ورايا فرح وابغى مساعدتكم

مراحب فراشات ..
شفتوا الاخضر ايش سوى هدف ذهبي في الوقت بدل الضايع يجيك وما تحافظ عليه كيف بالله ودهم يلعبون في كاس العالم ...>>>> طبعا مو هاذا موضوعي
الموضوع وما فيه يا حبايبي اني ابغى اسالكم من فيكم جربت كريمات شد وتصغير الصدر يعني لها اثار جانبية تسبب حساسية وهل فعلا تشد وتصغر.. انا عندي اهم شي الشد مو مشكلة التصغير اي شي تعرفونه عنه لا تبخلون علي فيه ...
هذا اولا اما ثانيا انا اعرف انو في حبوب تخلي الدورة الشهرية (اكرمكم الله ) ما تجي بوقتها لان موعدها الايام هاذي نفس تاريخ فرحي بيوم قبلها او بعدها يعني خايفة تجيني بيوم الفرح غير كذا زوجي من دحين يقولي انتبهي من الحاجة هاذي وبصراحة ما ابغى احرمه من الليلة هاذي ليلة العمر بالنسبة ليا وله فبليز اللي تعرفها تقولي اسمها بالضبط وكيف استخدمها ومتى وقد ايش تاخر الدورة وهل لها اثار جانبية كل شي عنها ابغى اعرفه ...
اما ثالثا ولا اقولكم كذا كفاية عليكم واي حاجة ابغى استشيركم فيها اكيد بارجعلكم ...
ومشكورين وكل سنة وانتو طيبين ... نور مكة
على فكرة في عضوة من مكة ما اتذكر اسمها وكانت عارضة ان عندها فساتين افراح وكانت حاطة رقمها ابغاها ضروري ..