مرتين او ثلاث من الطفاقه وتوصل عنده وتحضنه وتنطط من الفرحه
واذا بغى يطلع تعالوا شوفوا المناحه -يعني لازم يتخبى وهو طالع عشان حضرتها ما تزعل
وش نتائج هالتصرف؟؟
صار اذا دخل البيت وما استقبلته يسأل عنها واذا كانت نايمه يقول صحيها ولازم يجيب لها هديه من البقاله !!
اذا زعلت منه تصارخ عليه ومع ذلك يجلس يترجى فيها << يقهرني !
<< كل وحده تراجع نفسها >>
اين انتي لحظة دخول زوجك ؟؟واين انتي لحظة خروجه؟؟
الزوج يحتاج الى كلمات الحب وكلمات الشكر والعرفان في هاتين اللحظتين
ليش؟
حتى اذا خرج تبقى هذه الصورة الجميله عالقه في ذهنه ويتمنى ان يعود للمنزل...
واذا دخل يكون مرتاح نفسيا معك طوال اليوم وماننسى الابداع والابتكار في الاستقبال والتوديع ...
لانها تنشط العلاقه وتبعد الروتين
م ن قول