وش بلآإي

السلام عليكم
شخباركم بنات ؟
ما ادري هل هو القسم المناسب او لأ ؟
بس !!
بسرد لكم قصتي إللي ما هيب قصة اصلا" بس ما ادري والله مخنوقة حيل
انا بنت عمري 19 سنة الحمد الله ما علي كلام بس مشكلتي
إني كل ما انخطب
بعد رنة وحنة وجع راس اوافق وبعدين لما يجي الجد ....... أهون
يعني كأن الدنيا ماشية عل كيف راحة ابوي ، ولا ثلاث مرات اسوي هالحركة
بنات والله ما ادري وش يصير فيني احس بوه شيء يردعني ويضايقني ليما اقول لأهلي يرضيكم ارجع مطلقة انا ما أبي هالرجال
ويمشون السسالفة من عندهم / وبعدين صار لما يجيني نااس يسئلوني ولما اوافق ما يقولون للناس يحطوني قدام الأمر الواقع يقولون بكرة بنملك بس لجل يشوفون اتراجع او لأ ، وللأسف برضه اتراجع
الوكاد :
بعد فترة جاني ولد خالتي وخطبني ووافقت وكل شيء
ويوم جاء وقت الملكة ، اوافق لا اتراجع لا .. اهرب من البيت لا .. وش اسوي والله احتست
بس مع رشبة العاالم والحوسة ، وقعت كيف وقعت ما ادري
وصرت متزوجة ، وفترة الملكة ، دامت بين جد ولعب ومزح وخبال ، وحاول يقرب مني ويقيس نبضي يحسسني بحبه وإنه شرايني ما قصر علي بشيء ، إلا إني ما قدرت احبه
كنت احسه ولد خالة لي امزح معه اضحك معه للساعات اتنح اقول بجد هذا زوجي
لما يجي بيتنا مستحيل اجلس معه لحالنا لازم ادخل احد معي او اجلس بزاوية وهو بزاوية
انا موب مريضة ولا شيء .. بس ما ادري ليه طبعي كذا
الزبدة صارت بينا مشكلة ، وتطلقنا ، او بالأحرى انا من طلب الطلاق
حاولوا يصلحون بينا وهو جاء واعتذر مع إنو مو غلطان بس !!
انا ما ابيه .. ما قدرت احبه مع إنه طيب وكريم ورجال وشهم وكل شيء
بس ماقدرت هالشيء اكبر مني
الحين إللي ابي اعرفه ؟
هل انا / يطلق علي لقب مطلقة او لا ؟
مع العلم إني ما دخلت بس ممكلة .. وتشوفون الناس بيناظرون لي زي اول ويخطبون او يقولون مطلقة مالنا فيها
وبس ، ادري بتحسون ما عندي سالفة بس والله حبيت افضفض
لما شفت العالم كله يفضفض