والله وكبرتي ياطيوفي وصرتي تعزمين فله شمعه منوره

آهـات الصمت

25-10-2022 - 12:46 pm

طبعا ياطويلات العمر عندي بنتي طيوفي جوها ضيوف وقالت يمه ابي حلا وفطائر <<تتشرط
جوها 4 من صديقاتها سويت لهم التالي<<متعوب عليها فيونكات المفروض بالسمسم بس خليتها بدون اصابع مقرمشه بالقرفه والعسل بيبسيه بس بالميرندا بيتزا فطيره بالزعتر والجبن على شكل قلب الظفيره بالتمر وقدمتها لهم في غرفتها مع عصير وشوكلاتات وحركات صورتها لكم والبنات متنحات يقولون وش عند امك ياطفطف وهذا هو الي صورته

التعليقات (8)

شوق القصايد

25-10-2022 - 03:03 pm

مشالله تبارك الله تسلم ايدك وانشالله تسوين لها في نفاسها
بس ياليت تعطيني طريقه الفطائر بالتمر شكلها حلوه والاصابع الي بالقرفه

حبي(E)

25-10-2022 - 04:04 pm

روعه
يعطيك العافيه

النـدى

25-10-2022 - 05:05 pm

ماشاء الله يعطيك العافيه
عقبال ماتشوفينها عروس

مؤيدة بنصر الله

25-10-2022 - 06:06 pm

ما شاء الله تبارك الله
ان شاء الله بفرحتها

(أم جوري)

25-10-2022 - 07:07 pm

روعه
يسلمو

آهـات الصمت

25-10-2022 - 08:08 pm

شوق القصايد
ربي يسلمك ياعسل
بالنسبه لمقادير اصابع القرفه
2كأس دقيق
نصف كاس زيت
فنجال شاهي سكر ناعم
2ملعقه بيكنج بودر
ربع كاس حليب سائل دافي
رشة ملح
بيضه مخفوقه
رشه قرفه مطحونه
الطريقه
بعد نخل الدقيق والبيكنج بودر والملح والسكر
نضيف الباقي وتخلط جيدا
تترك حتى تخمر
ثم تفرد وتقطع اصابه وتقلى في الزيت
وتصفى وتوضع في شيره مع ملعقه عسل وتوضع بالثلاجه
مقادير الظفيره وتصلح بالجبن او الخضار او الحشوه الي تحبين هي كالتالي
4 كاسات دقيق
ثلث كأس سمن او زيت
2بيض
ثلاث ارباع كأس حليب
ربع كاس ماء دافي
ملعقه ملح
ملعقه خميره فوريه+ملعقه طعام سكر
صفار بيضه لدهن الوجه
سمسم او حبه سودا للوجه وممكن زعتر لو الحشو جبنه
الطريقه
اعجنيه كلها وتترك تنخمر ساعه
بعدين تفرد وتشكل حسب الرغبه

~ شذى الــورد ~

25-10-2022 - 10:10 pm

ماشاء الله آآهاات
الله يخلي بنتك لك >>كان خلتيهاا
تسووي معااك >>عشان تصير سنعه مثلك ^^
>>>>>عقبال بنتي اسووي لصديقااتهاا >>براا
تسلم ادينك وبالعافيه ..

غ ــــلاي غيرツ

25-10-2022 - 11:12 pm

ماشاءالله تسلم ايدك وربي يحفظلك طيوفه ويبارك فيها يارب

حلا رايق←
حلا الباتشي→