ودي أعرف طريقة تنعيم الشعر بقشور الموز أقصد الموز

يعطيكم العافية ماشاءالله عليكم .................................................. .................................................. .................................................. .................................................. .................................................. .................................................. .................................................. .................................................. .................................................. .................................................. .................................................. ......................
ولا رد من الردود .... مشكورين ما قصرتوا والله .
حتى مجامله ماكو ...

انا سمعت بالطريقه من عند وحده تقرب لي ان شاءلله اسالها واكتب لك كيف طريقه استخدامها.......
لاني اتذكر انها تقول تجففه وتطحنه وتحط معاه زيت ...... بس ايش الطريقه بالضبط ماتذكر......
ولاتزعلين اسالك وارد عليك
والله يوفقك يارب

انا اعرف طريقه وهي تخلي الموزه بره في اي مكان لمده 8 ايام ثما تنقعيها في زيت زيتون وتدهنين بيها شعرك وانشالله تفيدك يارب

ياعمري كيفك..
تجيبي قشور الموز وتجففيها وتطحنيها وخليها على جنب..
وجيبي تفاحه واسلقيها وقشريهاواهرسيها وحطي شوي من قشور الموز والتفاحه الكميه الي تكفي شعرك.. تنعم الشعر وتغنيكي عن الاستشوار..
ان شاء الله اكون افدتك..
تقبلي تحياتي...
محبتك صافي,,,

أحسكم على قولت الكلمة بالكويتي :
( تتطنزون علي ) !!!!!!!!
وبالمصري ( بتتريقوا عليا )
وبالشامي ( عامليني أراجوز )
لا يا فراشات جد ورب الكعبة في طريقة تكثف وتطول الشعر بقشور ( الموز ) .....
منكم لله ........................حسبتكم خواتي وقلبكم علي وبتساعدوني :(

افا القطوه زعلانه وما حد راضاها
والله يالقطوه ودي اساعدك لكن ماعرف شي عن الطريقه اللي تقولين

انا فعلا سمعت ان قشر الموز يكثر الشعر و يلمعه و اليك الطريقة :
تطحن قشر الموز بعد تجفيفها و تضاف اليها الحنه و شوي زيت و حطيه على رأسك لمدة لا تقل عن ساعتين و اغسليها بالماء فقط
و كرري الطريقة مرتين بالأسبوع .
ارجو ان اكون افدتك .

مشكورة فاطمة بس الطريقة ما فيها حنة أنا متأكدة .....
يا ريت يا فراشات يا نحيسات اللي تعرف الطريقة تنزلها لنا ؟؟؟؟؟

قطوة اشفيج ، شكلج واصلة حدج من الزعل ، اشوي اشوي عليى روحج ، كل شي ولا قطوة ، سمعي حبيبتي ، انتو بالكويت الشعور ما شاء الله عليها ومو محتاجين اي مواد عشان تصير ناعمة ، لكن احنا في البحرين حسرة علينا الشعر ما يظل ناعم ابد والسبب الماي المالح ، والله ان الماي اللي نستخدمه في البيوت مالح ، وخارب شعرنا عدل ، عموما انا الحين بعد ما اغسل شعري لاحمام اخذ قدر ماي حلو صالح للشرب واغسل فيه شعري في النهاية عشان اشيل كل رواسب الملح والله ان شعري تحسن وصار احسن من قبل ، شوفي قطوة حبوبة انتي بس زيت شعرج مرتين او ثلاث مرات بالأسبوع وبتشوفين نتيجة حلوة وعندج زيت حبة البركة يلين الشعرة واينعمها وايد ، انتي سوي اللي قلت لج عليه ولا تزعلين حبيبتي .ههه