و ربي مو بس مقهورة

انا هدخل في الموضوع طوالي لاني بجد ضغطي مرتفع من الظلم اللي بيصير فيا
انا حالي حال اي متزوجة تجيها فترة مشاكل مع زوجها عادي مافي اثنين ما بيختلفو لكن ليش دايم اهل الزوج و حتى لو بيشوفو الشي اللي بيصير بعيونهم يحطوه بمرة الولد؟؟؟ يعني ام زوجي مطلعة عليا بالعيلة اني قارفة زوجي بعيشته عشان كدا نحفان و انا يشهد عليا الله اني من يوم ما اتزوجته و هو نحيف حسسوني اني اتزوجت واحد حجمه زي نبل شعيل و من الهم خليته زي رابح صقر و ربي قاعدة اكتبلكم من قهري يعني ليش ما تقول ولدها كمان بيسوي مشاكل و بيفتعلها و هي بتشوف دا كله بعينها تروح تقول للناس اني قارفته في حياته عشان كدا نحفان من الهم طيب مو زوجها عنده شي الحمدلله الذي عافانا ليش محد قال عنها انها من كتر مهي قارفته و متعباه و ممشوراه جاته جلطه؟؟ و ربي من امس و انا اتحسب عليها هي عندها بنتين و بتزوجهم و زي ما بتسوي فيا و بتظلمني ربي هيسوي في بناتها كدا عشان تحس بالقهر حسبي الله و نعم الوكيل افوض امري الى الله ان الله بصير بالعباد الهي ربي يطلع ذنبي كله منها و يوريني حوبتي فيها انا مو من طبعي ادعي على احد بس من قهري و من اللي بيصير فيا قولولي ايش اسوي دي معاها؟؟؟