وفيت بوعدي وبنبتدي الدرس الاول صابرين كمال

هلا وغلا خواتي
اليوم بابتدي معاكم الدرس الاول , وكثر ماقدرت اسهل في طريقتي عشان الكل يستوعب الخطوات
وكل المكياج اللي استخدمته في ذي الدرس من ماركة جريماس وشدو مضغوط يعني العادي مو المائي , وعذروني حبايبي على الصور تره هذا اللي قدرت عليه لاني اصور بالتلفون.
1- العين بدون مكياج
2- نحط كنسيلر فوق الحاجب وتحت العين
3- بعدين نوزع الفونديشن ( كيك )
4- وانرد نحط كنسيلر فوق العين
5- نوزع شدو بيج تحت الحاجب
6- نوزع لون بيج ( بطيخي ) فوق الجفن المتحرك -في الصوره جنه برتقالي صاير
7- نحط في زاويه العين الخارجيه لون بني بنفس الطريقه اللي في الصوره
8- نبتدي ندمج اللون البني من الزاويه الخارجيه واحنه طالعين على فوق الجفن المتحرك
9- بتطلع النتيجه هلون
10- بعدين بالعكس ندمج اللون البني ابتداءا من زاويه العين الي الخارج مثل الصوره
11- نخط العين بالآي لاينر او بالكحل المائي بهاذي الطريقه
12- بعدين حبايبي نبل الفراشاه بالماي وانشفهه اشوي بكلينس وندمج الكحل من الزاويه الخارجيه للعين الى فوق الجفن المتحرك
13- عقب نوزع الكحل من الزاويه الخارجيه للعين الى الخارج مثل الصوره
14- بعدين ندمج لون برونزي فوق عضمة العين ونبتدي من فوق الجفن المتحرك الى خارج العين
15- نرسم بالكحل سواء الآي لاينر او الحكل المائي خط من منتصف العين الى زاويه العين
16- نرد انكرر عمليه تبليل الفرشاه بشويه ماي ونشفه بالاكلينس وبعدها نوزع الكحل لخارج العين
17- بيطلع شكله هلون
18- بعدهه نرد نرسم زاويه العين بشدو اسود
19- وانوزعه على فوق الجفن المتحرك وحاولوا تدمجونه عدل
20- بعدين نفس العمليه نوزع الشدو الاسود ابتداءا من الزاويه الخارجيه للعين واحنه ساحبين الفرشاه للخارج
21- بيطلع هلون شكله
22- ناخذ لوز بودر ونظف تحت العين بهاذي الطريقه
23- بعدين انحط المسكارا ونخط داخل العين بكحل ابيض
24- واخيرا نرسم الحاجب ( انه رسمته بالقلم في ذي الصوره )
خطت الكحل ناعمه وهم المكياج ناعم ان شاء الله يعجبكم
والي تحب العين مرسومه ترسم العين كامله وتحط كحل اسود داخلهه بيطلع بعد وايد احله
مثل الصور اللي تحت
يالله يا بنات ابي اشوف تطبيق اللي تحب تحاول اتنفذ الدرس واتروينه صوره لشغلهه النهائي
وان شاء الله الدرس الثاني عقب ماشوف التطبق
تحياتي للجميع :21_186: