والله مليت من الروتين هذا وكل يوم اقول بكرة ابدأ

صباح الخير بنات
كيفكم اش اخباركم؟؟؟؟؟؟؟
المهم انا بقولكم مشكلتي الي ودي ابكي منها
انا متزوجة من سنتين يعني باقي شهرين واخلص سنتين
وعندي ولد عمره 7 شهور
انا انسانة مشكلتي اني طفشت من هذا الروتين الممل
اصحى من النوم يادوب ارتب غرفة النوم واروش ولدي واتروش واغسل رضاعاته واحطها في المعقم واغلي مويته وافتح لمبات البيت والابجورات واذا فيه صحون في المطبخ ارجعها للدولاب
وكل هذا بسرعة بسرعة كأنه احد يجري ورايه
وبس اروح اجلس عند التلفزيون وافتح منتدى الفراشة "حبيب قلبي"
وبس اجلس اطقطق عليه
طبعا انا نظام نومي ملخبط يعني يوم اصحى الظهر يوم اصحى المغرب يوم اصحى العشاء
واحيانا اصحى الساعة 1 في الليل والبركة في ولدي بس كذا
المهم انا مليت ودي اصير ربة بيت
على فكرة انا انظف بيتي بس على خفيف خفيف يعني مو تنظيف عميق وبعدين اجيب شغاله اهلي او شغاله اهل زوجي وتنظف البيت تنظيف كذا
المهم انا نفسي اصير مهتمة بأي شي
ودي اطبخ اشياء غريبة وحلوة ودي زوجي ينبسط مني
بس لما اشوف الشي صعب اقول لالالالالا
يعني شي فيه فرن او قلي او صواني او لف كل هذي ماتعجبني
ابغى شي مميز وسهل وهذي طبعا مستحيلة
الشي الثاني ودي اغير من نفسي ودي اهتم شوي والله ياكثر الخلطات اللي مجمعتها الصعب والسهل التافه وكل يوم اقول بكرا
كل يوم اقول برتب دولايبي وانظمها وبرضه اقول بكرا
بسوي مفاجأة لزوجي واعمل كذا وكذا وبرضه بكرا
بغير مكان هذا وبسوي هذا وبرضه بكرا
بطلع عند اهل زوجي وبرضه بكرا
بروح لأخت زوجي وبرضه بكرا
بروح لصحباتي وكمان بكرا
عندي كوي بكرا
طبعا الغسيل ملابس زوجي برا غسيل وكوي بس ملابسي انا وولدي الله يحفظه
يعني الشي الوحيد اللي اسويه اني اغسل ملابس ولدي يوميا او يوم بعد يوم
بسوي حفلة لولدي كل مرة اقول ؟؟؟؟
مااقول بكرا
اقول الاسبوع الجاي خ
بروح المشغل اعمل حواجبي لا مو بكرا هذا الشي الوحيد اللي شاطرة فيه هو والسوق بس والحلى "يعني اسوي حلى" هذي الاشياء اللي ممكن ماأجلها
قولولي وش اسوي والله مليت
ماعندي نظام ووقتي ملخبط
وعلى فكرة لحد يقولي رتبي نظام على نظام زوجك لان زوجي يشتغل مع اهله يعني بزنس يعني على كيفه
عشان كذا ماعندنا نظام
طيب والحل
تصدقوا يابنات اذا ماكنت عاملة حواجبي مااحب البس ولا اكشخ ولا استشور شعري ولا احط ميك اب
يعني مجرد مااعمل شي في حياتي جديد احس بنشاط واتحمس اسبوع اسبوعين وبعدين افتر
حتى اللبس اذا مانزلت السوق واشتريت ملابس اطفش من اللي عندي واستسلم للروتين والملل
تصدقوا حتى ولدي نومه ملخبط ماينام متواصل يادوب كم ساعة ويصحى
وكذا طول النهار
نفسي يكون عندي هدف او اطلع من الملل هذا او
مو من جد لا بس ودي ادخل معهد كمبيوتر واقول لالالالا لما يتعدل وقتي واتنظم
بس لمتى ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
للعلم اني متخرجة من الكلية وقاعدة في البيت