يابنات ابي خبرتكم بانواع السيراميك والطلاء والاضاءة

والله حتى انا ودي اغير الدهان ومحتاسه مني عارفه ايش اسوي الي تعرف ياريت تقولنا

وينكم يابنات معقولة ماحد عندة خبرة !!!!

انت قوليلنا الالوان الي نفسك فيها
علشان نقدر نساعدك

انا مادري وش اللوان اللي ابيها ودي تعطوني اذواقكم والشي الجديد؟؟

مرحبا فراشات انا الان بمرحلة التشطيب بيتي ....... بالنسبه للسيراميك لاشك انه الايطالي وهو من اجود انواع السيراميك وايطاليا حازت على المركز الاول في صناعة السيراميك واسعاره غاليه جدا ويليه في المرتبه الاسباني واسعاره اخف شوي ,,,, انا اخذت الايطالي طبعا والالوان المكسيكيه سيراميك حجري ولونه ماروني منحوت معتق ممزوج باللون الاورانج والرمادي الغامق لكنه جنان واخذته بثلاث مقاسات اصغر مقاس منحوت برسومات فرعونيه عموما ان بيتي عاملته تراثي انتيك ممزوج بالطابع الاجنبي مفتوح على بعضه والحمامات تكرمون كل واحد من عيالي اخذه على مزاجه واخذت حمامي اللون الرمادي حجري مطعم بنحوتات فضيه بصراحه روعه الله يرزقنا واياكم الخير وموزايك لون الماروني للمسبح ومطعمه الجدرلن بكرنيشات حجريه ولون ثاني للارضيات بعد ماروني ان شاء الله اصوره وانزله لكم الصور تعطوني رايكم فيه وان شاء الله كلكم معزومين بعزيمة البيت وبالنسبه للبويه طبعا دهانات الجزيره لايعلى عليها وكذاب اللي يقولك غير هذا ,,,, انا عملت واجهة البيت معتق تعتيق مكسيكي طبعا انا متاثره بالديكورات المكسيكيه لاتستغربون تعجبني كثير وجوا البيت كل غرفه ستايل غرفتي بصبغها الصبغ المخملي نوع جديد بالجزيره وعندهم برضو نزل الان السراب بس لسه ماشفته كلموني عنه يمكن اختاره بالاستقبال الكبير لانه هذا جزء من البيت مفتوح الدور الاول على الثاني وكل غرفة نوم لها نافذه بتطل على الاستقبال حلو انه يبغاله مساحه كبيره يبين فيهاا لصبغ و المطبخ عندي تحيطه ثلاث صالات يعني كل جدار من المطبخ يقابل صالة استقبال وبكذا انا لبسته حجر ايراني بالمره حلو كل من شاف طريقة وضع المطبخ اتجنن عليه والمطبخ ماكتمته بالجدران فتحت نوافذ بتطل على صالتين عملت على النوافذ كاونترات من رخام برضو حجري ايراني والصاله الثالثه طبعا المطبخ موجود بوسطها له كاونتر لشاي الصباح وجزء من الصاله جانبي عامله بريك فاست مطل على البركه طبعا كل اجزاء الصالات وغرفتين نوم مطل المسبح الصاله فيها برضو مدفاه لبستها حجر من نفس حجر المطبخ وبركب عليها فريم خشب انتيك وهذي الصاله فيها باب موزع لغرف الخدمه بركب هذا الباب كاوبوي قصير ,,,, و الدرج بوسط صالة الاستقبال يجي تحته مباشره نافوره وجانب الدرج مغاسل استقبال لبستها سيراميك حجري وبطعم وسط الجدار مرايا كبيره وسقفها مع الحمام جنبها عملته معجون تراثي ,,,, وبالنسبه للاضاءه ياقلبي اخذت السبت لايت من الانصاري بالبحرين اسباني الشكل والصنع بصراحه اول مره بشوف هذي الاشكال والثريات انتيك من محلات الانتيك السوري بعد يجنن ,,,,, والابواب لسه ماقاولت عليهم بس اقاول برسلك والبوابه الخارجيه والدرابزين عملته برضو تصميم تراثي من شركة الوكيل والشواف وطبعا التفصال احسن تختاري نوعية الخشب وتفصلي على كيفك وبالنسبه للاضاءه طبعا خلي منطقة الخدمه ساطعه وجوا البيت الون رومانسيه وابجورات جانبيه
حبيبتي اتمنى اكون افدتك وامتعتك وامتعت اخواتي الفراشات وانا مستعده لاي سؤال تساليه بس عالخاص اسرع واتمنى لك التوفيق وتغير موفق

اتمنى يفيدونج هالمواضيع
الأبواب
http://alfrasha.maktoob.com/showthread.php?t=279780
الجبس
http://alfrasha.maktoob.com/showthread.php?t=38044
ابواب خشبية
http://alfrasha.maktoob.com/showthread.php?t=23324

هيومه
شكرا لك اختي على هالمعلومات وانا استفدت من خبرتك الجميله
وبصراحة شوقتيني اشووف جمال وروعه منزلك مشالله شكلة خيال
الله يرزقني
وشكرا لك مرة اخرى

نمووله
شكرا على الروابط المفيدة