وش اسوي بماضي زوجي اللي يطاردني كل لحظه

السلاام عليكم
كيفكم فراشاات زمان عنكم
بصرااحه ترددت قبل ماكتب اللي راح تقرؤنه الان لكني تعبت نفسيا
ضيقتي بدت مع اول ايام زواجي
كل فتره اكتشف شي بزوجي يبعدني عنه واندم اكثر اني تزوجته
اول موقف حصل بخامس يوم من زواجي وكنا برى
وانا اللي اعرفه ان زوجي مايدخن وقبل يوم كنا بالمطار وفي محل دخان اشكال وانواع قاله راعي المحل اي مساعده قال لا انا ما أدخن الله يبعدني عنه
المهم وكنت اشم معه ريحة دخان بس ماتوقعت ابدا انها منه كان يقولي انه اذا طلع باللوبي يجلسون معه مدخنين
المهم بذاك اليوم دخل دورة المياه وطلع وشميت ريحة الدخان قويه ونقزت دخلت بعده وتاكدت انه مدخن والله من الصدمه حسيت يديني ترتجف ماعاد اقوى من صدمتي فيه وكنت متاكده ان الدخان موجود بالحمام بس مادري وين وطلعت
انتظرت ليمن نام وفتشت بالحمام وحصلته وسكت خنقتني العبره المهم حسيت انه ماجاني نووم اخذت جواله العب فيه فتحت البريد المرسل لايميله انصدمت برسايل لبنت منه فيها طبعا غزل ومن هالحكي انصدمت وهذي كانت ثاني صدمه بساعه وحده جلست اطلع اعذار وابرر بس اللي ذبحني ان تاريخ الرساله قريب
كرهته وماعاد نمت الصباح هو عرف اني شفت الرسايل وحلف ماهي له وانا ادر انه نصاب وجحد ان الايميل له وسكتت وقلت له عن سالفة الدخان وبرضو بالبدايه حلف وانكر بس قلت له انت كذاب واعترف ووعدني يترك الدخان وهالامور وسكتت
بعدها صرت كل فتره القا شي جديد عن ماضيه
واخرها قبل فتره بنت موصله له رساله مع ولد عمه ومرسله رقمها الجديد تبغاه يتصل عليها
ومازلت كل يوم يطلع لي شي عن ماضيه
ادري انه ماضي وانا حاضر وهذا كلامه ذايما ويلومني ليش ازعل واكرهه ويقول فلان له ماضي وفلان له ماضي
وادري ان كل شاب له ماضي بس في فرق على الاقل زوجاتهم مايعرفون شي عن هالماضي يعني تعيش معه كانه اول وحده بحياته
بس انا غصب عني اتذكر انه قال حبيبتي عمري حياتي لمليون وحده غيري ومتاكده من هالشي لان من ضمن اللي انصدمت فيه تسجيل فيديو يصور وهو يكلم بنت وانواع الدلع معها تخيلو سمعته انا وياه وعصب علي بعد ماحذفت الجوال بوجهه وعذره يقول ماضي
انا جد تعبانه منه يكفي اني ماجلس معه باليوم كله غير ساعه واحيان اقل غير وقت النوم اللي نرجع تعباانين للبيت وننام وكل يوم لازم يوديني عند اهلي او اهله عشان يقدر يسهر يعني ماعشت حتى حياة اي عروس بعد زواجنا بشهر توفى ابوه وتغربلت زياده
بنات انا مادري وش كتبت ولا وش ماكتبت بس الاكيد اني اكتب وانا والله ارتجف من القهر اللي بداخلي كارهته بشكل ماتتخيلونه
وكل مافكر بالطلاق اتراجع عشان اهلي ابغى حل تكفون انصحوني شورو علي اي شي المهم القى احد يفكر معي
والمعذره على الاطاله