ودك تنامين نامي رومانسيه روعه

(( بيت غادة ))
( الساعة 6 المغرب )
( غادة صديقة أروى الروح بالروح .. وهم مع بعض من التمهيدي .. يعني صارلهم اكثر من 12 سنة مع بعض .. وكل اسرارهم عند بعض .. الفرق بينهم انه أروى مرجوجة مرة .. وغادة صح مرجوجة بس مشكلتها مررة حساسة .. وعاطفية بشكل كبير .. وينقال عنها رومانسية .. شعرها اسود سايح .. طويل .. وبيضا .. وشفايفها صغيرة .. بس الميزة الحلوة فيها انها جذابة مرة .. يعني الدلع فيها طبيعي من الله ... )
غادة وهي تلبس عبايتها : يا سمر ....... يللا بسرعة .. ترى والله عمي قايل لي ان تاخرنا ما بياخذنا
سمر وهي تركض وتلبس عبايتها : هذاني جيت .. بس باقي الصندل
غادة : مافي صندل ترى بروح عنك
سمر طلعت عيونها وشهقت : هي .... يالخاينة تروحين تهايطين ف المجمعات بدوني...؟؟!؟!؟!
غادة تحرك حواجبها : يس ..
سمر : او ماي قود ... محكوم عليك بالحد بالسيف بكرة بعد أذان الفجر ..
غادة : اقول اخلصي علينا يللا ...
( سمر اخت غادة الصغيرة .. محششة مرة .. عمرها 15 سنة وتدرس ف ثالث متوسط .. وبايعتها .. مايهمها شي بالدنيا .. تشبه اختها شوي .. بس هي ادفش من غادة وماعندها الدلع حق اختها .. يعني بالشكل متشابهات والطبايع فرق السما والارض )
ركبوا السيارة ...
سمر : اقول حبيب ... ودينا بيت عمي محمد ..
حبيب ( السواق ) : انشالله عمتي
سمر : عمت عينك انشاله .. وش شايفني ..؟؟
حبيب : سوري عمتي ....
سمر وهي بتطلع قرونها : شوف!!.. ويرجع يقول لي عمتي!!!!
حبيب طفش : اوه .. وشو انتي ابغى انا قول..؟؟
سمر : قول سمور فاهم ... ؟؟
غادة : خير...؟؟!! هللي ناقص ..
سمر : مالك دخل انتي سنيوريتا ... ( نقزت قدام ) اقول حبيب
حبيب يهز رقبة : هلا سمور
غادة : وين قاعدين انتا وياها ...؟؟؟ انتبه للطريق وانطم ...
حبيب سكت ...
سمر تضرب كتفه بالخفيف وتهز رقبة زي الهنود : ما عليك منها هذي .. مخ مافي .. يعني مجنون ... شغل شغل بس اغاني ..
ضحك حبيب وشغل الاف ام الخليجية وكانوا حاطين اغنية سواها قلبي لأصالة ... وبدت الربشة والحالة ف سمر ... اما غادة فكانت ماخذة الوضع جد وتغني بأحلى صوت .. مسكينة تتخيل فارس احلامها .. خ
سواها قلبي يا حبيبي وحبك
ما طاعني وانا عن الحب ناهيه
الظاهر انه ما يبي غير قربك
عاف الجميع واول الناس راعيه
عليه لا اوصيك لا صار جنبك
صبح علييه بحب وبحب مسيه
نبضه وفاا والتضحية كان يعجبك
صافي ولكن مالقى من يصافيه
سواها...
الاخت سمر بدت ترقص ف السيارة بكل طاقتها .. ولا كانها ف سيارة!! ناسية كل من حولها .. اما غادة فكانت تهتز بهدوء وصوتها واطي وهي تدندن .. اما حبيب فهذا الله يخلف عليه .. مسكين ما يعرف غير سواها قلبي وكل ما تجي يقعد يصارخ باعلى صوته: سواها كلبي
خلصت الاغنية وخلص المشوار بمجرد وصول السيارة قدام بيت عمهم محمد .. اكبر عم عندهم .. قعدت غادة تتعدل .. لزوم الكشخة عندها مهمة مرة .. اما سمر فما اهتمت .. على طول نزلت ودقت الجرس سبعين الف مرة .. وما وقفت الا لما فتح ولد عمها ثامر الباب .. وهو لابس سروال السنة الابيض وفنيلة بيضا مغبرة ...
ثامر : اعوذ بالله .. شوي شوي .. وش عندك خربتي جرسنا!!!
سمر وهي تدخل ولا عليها : اعووذ بالله منك.. جربان ما تسبحت!! .. (دخلت وما عليها ) ماعلينا .. دانة وعمي وين ...؟؟
ثامر : اول شي وعليكم السلام .. ثاني شي .. توني راجع كنت العب كورة وما امداني ادخل غرفتي الا انتي مسوية تسونامي ف البيت وانتي تدقين الجرس .. نعنبووك ما تعرفين انه هذا الازعاج يرفع الضغط ؟؟
سمر : اف .. ماراح ارد عليك .. لانه انا قصدي الاول والاخير ارفع ضغطك.. وبعدين اكس كيوز ميي .. عندنا طلعة مانيب فاضية لك .....
ثامر وهو يقلدها : مانيب فاضية لك .. تكفين انا اللي ميت عليك.... !!
شوي الا تلف سمر وتقول وهي تصارخ : أي صح .. لاتسكر الباب .. بتدخل غادة بعد شوي ..
ثامر وهو يناظر السيارة : وينها ...؟؟
سمر تمشي وتصارخ اكثر : انتظرها قاعدة تتميكج وتتعدل .. تعرف دلعها ..
ثامر بصوت واطي : ع الاقل بنت .. مو زيك .. حشى ولا عن عشر رجال ..
( ثامر ولد عم غادة وسمر عمره 22 سنة .. ثاني سنة جامعة .. ويدرس ف جامعة الملك فيصل .. قسم التقنية والحاسب الآلي .. شكله .. اسمراني .. وشعره ناعم شبه طويل .. واللي يميزه عن باقي العائلة انه عيونه عسلي فاتح .. وتجذب بشكل مو طبيعي .. اما صفاته .. انسان يحب البدو .. التراث يمشي ف عروقه .. وذوقه خليجي بحت .. محمد عبد وخالد عبدالرحمن ورابح صقر اشرطة لا يمكن يستغني عنها ف سيارته .. ومدمن مسلسل نمر بن عدوان .. ويقلد كل شي يسويه نمر .. حتى ف الكلام .. والتصرفات .. واغلب الاحيان لابس ثوبه المخصر الابيض .. واذا بغى يكشخ يلبس الشماغ .. خ )
نزلت غادة من سيارتها .. وقعدت تتمخطر لين ما وصلت للباب .. ويوم دخلت سمعت صوت ورى الباب فاخترعت ونقزت : يا ماما
ثامر : ههه .. بشويش ... اخاف تموتين علينا ...
غادة : يا حمار ... انت ثامر صح ...؟؟
رفع ثامر حاجب واحد : لا واله !!! تستعبطين ..؟؟
غادة صدق مو فاهمة : لا والله ما استعبط .. انا دايم الخبط بينك وبين بندر .. أي واحد انت ...؟؟
ضحك ثامر وبعدها قرب وقال : طالعي ف عيوني وبتعرفين ..
غادة ما كانت تشوف ولاشي من تحت الغطا ..
غادة : أ.... م ... ما اشوف من تحت الغطا ..
ثامر بينت ابتسامة خبث على شفايفه بس ما انتبهت لها غادة : طيب .. مو مشكلة .. شيلي الغطا ...
غادة : لا والله!!! ... وش شايفني ..؟؟ وحدة من خوياتك..؟؟
ثامر وخر شوي : أي خوياات؟؟ يا ماما انا ما عندي هالحركات .. بس .. بس .. اقولك .. روحي داخل احسنلك .. بتلقين عمي ودانة داخل ومعاهم الشيطان حقكم ..
غادة : شيطااننا ..؟؟!!
ثامر : أي .. سمور الهبلة ..
غادة بضحكة رقيقة : ههه .. اوكي باي ..
ومشيت بكل دلع قدام ثامر ودخلت البيت .. ___________________________________

( ( ف بيت ابو سعود ))
( الساعة 7 )
كانت قاعدة ف غرفتها .. ترتب المكتب العفسة .. وترمي الأوراق الزايدة لما اندق الباب ..
مشت بكل هدوء وفتحت الباب ...
شافت وجه منتفخ وخشم احمر كبير .. ودموع ما توقف ...
دلع بدهشة : لينا!! .. شفيك تصيحين ...؟؟
لينا من خنقة العبرة ما قدرت تتكلم .. فما كان من دلع غير انها دخلتها داخل وسكرت الباب ... وضمتها بقوة عشان تهدى ...
دلع وهي حاضنة لينا وتمسح على شعرها : خلاص حبيبتي .. اهدي شوي وفهميني وش السالفة ..؟؟
مسحت لينا دموعها بالمنديل وقالت بصعووبة : اهئ .. محد بيتزوجني .. محد .. اهئ اهئ ......!!!!!
استغربت دلع : ليش يالينا ...؟؟؟ ليش تقولين هالكلام ...؟؟
قعدت لينا على السرير وهي تصيح .. وما قدرت تتكلم ..
جات دلع وجلست جنبها : لينا حبيبتي .. قوليلي انا زي اختك..
لينا وهي تحضن دلع بيأس : انا .. ا... اهئ .. ز .. زدت 3 كيلو !!!!!!!!!!!!!!!!!!!!!!!!!!!!!!!!!!!!!!!!!!!!!!!!!! !!!!!!!!!!!!!!!!!!!!!!!!!!!!!!!!!!!!!!!
ومع هذا ارد ما قدرت دلع غير انها تفقع ضحك : كاك ..... ههه ..... الله يقطع ابليسك ... !!! خ
لينا انقهرت : حمارة .. لاتضحكين ... مافي شي يضحك ...!!!
دلع : ههه .. كل هذا وما في شي يضحك؟؟؟!! صدق من قال كلٍ على همه سرى ...... طيب وخير...؟؟ زدتي 3 كيلو شفيها ..؟؟
لينا : شلون شفيها .. شوفي شكلي شلون صاير ..؟!؟
دلع : قمر بسم الله عليك .. تجنين .... !! والله انك حلوة يا لينا ...
لينا : صدق ...؟؟؟
دلع : والله العظيم .. أصلا انا اتمنى احصل زي خدودك الحمرا الحلوة ....
ابتسمت لينا : لا والله .. الحقوق محفوظة ..
دله : ههه .. شفتي .. يا حلاتك وانتي تضحكين .. اقول .. تبغي بكرة نروح السوق نشتري للعيد .. ترى ما بقى غير 5 ايام ...!!
لينا بحماس : أكيد .. ( تذكرت شي ) بس بدون العنكبوت!!!
دلع : العنكبوت ...؟؟؟!
لينا : اسم لماما جديد اخترعته انا وسالم امس ...
دلع بعتب : عيب تراها امك ....!!
لينا مو متهتمة وجاية بتطلع من الغرفة : wtv.. ع العموم .. مشكورة على تعديل النفسية يا احلى اخت ف الدنيا ..
دلع بابتسامة واسعة : العفو .. اني تايم ..
( لينا .. 15 سنة .. ثالث متوسط .. مدارس الظهران .. بنت دلوعة مرة وناعمة .. وحساسة بزياد .. ودايما تحب اللي يمدحها .. ويهتم فيها .. يمكن هالشي يرجع لانه امها مشغولة عنها باشغالها .. وما عطتها الحنان اللازم .. اللي تحتاجه .. وفوق كل هذا انها الحين في فترة المراهقة الصعبة .. بس لينا بنت تهتم بشكلها مرة .. ضعيفة .. وبيضا .. ودودها حمرا من الله .. وشعرها اسود قصير ومدرج ... )
طلعت لينا من غرفة دلع .. اللي تنهدت تنهيدة وراها ابتسامة على لينا ورقتها .....
دخل سالم الغرفة فجأة : اوبس ... سوري ما دقيت الباب ...
دلع ابتسمت : لا عادي .. حياك سالم ..
دخل سالم بابتسامة مكر على وجهه وهو مخبي شي في يدينه الثنتين اللي ورا ظهره ....
دلع بشك : ها... وش عندك؟؟ .. هالنظرة ما تطمن .. ؟؟؟!
سحب سالم كرسي وقعد قدامها : شوفي وش جبت ...
مد يده وحط بوستر للاعب مالديني وواحد ثاني للاعب كاكا على السرير..
دلع : !!!!! واي يجن!! ... من وين جبتهم ....؟؟
سالم يحرك حواجبه : شارع الرياضة ...
دلع بدهشة : لا تقول ... سالم لا تقول .. لا تقول انك رحت هناك ....!!!
سالم يقهرها : توني واصل ...
دلع : حرام عليك ... ورا ما قلت لي اروح معاك ...؟؟!
سالم : ماعندي حريم يروحون هناك .. اقعدي ف البيت احسنلك ... !!!!
دلع حطت يدها على خصرها : يا سلام ... وش معنى لينا تروح وين ما تبغى ...؟؟ وهالكلام علي اا بس ...؟؟!
سالم : لينا بزر .. بس انتي كبرتي .. خلاص .. لا تزوجتي خلي زوجك يوديك ....
..............: في واحد عاقل بيخلي القمر يطلع من البيت ....؟؟!
التفت سالم لمصدر الصوت
سعود دخل بكل وقاحة : سوري ... مادريت انه في شي اسمه .. أ ... ( طالع فيها ) الباب .. !!
دلع بدون اهتمام : مرة ثانية اعرف انه في بيبان ف البيت .. ولا ليش حاطينهم احنا....؟؟؟
سعود بقهر : انتي انا ابغى افهم .. ليش متلزقة بسالم 24 ساعة ؟؟.. لايكون حاطة عينك على سالم ..؟؟ تراه اصغر منك عشان يكون ف علمك ...
سالم بدهشة : انت وش تقول ...؟؟ صدق موب صاحي ...
سعود ماشال عينه عن دلع : انا اللي موب صاحي ..؟؟ ماتشوفها هي شلون تعاملني..؟؟ كاني ماكل حلالها !! ماكنها هي اللي ف بيتنا وتاكل من اكلنا وتشرب من شربنا ...!!
سالم بتهديد : سعود .. كف شرك احسنلك .. !!
سعود بسخرية : هههاي .. وش بتسوي يا بطل .. لا يكون بتكفخني ..؟؟ ولا بتعلم امك عني...؟؟ ما بقى اللا البزران يتكلمون ...
سالم : انت...........
قاطعته دلع : سالم عيب .. مهما كان .. هذا اخوك الكبير ولازم تحترمه ..
سالم : ما تسمعين وش يقوول...؟؟
دلع : معليش .. اتركه .. مهما سوى .. خلك محترمه ..
طلع سعود من الغرفة وهو يضحك ويستهزئ ..
سالم : هذا انا مدري شلون تتحملين كلامه ...
دلع تنهدت : الله يهديه .. بعدين انا ما اعطيه وجه .. كلامه يدخل من اليمين ويطلع من اليسار ..
سالم : دلع .. تكفين لا تشيلين بخاطرك ...
دلع تحاول تغير الجو : بشرط .. تعطيني البوستر حق مالديني ..
سالم : ههه ... ما يفوتك شي... ابد ..
_______

رواية أكثر من رائعة
ويشرفني إني أول من يرد عليك

(( ف بيت ابو عوض ))
( نفس الوقت )
طلع عوض من غرفته مستعجل وهو يلبس شماغه .. وشافته أروى اللي كانت تتكلم بالتليفون مع بنت عمها ريم ..
أروى : يوه .. هذا وين رايح..؟؟ ما قل بيوديني السوق اليوم...؟؟
ريم : مين..؟؟
أروى : عوضوه .. لحظة بس ... عوضوه ..
عوض : وجع!! ... شتبين...؟؟
أروى : وين رايح ..؟؟ ما قلت بتوديني السوق اليوم ...؟
عوض : روحي مع امك .. مانيب فاضي ..
أروى برطمت : عوض حرام عليك .. تدري امي ذوقها وع ..!!
عوض : يا أروى .. صديقي طالع مع اهله ولازم اغطي مكانه ..
أروى : اف .. وانت ليش ما يغطي احد مكانك .. ؟؟؟
عوض : لانه مافي احد غيري وغيره مسؤول عن اعلانات الشركة... لا تجننيني .. بكرة بوديك ..
أروى : اف ... طيب ..
ورجعت تكلم تليفون ....
أروى بزعل : الو ...
ريم : ها شصار ........؟؟؟
أروى : اف ... بذبحه ..
ريم : ليش..؟
أروى : بيروح يغطي عن واحد من ربعه ف الشغل .. وانا بكرة بيوديني ..
ريم : حظك!! ... مو زي رائد اخوي ... تصدقين ما شفته اليوم!!!
أروى : قولي والله!! .. هذا وين يروح ..؟؟
ريم : شدراني عنه ...؟؟ 24 ساعة برى ..
أروى : لا والله عوض اهون .. صح احيان نذل .. بس فيه طيبة وحنية .. علي انا بس ..
ريم بتنهيدة : ليتني اخته ...
أروى بخبث : قولي تحبينه وخلصينا ...
ريم : لا والله .. انا ما يعجبني اخوك ابد .. واعتبره اخو لا اكثر
أروى : امزح معاك صدقتي..؟؟... اصلا عوض ولا عمره بيحب وحدة .. مشاعره جامدة ..
ريم : كاك ... قلب من حديد ...
أروى : بالزبط .....
___________________________________
(( بيت ابو بندر ))
( الساعة 11 بالليل )
كانوا البنات توهم راجعين من السوق ويريحون ف غرفة دانة ... والاكياس مرمية ف كل مكان ف الغرفة ... والكل منسدح على اليري .. الا سمر ع الارض ..
قالت سمر : اقول دانة ...
دانة : هم ...؟؟
سمر : ف ايش تفكرين من الصباح..؟؟ من اول اشوفك سرحانة ..
دامت دانة وتعدلت ف جلستها : شفتوا اللي كان يلحقنا ...؟؟
غادة : أي واحد ؟؟
سمر : ما اذكر ... كان في كثير رجال ف المجمع .. اوصفي ..
دانة : ذاك اللي شعره طويل لكتفه ولابس بلوزة سماوي وبنطلون جينز ..
غادة : أي صح .. اللي بغى يصدم فيك وقال سوري ...
دانة : ايوه .. هذا هو ...
سمر : المهم شفيه ...؟؟
دانة وهي متوترة : صارله كم يوم يلحقني للجامعة .. ومن الجامعة للبيت .. ومن البيت لاي مكان اروحه .. ما اشوفه غير بوجهي ....
سمر : نشبة!!!!
غادة : يما ... شلون تقدرين تطلعين ..؟؟
دانة : والله انا لما اطلع احط يدي على قلبي .. بس لما اشوفه .. اتطمن .. لانه ما يسوي لي أي حركة .. او حتى يكلمني .. بس المشكلة انه وراي دايم .. وين ما اروح موجود ..
غادة : انتبهي ... اخاف يسويلك شي ... هالناس ما يتامن لهم ..
دانة وهي تفكر : أي والله .. بس ما اعرف وش يبغى مني... ليش يلحقني..؟؟
سمر : طيب اسأليه ...
دانة وغادة فتحوا عيونهم ع الاخير ..!!!!!
( دانة بنت عم غادة وسمر .. تدرس رابع سنة وآخر سنة ف الجامعة .. تخصص طب .. بنت شاطرة ودافورة ومؤدبة .. ومشكلتها الطيبة الزايدة ورقيقة مرة .. وتراعي مشاعر الناس ... عمرها 24 سنة .. طولها عادي .. وشعرها اشقر مصبوغ طبعا .. ومتابعة الموضة اول باول .. ودايما انيقة .. )
غادة : انتي شتقولين ..؟؟!! .. يا مامي .. والله يخرع ..
دانة : ههه .. سمر انتي موب صاحية .. استخفيتي...؟؟
سمر : لا والله .. اساليه ايش يبغى .. وليش يلاحقك...؟؟
دانة بخوف : لا لا لا لا .. انا مالي دخل .. بحقره .. وهو شوي شوي بيزهق..
غادة : ليش ما تكلمي عمي احمد ...؟؟
دانة : انتي مجنونة ..؟؟ مالي خلق مشاكل .. وبعدين كيفه .. انا بحقره ولا كاني اشوفه ..
سمر : انتي وريني اياه وانا بتصرف معاه
دانة : انتي وحدة عقلك متبرّي منك ...
اندق الباب ...
دانة : مين ...
ثامر من ورى الباب : يللا انزلوا تقول امي حطوا العشا
دانة : طيب خلاص روح واحنا الحين بننزل ..
ثامر : اوكي ..
التفتت دانة على غادة وسمر : يللا تنزلو ا
سمر : يللا ..
نزلوا تحت وقعدوا ف الصالة على السفرة ...
وبعد الأكل ..

رن جوال غادة وردت ...
غادة بدلع : الو... هلا باحلاهم .. هلا بشيخهم كلهم
التفتت سمر وعيونها مفتوحة ع الاخير .....والكل كانت هالنظرة على وجهه
غادة : طيب بس شوي....... الله يخليك .. مو الحين .. طيب .. اوكي
من عيوني انا ... فديتك .. باي
ام ثامر : من تكلمين ..؟؟
غادة : بابا حبيبي .. فديته يقول ارجعوا الحين ..
الكل هدت ملامح وجهه ..
ام ثامر : بدري
غادة : مدري يقول خلاص تاخر الوقت .. قومي سمر ..
............: تغطوا ....
ام ثامر : ادخل ادخل احمد ... حياك محد غريب ..
تحجبت ام ثامر ودخل احمد وشاف غادة وسمر يلبسون عباياتهم ...
أحمد : وين وين .. بدري .. ما قعدنا مع بعض ... ؟؟؟
سمر : بنروح البيت .. ابوي اتصل ويقول تعالوا ...
احمد بابتسامة : وبتروحون بدون ما تسلمون على عمكم حبيبكم ...؟؟
ضحك الكل ونقزت غادة تسلم على عمها ...
غادة : فديتك .. مايهون علي اروح بدون ما اسلم عليك ..
أحمد بخقة : ياويلي ... كل هالحب لي...؟؟؟
سمر : اي .. انتي .. ذبحتي الولد
أحمد : ولد بعينك .. انطمي اشوف لا يجيك بوكس يطيرك ..
سمر قامت : واحنا نقدر على زعلك يا شيخ الشباب كلهم .. انت الكل بالكل ...
أحمد بنص عين : حلوة الترقيعة .. لا تعيدينها ..
( أحمد .. العم الفلاوي .. يجنن .. يخقق .. روعة .... حلو بشكل مو طبيعي .. هذا غير روحه المرحة والطيبة الزايدة اللي فيه .. اللي تخليه فارس احلام كل بنت ..عمره 26 سنة.. اسمر وخشمه احد من السيف .. عيونه بنية بس فيها سحر غريب .. شعره اسود .. أحمد مو مرة اوروبي .. ولا مرة قروي .. وسط .. يجمع التراث بالاسلوب الاجنبي .. احيان يلبس ملابس عادية .. واحيان ثياب .. والاثنين طبعا يليقون عليه .. )
قعد أحمد ع الكنبة وقعدت جنبه غادة اللي تموت عليه .. وبالنسبة لها هو احلى واحد ف العالم .. ومن الجهة الثانية قعدت دانة اما سمر فقعدت قدامهم تطالع تلزق غادة ودانة بعمهم ....

سمر : مشكلة اللي فاقدين الحنان ..
قعد احمد يمسح بيده على شعر غادة بحنية : شعرك طول
غادة ابتسمت : حلو صح..؟؟
احمد : يجنن!!!
دق جوال غادة وقامت بدلع يخلي الواحد يشتهي يذبحها عليه : الو
بابا حراام عليك .. والله تونا .. بليز!!!!!!
احمد اخذ التليفون منها : الوو .. هلا والله .. هلا بشيخ الكل .. شخبارك ..؟؟ وش علومك..؟؟ وينك يا رجال ..؟؟ ماتنشاف... ها..؟؟ حرام عليك خليهم ..تونا واصلين من السوق ... ما امداني اقعد معاهم شوي .. اشتقت لهم مررة .. تعال انت واقعد معانا ... اي خلاص .. لا خلصوا انا برجعهم.. لا لا لا .. ما بخليهم يرجعون مع السواق آخر الليل لا تخاف .. خلاص انشالله .. لا توصي حريص ...مع السلامة
احمد : احم احم .. رضى لكم تقعدون بشرط انا اللي ارجعكم البيت
من الفرح نقزة غادة على عمها وباسته على خده ..
احمد : ما اقدر عليك يالدلوعة .. والله انك عسل ..
سمر : لاتنخدع هالاسلوب ما يطلع الا قدامك .. شوفها بالبيت دومها مكشرة ومو عاجبها شي .. واذا احد كلمها تخمش وجهه لين ما يطلع الدم
احمد : قولي والله
سمر : اسالني انا اللي عايشة معاها ..
غادة : كذابة .. والله شلاخة يا عمي ..
دانة : ههه ويويو فشلوها فشلووها ..
ام ثامر : يللا تصبحون على خير انا رايحة انام .. خذوا راحتكم ..
احمد باحترام : وانتي من اهله يا ام ثامر ..
وقعدوا على السوالف والضحك ...
( بعد ساعة )
دخل عليهم وهو تعبان والشماغ على كتفه وكان منزل راسه ..
بندر : السلام ..
احمد : اطلع اطلع .. بنات محمد هنا ..
تراجع بندر بسرعة وعلى طول دار وجهه : آسف ما دريت انكم موجودين ..
سمر وهي تطلع الدرج : لا عادي .. خذ راحتك ..
المهم طلعوا البنات وطلعت وراهم دانة ..
وبندر دخل وقعد ف الصالة : السلام
احمد : وعليكم السلام ...
بندر : سوري ما ادري انهم كانوا موجودين
احمد : انتبه مرة ثانية .. شفيك تعبان..؟؟
بندر : لا بس وقفت علينا سيارة خويي .. ونزلنا دفيناها طول الطريق واحنا ندفها .. وانكسر ظهري ..
احمد : يوه .. مساكين .. من هذا ..؟؟
بندر : سلطان .. مسكين مدري وش صار ع البطارية ووقفت فينا السيارة .. بس اشوه ما كنا بعيدين مرة ..
احمد : وين رحتوا ...؟
بندر : رحنا ستاربكس على كورنيش الخبر .. وزحمة ..
احمد : اكيد اول يوم اجازة كل الناس برى ..
بندر : أي .. الا وين ثامر .. ؟؟
احمد : ف غرفته .. انتبه لاتروح فوق لايكون وحدة من بنات عمك موجودات..
بندر : تراهم بنات عمي .. مو بنات احد غريب ..
احمد : ادري .. حتى لو .. تراهم كبار ..
بندر : الحين سمر هذي تعتبرها كبيرة .. ترى صوتها واصل لبرى وانا جاي .. بس حسبتها دانة ..
احمد : ههه .. حليلها .. المهم بتروح تنام الحين ...؟؟
بندر : أي والله .. تعبان مرة ..
احمد قام وقال بصوت عالي : بنات .. طريق ترى بندر بيمر
دانة من فوق : خليه يمر محد ...
بندر : يللا تصبح على خير .. تآمر على شي احمد ؟؟
احمد : سلامتك روح ارتاح .. وانت من اهله
طلع بندر الدرج وراح غرفته .. وبعدها كملوا البنات سوالفهم مع عمهم شوي وبعدها رجعوا البيت معاه ..
@@@@@@@@@@@@@@@@@@@@@@@@@@@@@@@@@@@@@
(( اليوم الثاني .. الخميس .. 18 شعبان ))
( الساعة 7 الصباح )
وقف احمد سيارته ولمح واحد برى السيارة ينتظره .. ابتسم .. يا حليله عوض .. يخلي الواحد مستانس حتى لو ما شبع نوم ...
وقف السيارة ف الموقف ونزل يسلم عليه ..
عوض : صباح الخير يا نوّام ...؟؟ ما شبعت نوم كالعادة ..
احمد : وش نسوي .. امس بنات اخوي سهروا ف بيتنا ونمت متأخر ..
عوض : اها .. حلت لك السهرة وانت مو مداوم ...
احمد : ههه .. احسك كرفت امس لين قلت بس ..
عوض : معليه تعوضني بعدين ..
احمد : ولا يهمك .. طلعة للبحرين على كيف كيفك ..
عوض يرفع يده للسما : يا كريم انتا ... الله لايحرمنا منك ..
احمد : ههه .. وش فيها العجوز تدعي ...؟؟
عوض : امشي ندخل لا يسجلنا السيكيوريتي تأخير ... بعدين بابا عبدالله سوي جنجاال ..
احمد : خ جاكم الهندي وما شي يعيقه .. عوضوو اليووم وخر عن طريقه
دخلوا الشركة .. وتوجهوا لقسم الاعلانات ف الدور الثاني ...
ولما وصلوا راح عوض وقعد على مكتبه يشوف الحوسة اللي عليه ..
عوض : يوه .. وش هالحوسة؟؟!! من وين جات هالاوراق ..؟؟!
واحد من الموظفين : ههااي .. الدور عليك اليوم ... شد حيلك يا بطل ..
عوض باستغراب : ليش..؟؟
الموظف : لانه الحبيب سعود ما داوم ولازم واحد يستلم شغله .. واليوم دورك ...
عوض : خير..؟؟ على كيفه هذا ..؟؟؟
الموظف : مو على كيفه .. على كيف ابوه!!
احمد كان قاعدعلى مكتبه ويسمع اللي يصير : كاك ... شكلك اليوم بعد بتداوم بالليل ...
عوض : لا تقول!! .. حرام وعدت اختي اوديها تتسوق للعيد .. ما بعد اشترت شي .. امسك مكاني احمد ..
احمد : مين انا ..؟؟!! لا لا لا لا انا مالي دخل ..
عوض قام وراح لمكتب احمد وتسند عليه : يللا عاد ... (وطى صوته ) امس انا مسكت مكانك .. وحدة بوحدة .. محد بيدري ..
احمد بعد تفكير : خلاص طيب .. امرنا لله ..
عوض : احبك احبك احبك ..
رفع احمد حواجبه متنرفز : انقلع لمكتبك وكمل شغلك لا بالدباسة هذي بوجهك .....

(( ف بيت محمد .. ابو بندر ))
( الساعة 11 الصباح )
دخلت الغرفة وهي معصبة .. صارلها ساعة وهي تدق على الباب .. ومحد رضى يفتح .. فقررت تجيب المفتاح السبير اللي بغرفتها وتدخل تهزئهم ..... واول ما فتحت الباب .. شافت الملابس مرمية ف كل مكان .. والريحة حقت التشيبس والبوب كورن والاكل .. فايحة بشكل قوي .....
ام بندر وهي مصبة : بندر .... ثامر .... قوموا اشوف حسبي الله عليكم على هالمزبلة .....!!!
راحت عند بندر واخذت كاسة الماي اللي على الكومادينا وكبتها عليه .... قام وهو خايف ....
بندر وهو يلتفت مرتعب : ها...؟؟ وش صار ....
ام بندر بعصبية : قم جعلك ما تفيق انشالله
تنهد بندر ومسح وجهه باللحاف وقال وهو يحاول يبتسم : فديتك يالمعصبة .. صباح الخير
ام بندر : أي صباح؟؟؟ الساعة 11 .. قوموا اشوف انت وياه ..... ثامر ... قوم يللا!!!
ثامر:....................نايم ولا عطاها وجه ....
راحت ام بندر معصبة وشالت اللحاف ودفته بقوة لين ما قام .....
ثامر وهو مسكر عين وفاتح عين : ها.....؟؟؟ شفيكم بعد ...؟؟
ام بندر : وش فينا يعني...؟؟ مابقى كم يوم للعيد وورانا شغل قد الدنيا ....قوم اشوف
بندر وهو طالع ينشف وجهه بالمنشفة : شغل.....؟؟ أي شغل...؟؟
ام بندر : ومن اللي بينظف هالحوش الوصخ ...؟؟ الجني...؟؟
ثامر وبندر متفاجئين: هاا....؟؟
ام بندر : لا تطالعوني كذا ...!! أي بتنظفون الحوش بين ما انا اروح انقي مع ابوكم الستاير حقت مجلس الرجال الجديد .. ولما ارجع ابغى اشوف الحوش يلمع ...
بندر وهو يتمطط : يصير خير ...
ام بندر : والله ترى ابوكم بيذبحكم لو ما نظفتوه ... نظفوا الجدران .. والارضية .. وقصقصوا الاشجار .. وغسلوا السياراة .. فاهمين ...؟؟
ثامر : هادر ماما في شي تاني...؟؟
ام بندر وهي طالعة : لا مافي ...
وتركتهم وطلعت من البيت ........
بندر وهو يقعد على السرير : من جدها هذي ولا تمزح؟؟؟
ثامر وهو يفرك وجهه ويحك شعره : ما تعرف امك يعني...؟؟ قوم بس خلينا نخلص شغل ..... ونرجع ننام
بندر بعد تفكير رسم على وجهه ضحكة واسعة .....
ثامر مستغرب : شفيك انت بعد ...؟؟ لا يكون ملبوس .....!!
بندر : لا يالغبي .. جاتني فكرة ..... رهيبة
ثامر : وايش هي... يا ابو الافكار ...
بندر قام : سوي اللي اقول لك عليه ووالله لا نستانس بغسيل هالحوش ...
ثامر : ماني فاهم عليك ....
بندر : البس وخلص والحقني ...
ثامر : طيب ...
طلع بندر من الغرفة ودخل المطبخ .. يشرب له كاسة كابتشينو ...
( بندر .. انسان دلخ بس كول مرة ... ذوقه اجنبي .. الا اذا كان الموضوع لفنان العرب .. متحرر ومواكب العصر .. كل يوم له جوال وموضة شعر وملابس .. ويهتم بشكله مرة .. هاليومين عنده شنب بدون لحية .. وزلفه مرسوم بطريقة دقيقة .. والشعر قصير ومرتب .. وللمعلومية .. مرقم نص بنات الشرقية .. وهو اخو ثامر التوأم .. وهو اكبر طبعا من ثامر ..بدقيقة ولا ثنتين .. وعلى فكرة .. تراه من عشااق الكابتشينو )
وبعد شوي نزل ثامر ...
بندر : وين وين وين بتروح انت ...؟؟ ليش لابس الثوب ...؟؟ اقولك بننظف الحوش ... ما بنروح نهايط .....!!
ثامر : مالك دخل انا متعود البس كذا .. حتى ف البيت ..
بندر وهو يبوس يده : الحمدلله والشكر .... امشي يللا
ثامر : وانت وين رايح كذا...؟؟ لايكون المسبح...!!!
بندر يقلده : مالك دخل انا متعود البس كذا ...
ثامر رفع حاجب : قصدك متعود تتفصخ وتطلع بدون فنيلة مع ذا البرمودا ... !!!!
بندر : وش عرفك انت بالموضة امشي بس ياخي ..
طلعوا برى والشمس كانت حارة مرة ...
ثامر : اوف ... وش هالحر ....!!!
بندر : قلت لك .. البس زيي ما رضيت ...
ثامر : اموت ولا اسوي استعراض البحر حقك هذا .....!!
بندر : كيفك .. المهم .. جيب المسجل بسرعة مع الاشرطة ....
ثامر : طيب ...
راح ثامر يجيب المسجل اما بندر .. فراح وفتح البوابتين حقت البيت .. وصار الحوش مكشوف للشارع .. وفتح بعد الكاراج حق السيارات الثلاث الموجودة ... وصار البيت مكشوف مرة .. يعني كل من يمر يشوف اللي داخله ...
رجع ثامر ومعاه المسجل والاشرطة وشاف البوابات والكاراج مفتوحن ع الاخير ....
ثامر : هذا المسجل ... ليش فتحت كل شي....؟؟؟ ناوي تفضحنا .....!!
بندر : اصبر علي شوي .. وبتعرف ليش كل هالاشياء ... اشوف وش جبت ....؟؟
ثامر وهو يعطيه الاشرطة : هذا المسجل .. وهذي الاشرطة ....
بندر قعد يشوف الاشرطة اللي جابهم ثامر .. محمد عبده .. رابح صقر .. خالد عبدالرحمن .. وغيرها الكثير من الاشرطة ...
بندر : ما قلت لك ابغى شريط قروي!! قلت أشرطة زي العالم والناس ..
ثامر وهو يرفع ثوبه ويربطه على خصره زي الهنود : والله هذا اللي عندي ..
بندر : طيب لحظة ...
راح بندر .. فتح سيارته وجاب منها شي .. ورجع ...........
ثامر : وش جبت..؟؟
بندر شبك المسجل باقرب فتحة كهربا ف الصالة .. وعلا الصوت ...
وطلع وقف جنب ثامر ...
وبعد كم ثانية من الصمت .. ارتفع الصوت ...
سوي كنك ما دريت وبوسني ...
وسوها ثاني على انك تعتذر ..
وقول آآآآآآآآسف ما انتبهت وضمني ...
والعذر مقبول ولك مني شكر ...
فتح ثامر عيونه ع الاخير وقال : يالكلب !!.. نزل الشريط ..؟؟ ورى ما قلت لي..؟؟
بندر بخقة : حلو صح ....؟؟ ادري ... ههه
وقعدوا الاثنين المهبل يرقصون ف الحوش قدام الرايح والجاي .. وكلن يطالع فيهم ويضحك ...
كرر الغلطة معايا وخلني..
انتظر عذرك بكل فارغ صبر..
جيبني ثم ودني ثم جيبني..
من حدوود الشمس لحدوود القمر..
من الحماس مسك بندر الهووز حق الماي وفتحه على اقوى شي وقعد يرش كل شي ف الحوش بشكل عشوائي.. واللي يطالع البيت من فوق يعتقد انه حاطين نافورة جدة فيه ...
وبعد كم دقيقة لحقه وثامر ومسك هوز ثاني وقعدوا يرشون بعض .. وسووا فيها بحيرة مائية ..... غرقوا فيها البيت .. وبعدها جلسوا يتزحلقون ع الارض ..
وين ماتبغى فديتك ودني...
خادمك يا سيدي تحت الامر....
وهد حيلي بالغرام وهدني...
والله اني ناذر لحبك نذر ....
ثامر وهو يصارخ : اقول .. خلينا نشتغل لا تجي العجوز وتذبحنا
بندر : أي صدق يللا
وقعدوا ينظفون وهم يستانسوون بالاغنية ويميلون معاها يمين يسار ...
تكفى بعثرني شظايا ولمني..
في كفوفك يا بعد كل البشر ..
وراح اسوي كني دخت وضمني ..
وراح اقول امزح وابوسك واعتذر ..
بندر وثامر : سوي كنك ما دريت
بندر : وبوسني ...
ثامر : عاشوا .... وناسة ... و
بندر : ههه حماس هالاغنية .. يللا حط لنا شريط راشد وعلي الصوت ع الاخير ..
___________________________________

(( بيت ابو سعود ))
( الساعة 12 الظهر ))
كانوا لينا ودلع ف الصالة .. ومعاهم سعود اللي كان ماسك جواله وشكله يدل على انه يسوي شي مهم .....
لينا لدلع بصوت واطي : شوفي هذا .. تلاقين قاعد يراسل خويته اللي ف عرعر ..
دلع : ههه ..
رفع راسه سعود وطالع دلع بنظرة ما تنفهم وبعدين رجع نزله وقال : دلع .. قومي جيبيلي ماي ...
لينا : لاوالله ... ما عندك رجول ..؟؟
سعود : من كلمك يالملقووفة .. قومي عدلي كشتك بس ... تخرع بلد !!
على طول لينا قامت تركض لغرفتها لانه اكره ما عندها احد يتطنز على شكلها ... فقامت تتاكد ..
سعود : وانتي .. انا ما قلت ابي ماي ... ؟؟
تنهدت دلع وقامت ..
سعود : ههه والله مسخرة هالبنت .. !!
رجعت دلع ماسكة كاسة ماي .. وجات بتعطيها سعود .. بس سعود كان حاط رجله ف طريقها .. عشان كذا جات بتطيح بس مسكت عمرها .. اما الماي فانكب نصه على جوال سعود ..
سعود معصب وهو يقوم : انتي ما تطالعين ..؟؟ عميا !!
دلع بانفعال : انت اللي حاط رجولك ف الطريق ..
سعود : يعني مري من فوقها .. فتحي عيونك انتي وتمشي ...
سعود : والله الاعمى يعرف يجيب ماي احسن منك ..
تركها وطلع على غرفته على طول .... اما هي فقعدت ع الكنبة والصيحة بحلقها ..
دخل سالم ....
سالم : السلام ..
دلع تبتسم مجاملة : وعليكم السلام .. تقبل الله ..
سالم وهو يجلس ع الكنبة اللي قدامها : منا ومنكم .. سعود هنا...؟
دلع : أي ..
شاف سالم انف دلع احمر والكلام بالغصب يطلع ...
سالم بشك : قال لك شي صح ...؟؟
دلع :...............سكتت .. اكتفت بدمعة ..
سالم قام معصب : انا اوريه هالحيوان .. والله ما يصير له خير اليوم ..
دلع بانفعال :والله العظيم ان كلمته لا تكلمني بعدها ولا اكلمك ..
سالم : بس..
قاطعته : لا بس ولا شي .. المشكلة بيني وبين اخوك جاء لا تتدخل يا سالم .. ما ابغاك تتهاوش مع اخوك الكبير عشاني .. خليه على قد عقله ..
سالم : طيب خلاص ..
دلع : مو طيب وتروح تتهاوش معاه ...
سالم : خلاص انشالله ما يصير خاطرك الا طيب ...
___________________________________

(( بيت ابو بندر ))
( بعد ساعة )
لا ينشغل بالك
وش قالوا عذالك
لاتتعب تدور
مين اللي قال لمين
حنا كذا "حلوين"
وعلى انغام وكلمات اغنية حلوين لرابح صقر .. خلصوا بندر وثامر تنظيف السيارات على الشارع برى البيت .. وطبعا خلوا الشارع يفيض بالماي ..
بندر وهو ينشف سيارته : اخيرا .. ما بغيت اخلص ... ثامر خلصت ..؟
ثامر يعدل شكله على مرايا السيارة : انا خلصت قبلك .. فديتني وفديت الانفينيتي حقتي ..
بندر وهو يرمي المنشفة على الارض ويحرك حواجبه : ههه ... تراها انفينيتي .. ما تجي نص اللكزس اللي عندي ..
مرت بنت منقبة وضعيفة تتمخطر من قدامهم على الرصيف ....
ثامر لبندر : الحق ....
بندر انهبل وقال وهو يصارخ : يا حلو يا ثامر .. يا قمر انت ..
ثامر يصارخ : هلا والله .. آمر انت يا عمري
بندر يطالع البنت اللي تمشي وبياكلها بعيونه وهو يقول بصوت عالي : ثامر يا حلو .. سجل عندك رقمي .. صفر .. خمسة .. خمسة .. *******
ثامر : وصل .... ابشر بعزك .. انتظر مني مكالمة طيب...؟؟
بندر : على احر من الجمر يالحبيب ...
التفتت البنت عليهم وعطتهم نظرة غرور ومشت ...
بندر لثامر : فديتها .. شفت شلون تجنن ... عيونها ذباحة .. تقول سهام ..
ثامر : خ .. شفت شكلها وهي معصبة .. كانت بتكفخك ..
بندر بحالمية : ظرب الحبيب .. زي اكل الزبيب ..
ثامر : روح يللا عاد ..
مرت بنت مبرقعة على الرصيف تمشي بدلع ..
بندر لثامر : الحق .. دورك يا بطل ..
ثامر يطالع البنت ويقول لبندر : حبيبي يا بعد جبدي يا بندر .. يا عين ابوي اانت .. سجل عندك ..
بندر : كاك .. عطيني حبيبي .. كم رقمك ...؟؟
ثامر بصوت عالي : اكتب عندك .. صفر .. خمسة .. ستة .. ******
بندر : خلاص حبيبي استنى مني اتصال ف اقرب وقت ..
لفت البنت عليهم تتطنز : هههاي .. موبايلي،،،،...
بندر فقع ضحك .. اما ثامر فطاح وجهه من الفشلة ....
بندر : هذا اللي ياخذ موبايلي وش يصير فيه .. كاك .. فشلوه فشلوه
ثامر : مالت عليها هالخايسة .. من زينها .. ما شافت عمرها مع هذا البرقع .. كانها من سلاحف النينجا ....!!!
بندر : ههه ... امش بس الله يخسك .. خلينا نكمل شغل ..
دخل ثامر الحوش اما بندر فقعد يتمطط ف الشارع ويحرك عضلاته ... ولمح واحد ف سيارته من الصباح وهو موجود ويطالعهم ما تحرك ..
طلع فيه بندر باستفهام .. اما الرجال فابتسم ونزل من السيارة : ماشالله .. شكلك مداوم ف الجيم .....
بندر بابتسامة : ها..؟؟ أي والله .. لا زم الواحد يهتم بشكله شوي .. وش عندك من الصباح هنا...؟؟
فصخ الرجال نظارته وقال وهو يبتسم : ماعندي سالفة .. تعرف .. عزوبي .. وما اشتغل .. وزهقان ... وش بسوي غير الهياتة ف هالشوارع .. ؟؟؟
بندر : أي والله وانت صادق .. زهق هالايام .. بس يالله العيد جاي .. ع الاقل فيه اكشن شوي ...
الرجال : أي والله .. وش تسوون انتوا ..؟؟
بندر : والله تعرف ما عندنا سواق .. والوالدة تبغى البيت نظيف قبل ما يجي العيد ب 3 ايام ع الاقل .. وتبغانا ننظف الحوش والسيارات حقتنا .. تعرف الحريم بعد ....الا تعال .. ما تعرفنا ...؟؟
الرجال وهو يمد يده : أي صح .. انا رائد ..
بندر مد يده يسلم عليه : والنعم يا رائد .. معاك بندر ..
رائد : يا هلا بك يا بندر .. تحتاجون مساعدة ..؟؟
جا ثامر ......
ثامر : يللا ما بتجي..؟؟
بندر : ثامر .. هذا رائد .. عرفته اللي من الصباح ف السيارة ..
ثامر وهو يسلم على رائد : هلا والله .. انا ثامر .. اخو هذا التوام
رائد : ماشالله توام ..؟؟
بندر : أي والله .. بس غير عن بعض ..
رائد : ما تبغون اساعدكم ..؟؟
بندر : لا والله مشكور
ثامر : ما تقصر ..
رائد : والله خلون اساعدكم .. زهقان حدي مدري وين ارووح .. ع الاقل اتسلى معاكم ..
ثامر : انا ما عندي مانع .. بس بنتعبك معانا .. ماله داعي ..
رائد : يا رجال لا تعب ولاشي .. ما صدقت على الله احصل لي شي اسويه ..
بندر : خلاص طيب .. حياك .. بس ها .. تشتغل زينا .. مو اقل ..
رائد : خ ولا يهمك ..
دخلوا الثلاثة الحوش .. بندر وثامر ومعاهم رائد اللي كان لابس بنطلون جينز وفنيلة بيضا ..
ثامر مسك الهوز : بندر ننظف الارض اول ...؟؟
بندر : لا خلينا نخلص من الاشجار هذي ..
رائد : وش بتسوون فيها ..
بندر : بنقصقص فروعها واوراقها شوي .. شكلها مرة خايس كذا ..
رائد : اوكي .. ثامر عطني مقص لو سمحت ..
راح ثامر وجاب واحد زيادة لرائد .. وبدوا الكل يشتغل .. كل واحد مسك له شجرة يقصقص فيها على كيفه .. وبالشكل اللي يعجبه ..
التفت ثامر على رائد وشاف فنيلته انشقت بسبب الاشواك اللي ف الشجرة ..
ثامر : ما قلنا لك لا تشتغل .. ما تسمع الكلام ..
رائد : الا هي فنيلة .. مانيب ميت اذا انشقت ..
بندر : سوي زيي .. والله ما بتندم .. خصوصا مع هالجو ..
فكر رائد شوي .. وبعدها وقف وفصخ فنيلته ..
بندر : ماشالله .. وتقول ما عندك عضلات ...؟؟
رائد : ههه .. كنت ارفع اثقال من كم شهر .. والحين وقفت ..
بندر : جيب فنيلتك .. احطها لك ف البيت لا تتوصخ ..
رائد : لا خلاص بوديها السيارة .. ماله داعي
بندر وهو ياخذ الفنيلة : يا شيخ جيبها .. محد ف البيت .. البيت فاضي ..
اخذ بندر الفنيلة ووداها البيت .. ورجعوا يشتغلوا ...