وداعا للجفاف الشعر

مساكم الله بالخير يا فراشات مبارك عليكم الشهر
اليوم أبغي أخبركم خبر حلو أن شعري قاعد يتحسن ويعود الى قواعده سالمه
مشكلت شعري اني عرضته للصبغ و الهي لايت أربع مرات متتالية كنت أستانس باللون والستايل بس بعد مضي أربع شهور على آخر صبغه صدمت من حال شعري صار بالضبط مثل الليفه ضعيف ومتشابك وجاف
المهم بعد استماعي للعديد من الأراء في هذا المنتدى قررت من أسبوعين أني أبدأ العلاج ركنت الاستشوار على جنب وشريت محلب من العطار وخلطته مع زيت بيبي أويل من جونسون وشريت عشبة الياس اللي العطار يسميها غسول ناعم وداومت على استخدام الزيت مع المحلب يومياً وعشبة الياس مع ماء مرة في الأسبوع وما أنسى شامبو البابونج اللي هو صناعه محلية وخالي من المواد الكيماوية اليوم صار لي اسبوعين والحمد لله تغير حال شعري ةاتعدلت نفسيتي وانشا الله استم لبعد العيد في سبيل احياء شعري فراشات اللي عندها أي ملاحظة أو اضافة لبرنامجي الاصلاحي ترى كلي آذان صاغية ومشكورين