والله يا بنات هذا الشامبوالأندنوسي طول شعري انا وبناتي وخفف التساقط

انا بناتي نمو شعرهم بطيء جدا جدا
ما يطول بسرعة ... اصلا فقدت الامل فيه
المهم انا شعري الحمد لله نموه كويس .... لكن مرة من المرات قصيته عند كوافير ومو راضي يطول
مدري هي ما سمت بالله او معاها الدورة .... وخفت على شعري
وسمعت عن شامبو ميتال اندنوسي وسويت عنه بحث بالنت وكثير يمدحوة ...
واتوكلت على الله واشتريته وقيمته ما بين ال 15 ال 20 ريال
وخليت بناتي يستخدموه معايا ... وهو من خلاصة بذور الحلبة ... بس عيبة يجفف الشعر شوية لانه الحلبة
معروف بتجفيف الشعر .. لكن ناسبني انا وبناتي لانه شعورنا دهنية
المهم استمرينا شهرين علية ..... والله والله يا بنات طول شعور بناتي <بالله قولوا ما شاء
الله> ... يعني زاد تقريبا 3 اصابع او اربع اصابع في خلال شهرين تقريبا لاحظته بالنظر
وانا كمان طول شعري عليه
انا سمعت انه يوقف التساقط .... واخواتي يقولوا خف التساقط ... وزوجي جربة ويقول ما صار يطيح شعرة بالبانيو
زي اول وقت الاستحمام ... وللأمانه انا ما حسيت انه وقف التساقط امكن لاني قاعدة اسوي ريجيم ... وعارفين انه الريجيم
يساقط الشعر ....
جربوة ... يقولوا حلو للشعر
انا رحت قبل يومين لبقالة اندنوسية وقلت له اعطيني اي شيء يطول الشعر واعطاني نفس هذا الشامبو
اللي ذكرته لكم ... وقال هذا مرة كويس
وهذا صورة الشامبو
يا بنات انتبهوا بين التقليد والاصلي
ترى القتليد يقطع الشعر ويخربه وما يطولة
والفرق بينهم ... انه الاصلي يجي مكتوب المكونات بالاندنوسي والانجليزي مع بعض
اما التقليد يجيكي مكتوب المكونات بالعربي
وهذي الصورة الفرق بين التقليد والاصلي
وتلاقوة بالبقالة الاندنوسية .... والعطارين ... بس انتبهوا اغلب العطارين يبعوا التقليد
عشان كذا انا صرت اشتريه من بقالة اندنوسية اضمن لي
واللي تبغى تتاكد من كلامي
تسوي بحث بقوقل عن شامبو ميتال وشوفوا مدح البنات ... واللي تقول انه ساقط شعرها وخربة تلاقيها
استخدمت التقليد وهي مو عارفة
منقول
لا تنسوني من الدعاء بالزوج الصالح الذي يجمع بين كل الصفات الي تمنيتها و بالرزق الكثير الحلال المبارك