وداعا للكرش

1. مرحبا يا حبيباتي ..

مرحبا يا حبيباتي ..

بصراحة انا عندي قصة حصلت مع اختي واحب احكيها لكم وافيدكم باللي سوته .. انا اختي متزوجة وعندها ولله الحمد خمسة اطفال ( ما شاء الله ).. ورغم انها نحيفة وجسمها رائع الا ان كرشها بصراحة كبير .. كبير بشكل ما هو حلو وخلى اللبس عليها مو مرتب .. وكانت معقدة من شكلها حيل .. وحتى زوجها لفت نظرها كذا مرة على كرشها
وفي يوم جت وشكت لي .. وبصراحة رحمتها واشفقت عليها .. وقررت اني اجد الحل .. وبحثت وبحثت واخيرا وجدتها .. وجدت الحل .. وجربته عليها .. لمدة شهرين .. والنتيجة كانت ذهاب الكرش نهائيا
ولما شفتها صرخت وقلت معقولة النتايج كذا رائعة من غير رياضة ولا تعب
والله يا بنات صار بطنها مثل ما كانت بنت .. من غير مبالغة .. وصارت المنطقة مشدودة بعد
تدرون وش قلت لها ؟؟
اولا : مرامية + بابونج +اكليل الجبل ( كلهم تلقينهم عند العطار )
ثانيا : في ابريق ماء صغير تغلى ملعقة صغيرة من كل مما سبق ثم تصفى وتوضع في دلة الشاي
ثالثا : يشرب من هذا المشروب ثلاث اكواب . واحد على الريق بالصبح .. وواحد بالعصر .. وواحد بالليل قبل النوم
وارجوكم من غير سكر عشان النتايج الحلوة
وعلى فكرة ترى طعمه حلو وتقبله النفس
طبعا قيسي محيط خصرك قبل ما تبدأين ..وغالبا راح ينقص اول اسبوع 3 سم على الاقل
وصدقوني راح تدعون لي مثل ما دعت لي اختي
واي سؤال انا مستعدة
ترى هذا الموضوع اول مشاركة لي ..واتمنى اكون فدتكم يا حلوات
وارجوكم جربوه وعلموني بالنتايج اول باول
وعلى فكرة ترى المشروب هذا يساعد على سد الشهية بعد .
وسلامتكم