جربتي تسوين مع زوجك كذا

السلاام عليكم ورحمة الله
كيفكم خواتي وكيف لياليكم الحمرا والرومانسية والزرقا؟؟
الله يسعدنا ويخليلنا رجالنا ويعطي للبنات ازواج صالحين
انا عندي لكم اليوم ليلة غير شكل
بس لازم الزوج يكون مرتاح ومزاجه عالي وجسمه نشيط
وما يكون بكرة دوام او عمل بيكون احسن....عشان القعدة اذا طولت تحلى
وعلشاان ما يبهذلك لما تفاجئيه بهاليلة ......الغير شكل
لانه توقيتها بنص الليل قبل اذان الفجر بساعة
بخري مكان معين هادي وعطريه وجهزي ماء بارد وحطي فيه( لقاح)
او فنجان قهوة......حلوة او مرة حسب اختياره هو شنو يحب انتي اعلم
وحطي بجانب الماء السواك لاتنسيه (مرضاة للرب مطهرة للفم)
الحين روحي لعنده شوي شوي
وصحيه بصوت ناعم .....مو تفززي الرجال ؟؟وتخوفيه؟؟
بصوت هادي ولمسة حانية قوليله ........ تعال يا حبيبي نتعبد ساعة
باقي شوي للفجر قوم نناجي ربنا ....في السحر والناس نايمة
قوم نعدد مطالبنا ونرفع شكاوينا للحي اللي ما ينام
قوم نسبح ونحمد ونشكر لهذا الرب الكريم الرحيم
يلي جمعنا واعطانا هالاولاد والبنات ورزقنا من فضله الكتير
واشعري حقيقة عزيزتي انه الله شايفك وانتي بهاللحظة
واشعري كم من الرضا نلتي باذن الله......وصدقيني ما في احلى
من ليلة تجلسي مع الله تناجيه في ظلمة الليل
ليلة لاتنسى سحرها خاص وطعمها ..........آآآآآآآآه من القلب
صدقيني نهارك كله بيصير غير شكل
انتي بس اعزمي وتوكلي ..........واعزمي زوجك
بهاليلة احلى ليلة ........من ليالي العمر
موضوع عجبني وحبيت انكم تستفيدوون منه
دمتم بوود