والله محروق قلبي الكل يدخل ويجاوبني على سؤالي

السلام عليكم ..
أتمنى ماأحد يدخل ويتفرج على ظيقة خلقي ويطلع حتى بدون كلمة يواسيني فيها
ولا حتى يحط الملامة علي ويول عادي قبل مايحط نفسة بمكاني ويشوف عادي والا لا
خلاص واصلة حدي أنتم أملي بعد الله فبلاش تظيقون صدري وتزيدون من الطين بلة ..
الحكاية ومافيها لو عدنك أخوات اللهم يكافي يكرهونك كره العمى ومتفقين كلهم ضدك بصوت وااحد لاتقولون ماتفقوا عليك الا فيك بلا أبدا بلوى من الله فوق كذا ظلم واستبداد ويدورون حجج يخلونها سبب لبغظهم وحقدهم علي تصوروا الأخت رقم 3تقول للأخت رقم2أحسن اضربيها كانت قايمة علي ظرب وتكفيخ ليش لأنها قالت قومي بنتك بجلس مكانها وكانت بنتي تعبانه وسادحتها عند الدفاية وتقول أنتي وبنتك قاعدين بأحسن مكان قلتلها أول شي البنت تعبانة ثاني شيئ مايجوزتقومين أحد من مكانه حتى لوكان صغير فجت وبعدت الدفاية عن بنتي ودففت بنتي حول مابعدتها عن مكانها وجلست قامت أمي تهاوشني أنه رقم 2 ماأخطئت الاتقومين أنتي وبنتك أنتي دائما ماهمك الا نفسك قت أنا الي ماهمني الا نفسي والا الي توها جاية وطلعولي أحسن مكان طبعا أمي ظدي دائما وأبدا لوتشوف الجني الأزرق ظدي وقفت معه للمعلوميه رقم2شخصيتها أنانية /لأبعد حد تبغى كل شي حلوا لها شعارها أنا أولا وأنتم ثانيا
ماتتصورون وشقد ماهمها الانفسها حتى لما نطلع لسوق تسحب الشي الحلوا من ايدي الى درجة مره رفظت أعطيها الي بيدي وشريته أنا والله العظيم كلما جيت بألبسة يضيق خلقي وأتظايق لما ألبسة الين أمل منه وأعطيه ايها وهي طبعا تقوم تلبسه ومبسوطة بعد هذا شي تافه من حركاتها والا مره قلت بروح لطبيب الأسنان قالت أنا قايلة قبلك قلت مب مشكلة نورح مع بعض قالت لا لا أروح أنا قبل وبعدين تروحين أنتي بوقت ثاني !! تدرون وش قال أبوي ماقال عيب عليك يابنت نروح جميع ومب مشكلة لوبدأالدكتور فيك وبعدين نزف قال ايه صح أوديك ونزف بعدين !!! عرفتوا ليش خواتي متصيطرات علي مشجعينهم أمي وأبوي على قلة الأدب معي ومعطينهم المجال لظلمي لا وبعد يدافعون عنهم !! وأقولكم شي من سوايا رقم 2 معي مره رمت منديل مستعمل علي وقالت أنتي زبالة كان بيدي فنجال قهوة صح كان المفروض أجدع عليها منيلها وبس بس ماتحملت حقارتها فكبيت القهوة عليها تحسبون الأهل قالوا أنتي البادية يارقم2والبادي أظلم والمفروض مارميتي المناديل الوسخة على أختك لاجاء أبوي يرعد ويزبد خليني أقول أبوهم وأمهم أحسن لأن أبوي دائما ظدي هو وأمي ولا عندهم استعداد يسمعون مني على طول صراخ علي المهم جاء أبوي وظربني وقال تمدين ايدك مره ثانية على خواتك والله لاأقطع ايدك وهذاني حلفت قلت طيب وعادي يمدون ايدهم علي طبعا معمي عيونة الشر وكانه يقول أحسن أصلا معطيهم هو وأمي الضوء الأخضر يسوون الي يبون حتى انها رقم2 تفل علي يعني تبصق بوجهي ولو أردعليها مع ان أخلاقي ترفض هذا الشيئ كان ياويلي وترمي قشور الموز علي وطبعا لو أرد برضوا ياويلي طبعا أثناء ذلك قالت رقم 3أحسن يارقم 2 اضربي نزف وتتشفى قلت ليه وش دخلك بالموضوع تبغين تتظاربين معي والله للأدافع عن نفسي قالت لا أنا بطلع السكينة وذبحك !!! تخيلوا ودها تذبحني قلت للبقية رقم 1و2لاحالته ميئوس منها ودها تذبحني أكيد مب طبيعية قالت رقم 1الا طبيعية وكلنا نبي نذبحك رقم 3هذي شخصيتها حقودة لكن ميزتها تاكل بعمرها والي حاقدة عليه مايدري عنها وتقول دائما أنا قلبي أسود وأحسبها تقولها كذا أثاريها صدق قلبها مب بس أسود فحمة أجل تدخل بموضوع مالها دخل فية بس علشان تشفي غليلها والله خايفة تنسى عمرها وطلع السكين يوم صدق وتذبح!! وأبوها وأمها عادي يالسلام على بنتتنا الشطوره أما رقم 1هذي يبغالها مجلد الي تقول عادي كلنا ودنا نذبحك فيها حقد مب طبيعي هذيك حقدها رقم 3بزاره بس ذي يمه منه حقدها أعوذ بالله بدهاء هي أساس الشر بالبيت تحشي راس أبوها علي مستخدمة طيبتي وقلة حيلتي وتحشي روس أخواتها رقم 2ورقم3وأنا ياغافليلكم الله تصك عليهم بغرفتها بالساعات وتقرقر على روسهم وتتفق معاهم ويطلعون جميع وطبعا مايقولون لي ماأدري الا هم طالعين وبنتي المسكينه تبكي بروح معهم وتقول لرقم 1وين بتروحون تقول لها مالك دخل يالملقوفة !!تخيللوا تقول لطفلة هالكلام عاد تدرون وش تحشي راس أبوها فية تقول ان نزف خلصت مني تقصد نفسها رقم1وبدت برقم2وبكرى بتتصلط على رقم3شوفوا الظلم قلت أنا مابديت بحد ولامريت على أحد ولاانتهيت عند أحد أنتم تتهاوشون معي وأنتي متى خلصتي مني وتقول للأبوها والبنات أنتي أصلاحاقدة علينا ((علشانك مطلقة ومعك بنت ومدمر مستقبلك علشان كذا ماتبيننا نتزوج حاسدتنا))تخيلوا عاد تدرون أول من شمت فيني لما طلقت هي رقم1تقول أحسن تستاهلين بالرغم انها كانت توزني عليهم سوي كذا افعلي كذا وكنت طبعا ماأرضى ولا ماكتشفت انها حاسدتني وكانت تبي دمرحياتي مع طليقي الا لما رجعت عند أهلي وقالت (أحسن تستاهلين )عرفت هنا انها كانت حاسدة وطبعا هي الأن تقولهم نزف حاسدتنا ماتبينا نتزوج كأني راده أحد لايخطبها والله العظيم اني ماكذبت انها تصنع الأخلاق مع الناس ومع ذلك يقولون الناس انها -مب مريحة- وحدة قالت فلانه رقم-1فيها حقها - تخيلوا ومع ذلك مصره اني حاسدتها على الزواج الناس مب عميان يشوفون الطيب من الردي تخيلوا أي اتصال تلفوني يكون بالكون على طول تطردني من المكان على أساس انه ناس يبي يخطبونها طيب يمكن لي والا للي تحتك الى درجة مره دق ناس قالوا عندكم بنات قالت أمهم من تبون بالظبظ قالوا مانبي أحد معين بس كذا نسأل اذا عندكم بنات ولا لا طبعا قالت أمهم أرد عليكم بعدين جت قالت لبوهم قال خلاص نبي نبدأ من الكبر طبعا أنا نزف هي الكبيره مير يطلع فوق راسي استفهامات غريبة ليش يبغاهم يبدون من الكبر الي هي أنا غاسلة ايدي من الزواج نهائي لأنهم يعرقلون أموري ويقولون نبي نسبك عند الي يخطبك وشلون يسبوني يعني يقلون لناس وجهة نظرهم الشخصية عني انت شريره وثقيلة دم وماعندك دبره ومن هالكلام الي كلة ظلم بالظلم
عاد تدرون وش صار الي من الكبر صارت رقم 1هي الي من الكبر هي الي علطول تجي بعدي طبعا ماصارشي بس الي فهمته اني أصبحت خارج بنات أ هل هذا البيت أمهم تقولي بالحرف والكلمة أكرهك أما الأبوا لمحلي كثير انه يكرهني وأصلا مايبيلها شيخ يقرى واضح كرهه لي لو مايجيه الا حنت رقم 1عليه اني فيني وفيني ولاعاد أمهم حنتها علية شي ثاني فيها وفيه من لما كنت صغيره كانت تقول سوت وسوت ويظربني كنت أشيل هم جيته من الدوام علشان الضرب طبعا أنا لما كنت صغيره هو صدق أسوي ازعاج لأمهم ولا لا بس أكيد أي طفل لابد يبدر منه لكن سبحان الله كانت أمي ماتصدقون والله وش لون كانت تغار مني لأنه كان ياماكان لماكنت صغيره كتكوته كان أبوي يدللني أحيانا فكانت مثل الطفلة تغار مني حتى انه الناس كانوا يحبوني ويوصوني كلام قولي لأمك وقولي فتغار تقول ليش مايقولون لي أنا أنا والله لو أحد يوصيلي بنتي لأفرح لأنه الي يحب بنتي يحبني بس الحمدلله والشكر كان عقلها صغير بصراحة ماودي كذا بس هي الي جابت لنفسها الكلام حتى انه الناس ماكانوا يحبون اختي رقم1لأنها لسانها طويل وترد الكلمة بعشره أما أنا مايسمعلي صوت كل هذا ورث الحقد من أمي ورقم1علي وبصراحة مهمن كان هذا مب مبرر يأذوني طبعا الحين أبوهم يكرهني كره العمى ومره طالعين للبر وأنا والله مثل الغريبة بينهم قالوا حلوا طلعنا قلت ايه حلوا قالوا البنات بغينا نتكاسل قلت أنا بغيت بس أشوا طلعت قال أبوهم لو ماطلعوا البنات ماطلعت (لو الجدا أنتي ماطلعت يقصدني أنا) رحت أبكي بعيد ليش النكد صح تكرهني بس ماله لازم هالكلام يعني لو مافيه الا أنتي ماطلعت ومره قلت له مسكينه أنا الى الحين مأملة ان لي حقي من أهلي أبد قلت أبغى أصلح حاجة بغرفتي دمرانه تدرون وش قال طبعا قال لا وبعدين قال اذا صلحت للبنات صلحتلك يعني أنا تحت رحمتهم ان صلحت لهم صلحتلك هم أولا وبعدين أنتي وحمدي ربك أنتي ماتستاهلين شي ومالك حق شي!! والله صارت نفسي مكسوره حتى لوأبغى ملابس لي ول بنتي تخيلوا ما يرضى لازم رقم1تسمح واذا مرضت بنتي تقعد باللأيام على بال مايودونها للمستشفى بينما رقم3والله العظيم اليوم مرضت قبل شوي ودوها تدرون ليه المعاملة السيئة لي كلها ((بعد ماتطلقت قلبوا علي 180درجة كانوا أول معي مب ذاك الزود وبعد الطلاق الله لايوريكم حيله)) طيب أنا وش ذنبي طحت برجل غير مناسب وهو بنفسة أبوي ماسأل عنهم رجل مومهتم فيني وأهل رجل أعوذبالله قنبلة موقوته وروني النون ومايعلمون طب أنا وش ذنبي؟والى الأن مشاكل معهم يبغون ياخذون البنت مني مع اهمالهم الشديد لها مره تجيني تستفرغ ومره مكسوره ايدها ومره لاعبين فيها البزارين يلونون على ايدينا ويخربون ملابسها وحاله الله أعلم فيها (ألقاها من أهلي ولا من أهل بنتي ) ظاقت حيلتي وربي الا درجة مخليني أهلي أني مجنونة (ويهددني أبوهم يروح فيني لمستشفى المجانين شهار)بس بمجرد ماأرد على المجانين الثلاثةالأخوات 1و2و3 ومخليني اني فيني جن ومس فبمجرد ماأحاول أرد عليهم علبالهم يقرون علي ان الجن حظر فيني!!! وهم يختلفون مع بعض ويتصالحون محد قال أحد عن الثاني مجنون ولا مريض ولاممسوس فبعد ماستفزتني الحقود لرقم1قامت تقرأ علي باستهتار على بالها اني ممسوسة قلت شف اذا ماسكت بنتك لأسكتها بطريقتي لأنه مافيني الأظلمكم لي وأنتم عارفين زين قال لا خليها تقرأ عليك مع العلم ان طريقة رقيتها استفزازيه درجه أولى لعب بالقرأن قال والله تمدين ايدك عليها لألصقك بالجدار فجيت بطلع فوق قالت ايه ايه تحسنت !! طابطت من رقيتي !! شوفوا الأستقزاز وش لون فخليتها تخربط وقعدت أقرأ كتاب لها قالت لبوها شف تبغى تسرق كتابي !! شوفوا الظلم وشلون ايه أنتي الي سرقتي كتابي الي أقول انه ظايع !! تخيلوا أنه أنا سارقة منها كتاب الي ماتخاف من ربي تقول لأبوها خذ الكتاب منها بتسرقة سحب مني الكتاب وعلى باله راح ينقذها مني أنا المجرمة شوفوا مكرهها علي وهوا ماشي معها بظلمها ورفع ايده بيظربني علباله يدافع عن هذي الضبعة والي مايعرف الضبعة هي الي تأكل فريستها حيه ليست مثل باقي الحيوانات تذكية وبعدين تأكلة لا تأكله وهو حي حتى ان فك الضبعة قوي جدا يطحن العظام من قوته ويسرق فرائس غيره وكأنها من حقة حتى انها اذا جتمعتتستطيع أن تسرق من الأسد فريسته وهو يهرب الى عالي الشجر فقط حتى يكون عندكم تصور عن الضبعة وهذي هي الأخت رقم1بالظبط تخيلوا قلت لهم بعد أذيتهم لي يعني تبوني أروح مثلا- لدار الرعاية الأجتماعية مثلا-قالت رقم 1يالله وش تنتظرين قلت الي مايبغاني في البيت وهو أنتي هوالي يروح طبعا كانت جادة تقول يالله كلمي ويالله روحي جدتكرهني وماتبيتني في البيت لما قلت الي مايبغاني هو الي يروح قامت تتضيحك وتطالع فأبوها يعني شف ناظر ماتبغاني في البيت تقصدني أنا صدق تقلب الأمور ومايقدر عليها الا الله الي أكبرمنها ومن الجميع تخيلو مره قامت تقلب الكلام على وحدة من معارفنا تحسبها مثلي ابترم راسها المسكينة قالت صدق يافلانه تقصدرقم1صدق ماعرفنالك وتركتها تخربط على كيفها ...
طب اي وحده بالسم الله عليكم يجري من أهلها الي جرى علي ومن أمي وأبوي الي ماعادوا والديني وخواتي الي ماعادوا خواتي وش راح يكون موقفكم راح تحبونه ولا لا أنا عن نفسي ماأحبهم بس ماأكرههم زي ماهم يكرهوني مثل ماصرحوا الى درجت نفسهم يقتلونني ماأكرهم وأخاف عليهم واما أنا (فشي هامشي عندهم)
طيب بعد هاذا كله شوفا نصرت ربي عليهم أنا أدرس بدار تحفيظ قران فوحدة أعجبت ولله الحمد بديني وأخلاقي وعلى ماكملني الله به من جمال ةلله الحمد ولا أزكي نفسي _ولي نسيت أقوله لكم اني أجمل من خواتي جميعا وربما هذا الي محقدهم علي فوق ذالك الجميع يثني على أخلاقي_
قامت اسألتني متزوجة قلتلها لا منفصلة <تهذيب لكلمة مطلقة > انا شكيت انه بتخطب مثلا فلما شافتني مطلقة قالت عندك خوات تحسب خواتي بكونون مثلي قلتلها أيه وغصة بقلبي بعد كل الي سووه فيني يجيهم أحد من طريقي صحيح فيها نصره لي انهم بغوهم علشان أعجبوا فينب بس والله لوكانوا طيبين معي كان قات ميخالف طبعا هي تبغى تفاصيل بس أنا ماقدرت أعطيها الا بعد ما أشوف أهل الغفلة وش يبون فقلتلهم ترى في وحدة تسأل عنكم وش تبون أقول قاموا يتطنزون فيني مصدقة عمرك عاد صدقنا ان فيه أحد يبينا علشانك عزالله فشلتينا وظحكتي الناس علينا أبدا أصلا من شافك عافنا قلت خلاص أقول ماعندي خوات قالت أمهم لاتقطعين رزقهم!قلت طيب ومعاملته السيئة لي هي الي قطعت رزقهم لو هم أخلاق معي كان تحمست وبعدين معليش ماأبي أوهق الناس فيهم اذا بعاملون الناس مثل مايعملوني فشيلة بس الله والعالم ان سوء أخلاقهم حصري علي بس لكن في فوقكم رب ينتقم رحت اليوم الثاني وصارت تسألني عن خواتي وكانت ماتبي تبين انها بتخطب تسأل سؤال عنهم يعدين ترقع بشي ثاني بس أنا سايرتها وبعدين لما رجعت للبيت قلت لأهل الغفلة يالله عطون علم تبون ولا ماتبون قالت رقم1أصلا الحرمة تمغى بك!أي تمكربك وتلعب عليك !قلت لاحبيبتي ماأحد يستغفلني اا أنتي والا الناس ذوق تحسبين كل الناس مثلك جت تقطعت من الفرحة ودة بس تسوي نفسة مب هامه والفرحة شاقة وجهه والله وتزيد ثقته بنفسه وتشخص علي ايه شوفي يبغوني ومايبغونك وأنتي قدام عينه قلت أصلا تلقين عندها ولد وصغير ودورله أحد بعمره ويناسبه أنا أم ومطلقة فمايناسبني _وهذا الكلام لكم صح في حلات شباب تزوجوا مطلقات بس نادر_قلت عموما هي ركزت على الصغيره شكل الي عنده صغير انقهرت قالت أجل شي من طرفك أصلا ماأبية وهي ميته عليه بس تكابرقلت لبوهم وش أقول قال ايه عطيها معلومات تحمس علشان بناته قموا يتهاوشون معي بعد كذا كالعادة ولا يردون علي قلت شوفوا أنتم ماتعدوني أخت ولا تكلموني وتطلعون بالسياره وتخلوني أنا وبنتي أنا صدق ما عندي خوات خلاص بقول للحرمة ماعندي خوات جاء انقهر أبوهم قال ايه ايه خلاص لاتقولين وهوا مره متحسف قلت اذا احترمتون وخليت بناتك يحترموني فراح أقول بكل فخر ايه عندي خوات ..
بصراحة أنا توهقت مع هالحرمة ماأدري وش أقولها بس أحسها قوية تلمح تبي خواتي وأنا قدامها طول بعرض ولا كأني قدامها لاوبعد تقول لا تتزوجين اقعدي عند بنتك لاتستعجلين بالزواج وأنا لي ست سنين مطلقة صدق الي ايدة بالماء مب مثل الي ايده بالنار مب بس مطلقة الا ذاليني أهلي ذل..
بصراحة ماتحسونه شي يقهر والمشكلة معجبتها وتبغاهم علشاني وهذا ناصرني عليهم بس ولو مب من الذوق تقول كذا وخصوصا انها تبي تخطب ولاتبين أدري تسأل عنهم وبعدين تقلب الموضوع فكإأنها تبي تعرف معلومات بدون ماتلمح انه بتخطب تبي تعرف معلومات وان أعجبتها المواصفات والا صارت كأنها سواليف عاديه عموما أنا أفكر أقولها أذا نشبت بحلقي تسأل عنهم بقول مرتبطات نكال فيهم ولمعاملتهم السيئة لي وماأبي أدخل نفسي بمشاكل لو ماصاروا مناسبين قالوا أنتي السبب وأنا أعتقد من الذوق لوكنت أبغى أخطب من أحد ماأقول للي قدامي أبي خواتك أصلا عيب وأنا أدري وش ظروفهم ولا نفسيات بعظهم مع بعظ بل أعرف ناس يسوون الحركة هذي يبي يغيظون البنت يعني مانبيك ونبي خواتك والله وحدة أعرفها اذا شافوا أختين مع بعظ قاموا يبجلون وحدة منهم ويسفهون الثانيه يعني نبي أختك ولا نبغاك !! حتى انه وحدة أعرفها تمام المعرفة هي وأخواتها ماعندهم مشاكل بالشكل هذا ومع ذالك اذا بغت تهدي هدية لخوات تخليها زي بعظ تقول مجربة ماأبي أحد يختلف عن الثاني ..
أتمنى ماأحد يتركني بدون رد والله ظايقة فيني عطوني رايكم بأهلي ومعاملته السيئة لي وبهالحرمة الي صجتني تبي خواتي وش تسون وأنتي خواتك يسوون فيك كذا وش موقفكم تطقونه فوجيه الناس تقولون نبي أختك ومانبيك والا عندكم ذوق وبس وأتمنى ماأحد يجرح الي فيني كافيني ..
وللمعلومية أبوهم دائما يقول مارااح أزوجك فحتى لو جاء أحد وخطبني ماأدري ظلم لأبعد حد ويقعد يدعي لبناته قدامي وأنا لا يويطالع فيني يعني ما أبغاك تتزوجين على اني مابينت اذا أبي أولا بس هو يسوي الحركات هذي لي..
دمتم بود الجريحة نزف الغمام