وداعا لحافظ الاكياس اهلا بسمبوستي وش جاب لجاب تبون تعرفون تعالوا هنا

بسم الله الرحمن الرحيم
كيفكم يالفراشات
اليوم جبت لكم طريقه روعه وسهله للف الاكياس وترتاحين من حوستها بالدواليب تعلمتها من اختي الله يحفظها لعيالها
تعرفون حوستها بدواليب المطبخ كنت احشيها حشي بدرج من الدروج الين بينفجر المسكين والبعض يحطها بكيس واحد وهاتك ياتسحيب وتطيح كلها ونرجعها من جديد خ
والاكياس مثلا اكياس البقاله واكياس السوبر ماركت وكمان اكياس الزباله...اكرمكم الله وتريحك من حوسه اكياس القمامه لما تسحبين وحده تنحاس البقيه كلها وممكن السفر حقت الاكل تنلف بنفس الطريقه ......
نبدا.....
ناخذ الاكياس ونمدها مزبوط وندخل الاطراف الزايده في الاكياس ... ونفرغها من الهواء تصير كذا
نطويه من النص وكمان نفرغ الهواء
وكمان طيه اخيره ونفرغ الهواء...
ونبدا نلف السمبوسه <<<<< رمضان الله يازينه خ
ويبقى الطرف النهائي ....
ندخله في الطرف المفتوح حتى يثبت الكيس تمام
وياسلام على احلى سمبوسه
شوفوا كيف كميه كبيره من الاكياس حتى اكياس القمامه اكرمكم الله جات في زبديه متوسطه وبدون فوضى
وصوره ثانيه ...
والحين جا دوركم انتم بعد ما تطبقون الطريقه حطيه في حامل الاكياس ولا في درج من الادراج لوحده ولا في سله صغيره وتحت المجلى.......... المهم على راحتكم .......خلاص تعبت يدي
واتمنى ان الطريقه اعجبتكم والفكره تكون جديده مع اني اظن انها معروفه<<<< اخاف اتفشل ههه
ترى تعبت في الموضوع الله الله بالردود
وبس
ادعولي الله ينول اللي ببالي ويوفقني في الدنيا والاخره