وش تسوين لو كنتي في موقفي

1. السلام عليكم..


2. اتمنى اني القى ردود منكم خواتي تساعدني على التعامل مع هذه المشكله..


3. طبعا تكلمت مره ثانيه ... وثالثه معاه ويوعدني انه ما يتكرر..

السلام عليكم..

اتمنى اني القى ردود منكم خواتي تساعدني على التعامل مع هذه المشكله..

انا صار لي متزوجه من سنه ونص تقريبا.. أعمل في نفس الشركه مع زوجي ، اكتشفت أنه يتراسل مع زميلتي في العمل خلال الأنترنت والحاسوب، تكلمت معاه بهدوء وقال لي انها مجرد أخت وراح يقطع هالشي معاها.. بعد كم شهر هي كانت مسافره في رحلة عمل، وأكتشفت انهم ما وقفوا الرسايل اللي بينهم، شلون؟ من أضطراب زوجي وحالته اللي صارت غريبه، النقال ما يفارقه حتى تكرمون إذا دخل الحمام، طول الوقت يتأكد إذا في له رساله بريديه منها، لدرجة أني صحيت مره الساعه 4 الفجر ولقيته قاعد على ركبتينه ويتأكد من البريد عشان انا ما أصحى من صوت الكرسي!!!!!!! وبما اني عرفت الباسوورد شفت الرسايل وهي سلامات بس ما بين السطور تبين ان في اعجاب متبادل ، بدليل أن الأخت المحترمه ما عمرها بينت لي انها تتراسل معاه وهو نفس الشي، وخلاني هذا الموضوع أشوف موبايله، وصعقت انها تقريبا ترسل له رساله كل يوم، تتطمن عليه وعلى أحواله!!!!!!!!!!!!!!!!!!!!!

طبعا تكلمت مره ثانيه ... وثالثه معاه ويوعدني انه ما يتكرر..

أمس وقت الغدا شفت موبايله، في الأرشيف كان يبين ان في رساله جت منها له، لكن مسح الرساله ، ولما سألته قال كانت تقول لي كلام عن الشغل!!!!!!!!!!!!!!!!!!!!!!!!
أنا أتعالج عند طبيبه نفسيه بسبب الأكتئاب والأنطوائيه والقلق المزمن اللي أعاني منه، وهالشي خلاني أفقد السيطره على روحي، كنت أبكي وأصرخ بهستيريه وانا أرجف، فعلا مو حاسه بأمان أبدا..لا في بيت أهلي ولا بيت زوجي.. الحب اللي كنت أحبه تدريجيا قل ليما موقف أمس خلاني ما أحس ناحيته بأي شي!
هو مو حاس بأي ذنب ولا تأثر من اللي صابني بسبب هالموضوع وحالتي النفسيه اللي تتطلب ان أقرب الناس يقف معي .. بل من طريقة كلامه يطلب مني أنا الأعتذار لأني انفعلت..
ساعدوني خواتي.. انا فعلا أحس روحي وحيده في هالدنيا ومالي غيركم بعد الله، حيث حتى أقرب الناس خيب ظني، محتاجه تحليلكم للموضوع خاصة المتزوجات من فتره .. هل أنا ظالمته بعد كل اللي شفته من اهتمام مو طبيعي بهذه البنت؟؟؟ هل يجب علي الأعتذار لأني أنفعلت بعد المره الرابعه من اكتشافي انهما يتراسلان سرا؟؟؟ وأخيرً، ماذا يجب انا يكون موقفي الآن؟
الوحيده دوما
فاطمه